.
.
.
.
.
.
اول يوم من ايام العيد والناس فرحانه وكلشي تمام الا شخص واحد گضه عمره منحوس وجهه يجيب الكئابه منو غيرة توبيو حتى صلاه العيد ما راحلها....
گاعد گدام باب بيتهم ويشوف الجهال يطگگون طگيگ وتنوير ضاج وگام عليهم اخذ التنوير وكسرة...
توبيو: والله اذا ما طلعتوا منا اشعله واركض وراكم.
منو يشوف هيج واحد همجي ومخبل وما يخاف وينهزم الجهال شردو وهوه رجع لمكانه...
بدو الناس يطلعون من الصلاه واول واحد اجه على توبيو هوه صديقه الصدوق شويو....
شافه شويو مطنگر واجه عليه حتى شويه يغير تعابير وجهه الي تشبه كلشي الا تعابير الانسان الطبيعي...
شويو: هاي شبيك؟
توبيو: گوم ولي لا اصلخك براچدي.
شويو: يمعود ترى عيد ابتسم وافرح..
توبيو ما رد على شويو وضل مطنگر...
شويو: زين گلي شبيك؟ شصاير؟
توبيو:بلا سمعان اسلم عليهم واخر شي حتى عيديه ما ينطوني.
شويو: بلا منو ذولا؟
توبيو: عمامي الفگر، حتى الجهال حصلوا واني لا.
شويو: ترى موضوعك احسن من موضوعي.
توبيو: خيرر شبيك انته؟
شويو: اجاني واحد مدري منو يگولي هااا لك كبرت وضل يسلم عليه ساعه واني ما اعرف ارد وبالاخير طلع چكليته وانطانيها..
توبيو: على الاقل حصلت چكليته..
شويو: المشكله الچكليته بالگهوة مو طيبه.
ناظر توبيو لشويو وجاي على باله يكتله كتله من هاي المعدله...
شويو: اني راح اروح ابقى هنا بوجهك هذا.
راح شويو وسحب على توبيو بعد ما غسل ايدة منه...
_______________
كل عام وانتم بخير ♡
سحبه طويله وراح تنعاد "محد يهتم"
يلا انگلعوا
أنت تقرأ
هايكيو بالطريقه العراقيه 🇮🇶...... (. ❛ ᴗ ❛.) (. ❛ ᴗ ❛.)
Humorاذا تفهم عراقي ادخل الكتاب عبارة عن خيالات قصيرة
