''လာကွ.....လွန်းရ.....ဒေါ်လေးငယ်တို့နဲ့အတူ ဘုရားပွဲသွားဖို့ လမ်းကိုမြန်မြန်လျှောက်ပါကွ....''
''လောဝ်ဝမ်း......ငါဒီထက်မြန်မြန်လျှောက်ရရင်လည်း ငါ့ခြေထောက်တွေကို တရွတ်တိုက်ဆွဲခေါ်ပြီးသွားဖို့ဘဲကောင်းတယ်....''
လွန်း၏စကားကြောင့် လောဝ်ဝမ်းဟာ လွန်းအားလှည့်ကြည့်ပြီး သွားနေရာမှ ရပ်လိုက်လေသည်။လောဝ်ဝမ်းရပ်တော့ လွန်းဟာလည်းလိုက်ပြီးရပ်လိုက်လေသည်။
''ဘာလဲကွ......သွားနေရင်းတန်းလန်းကနေ ဘာထဖြစ်တာလဲ.....''
''ငါတွေးနေတာ တောင်ပေါ်ကိုနေ့တိုင်းမပျက်အတက်အဆင်းလုပ်နေတဲ့မင်းက ဒီနေ့ကျမှ အမောအပန်းမခံနိုင်တော့တာ ညကမင်းဘာတွေမဟုတ်တာလဲလုပ်ခဲ့လဲ ဆိုပြီးတွေးမိသွားလို့.....''
''လစ်ကို မဟုတ်တာလုပ်ရမှာလား..... ''
''အဲ့တာဆို ဘာလို့အရင်လိုလမ်းကိုသွက်သွက်မလျှောက်တာလဲ.....''
လွန်းဟာ လောဝ်ဝမ်းကို အားလျှော့စိတ်ညစ်သွားသည့်အကြည့်နဲ့ကြည့်ကာ သက်ပြင်းချလိုက်လေသည်။
''ဟ....ဟူး........လောဝ်ဝမ်း..... လောဝ်ဝမ်း..... ဒီနေ့မင်းအဒေါ်နားမှာ တပည့်မလေးပါမှာတဲ့လေ......အဲ့တော့ သူနဲ့တွေ့တဲ့အချိန်မှာ
ငါ့ရဲ့အင်္ကျီ၊ငါ့ရဲ့ရိုးရာဘောင်းဘီတွေ ညစ်ပတ်သွားလို့မဖြစ်ဘူးလေကွာ....''
လွန်း၏စကားကိုကြားလိုက်သည်နှင့် လောဝ်ဝမ်းဟာ အားရပါးရရယ်လိုက်လေသည်။
''လတ်စသတ်တော့.....ဒါကြောင့်ကို.....အေးပါ.....ကြည့်ကြသေးတာပေါ့ လွန်းရာ ....ဖြည်းဖြည်းလေးသာလျှောက်.....ဟိုရောက်မှ ဖြစ်သွားတဲ့မင်းရဲ့မျက်နှာကို ငါကြည့်နေမယ်....''
''သွား......ရှေ့ကလမ်းကိုသာသေချာ ဖုန်မထအောင်လျှောက်စမ်းပါ.....မဟုတ်လဲနောက်ကနေလျှောက်......''
''ဟုတ်ကဲ့ပါ အကိုကြီးလွန်းခင်ဗျ......''
သို့နှင့်လောဝ်ဝမ်းဟာ ရှိုးကြီးနေသည့်လွန်းအား တစ်လမ်းလုံးစရင်း နောက်ဆုံးတွင်တော့ လောဝ်ဝမ်းတို့၏အိမ်တစ်ဖြစ်လဲ သူကြီးအိမ်သို့ရောက်လာခဲ့လေသည်။လွန်းတို့ရောက်သည့်အချိန်တွင် မျက်နှာစိမ်းဧည့်သည်နှစ်ယောက်တို့ဟာ သူကြီးဦးစံလှနှင့်အတူ လက်ဖက်သုပ်စားနေကြလေသည်။
YOU ARE READING
နှောင်းတရိပ်ရိပ် ချစ်ကျွမ်းဝင်
Fantasyဤဖန်တီးမှုသည် စိတ်ကူးယဥ်ဖန်တီးမှုသာဖြစ်ပါသည်။ဤဖန်တီးမှုအတွင်းရှိ ဇာတ်ကောင်များ၊တည်နေရာများ၊နေရာဖွဲ့စည်းတည်ဆောက်ပုံများ စသည့်အရာတို့၏အမည်နာမ အားလုံးဟာ စိတ်ကူးယဥ်ဖန်တီးမှုသာဖြစ်ပါသည်။လက်တွေ့လောကတွင် တကယ်တမ်း တည်ရှိနေခြင်းမရှိပါ။အကယ်၍ အချို့အရာများသည်...
