هايكيو بالطريقه العراقيه 🇮🇶...... (. ❛ ᴗ ❛.) (. ❛ ᴗ ❛.)

السالفه الثامنه

.
.
.
.

بعد ايام قليله وتخلص العطله وشخصياتنا ما لحگت تتونس وعدنا هنا توبيو وشويو يتمشون بالشارع والدنيا ليل...

جان توبيو ياكل چبس وشويو يشرب عصير وشايلين هواي علاليگ وياهم ومثل كل مرة شويو ساكت وتوبيو بس يگرگ...

توبيو: اگلك شو هاي العطله خلصت بسرعه؟

شويو: اي والله حسبالك البارحه خلصنه امتحانات.

توبيو: ورانا نتائج شيخلصني من ابوي..

شويو: هوه انته گضيت عمرك فاشل قابل شراح تخسر هسه.

توبيو: اذا ما اطيح حظك وجه الصرصور..

لزم توبيو حجارة من الگاع ورماها على شويو... بس شويو ما قصر وخر بسرعه وجتي الحجارة بالجلب الي وراه...

اخذها شويو ركضه وحدة ما وگف ولا حتى دار بال لتوبيو..

شويو: الحمدلله هسه ياكل توبيو بمكاني اول مرة يسوي شي بخير..

ويطلع توبيو وراه يركض مثل الخبل والجلب صار يركض وراهم ثنينهم...

توبيو: حسباك تخلص مني والله الحگك لو شيصير..

شويو: الله لا ينطيك من گد ما ركضت حتى علاگتي ضاعت..

بقو يركضون لين تعب الجلب وعافهم وجان يبطلون ركض وبدو يتنفسون الا يلاحظ شويو بجامه توبيو متبلله..

شويو: عزههه هاي سويتها على تفسك.

يالفشله الي بيها توبيو بس ما عندة خيار الا يستعمل التهديد ويا شويو..

گرب من شويو ولزمه من اذنه...

توبيو: اذا اسمعك گايل لاحد هاي اذنك اگطعها...

وخر شويو ايدة...

شويو: طيططط مو بكيفك صير خدام عندي وما اگول غيرها افضحك فضح..

توبيو: صاير تفكر وجه المطي..

شويو: هذا الي عندي ما تقبل... تحمل يصيحولك ابو شخه..

عرف توبيو انه ما راح يگدر لشويو بهاي الحاله و وافق يصير خدامه....

_____________________

والله العطله بسرعه خلصت...

هم خايفين من النتائج؟

يلا ولو " محد يهتم"