هايكيو بالطريقه العراقيه 🇮🇶...... (. ❛ ᴗ ❛.) (. ❛ ᴗ ❛.)

السالفه السادسه

.
.
.
.
.
.

بدت امتحانات نصف السنه واليوم اول امتحان للطلاب قبل الامتحان گعد شويو وتوبيو بالساحه يسولفون على الاسئله وشلون راح تجي...

توبيو: السؤال الرابع واضح مهم.

شويو: بس السؤال الرابع ترك.

توبيو صفن على هيناتا ولحظات الادراك صايرة هواي تجيه هاي الفترة

توبيو: گول والله.

شويو: والله.

توبيو: زين المثال الثاني بالفصل الاول مو مهم بلا؟

شويو: هذا هم ترك... انته منو منطيك التأشيرات؟

طلع اتسومو من ورا شويو...

اتسومو: اني نطيته ومقدما تعمدت انطيه تأشير خطأ.

شويو: ليش مو خطيه؟

اتسومو: لا مو خطيه هوه مو ذيج المرة تفل عليه وشرد وهم مرة باگ ربعي.

توبيو: شوكت سويت اني هيج انته ما تستحي على نفسك تتهمني.

اتسومو: شايف بحياتك رگاصه تستحي.

وجان يدگ الجرس وراحو للقاعه حتى يمتحنون وتوبيو جفص جفصه بالاسئله وجان بس يريد يخلص حتى يلزم اتسومو....

ومن خلص الامتحان طلع توبيو وهوه غاسل ايدة ما مجاوب ولگه بوجهه شويو وكينما..

شويو: ها لك شلونك جاوبت؟

توبيو: بلا باع على وجهي هذا وجه واحد مجاوب.

كينما: لا هذا وجه واحد يجيب الفگر.

توبيو: انته انجب ترى هيه واصله لهنا.

كينما: ويعني شرايود.

توبيو: لا تتعيقل عابت هالوجه گبر لفك.

شويو: مو هيج شويه احترام.

توبيو: دولي.

وجان يقاطع هاي المحادثه اتسومو وشلته الي هيه عبارة عن اوسامو وكيتا ابن المدير....ومن شاف توبيو كيتا ويا اتسومو غير رأيه وما راح يگتله....

كينما: اهوو هم اجتي هاي الشله الوصخه.

شويو: والله اني مثلك هم ما احبهم..

بدا اتسومو يتعايل بتوبيو عمدة وتوبيو ما تحمل وجان يضرب اتسومو بوكس وهنا صارت بالضرب حاولو الطلاب يفرقون بس ما گدرو لين اجه المدير ومن سألهم شنو السالفه صار الجذب ماله والي
.
.
.
.
______________________

شلونه امتحانكم اليوم؟ "محد يهتم"