هايكيو بالطريقه العراقيه 🇮🇶...... (. ❛ ᴗ ❛.) (. ❛ ᴗ ❛.)

السالفه14

.
.
.
.

انتو شايفين شلون الحر بالعراق بالاخص بالعيد هذا حال توبيو طلع بالشارع ايريد يشتري بالعيديه الي حصلها متحمل الحر ولعبان النفس حتى بس يشتري بالالف الي حصله من امه...

بين ما يمشي توبيو يلاحظ الناس تناظرة وتضحك هوه سكت وبقا متحمل لين وصل بي الحد وگام يعيط على اي واحد يناظرة...

شويو: هاي شبي تصيح يا اضحيتنا..

توبيو: انته انجب وشنو قصدك اضحيتنا؟

شويو: لك ما تدري روح على اوتسومو للبيت معلگ صورتك وكاتب عليها احلا اضحيه للعيد.

جان هيناتا فاطس ضحك وهوه يحجي وتوبيو ضل صافن هاي وين وصل الاستهتار عند اتسومو راحله ركض وحتى الالف وگع من عنده واخذه شويو وشرد...

اول ما وصل بيت اتسومو شاف صورة شكبرها معلگه على بيتهم جانت الصورة عبارة عن جسم خروف والراس راس توبيو... دگ توبيو الباب قوي وجان يطلعه اوسامو..

توبيو: وين اخوك المعفن؟ خلي يطلع احسن اله.

اوسامو: احترم نفسك شتريد منه؟

توبيو دفع اوسامو ودخل للبيت چان يلگه اوتسومو خاتل جوه الطبله ركض عليه توبيو وسحله من شعرة سحل حاول اوسامو يفاككهم بس ما گدر لان توبيو هم حطه وشبعه ضرب...

توبيو: اذا اهلكم ما ربوكم اني اربيكم ادبسزيه.

اتسومو: گول ماااع.