هلووو نكمل
حمزه :فقدت عليها هيه ساعه تتقبل وساعه تتمنع
حاولت اكون هادئ حتى مااعصب واخوفها
حسبت حساب احد يجي
ابتعدت عنها بعد ماراضيتها
كتلها باليل اجي اخذج نطلع نغير جو بستها وطلعت
رجعت للبيت نمت وكعدت العصر خابرني صاحبي مسوي عيد ميلاد الابنه
هو ماكتله نحظر لا يريد يقطنه
عازم كل الولد ولان كلمن وزوجته فكرت اخذ ليلى وروح
باليل مريت البيت عمي اخذتها اني دوم اطلعها عادي بس انطي خبر العمي
طلعتها مطعم وشويه تمشينه ورحنه اخذنه هديه للفصعون وهيه كالت لازم ناخذ الأمه فد شي
رتبنا باقه ورد وبيها كارت تهنئه
كتلها يالله حبي اروح
ليلى : تمام
اخذتها البيت صاحبي بيته منطقه زراعيه ماكو يمه بيوت شويه بعيدات عليه بين بيت وبيت خمسميت متر اكثر
وصلنا نزلنا دكيت الجرس فتحه وبقه يحجي بصوت عالي هلا بالعضيد
هلا بمرت اخوي
طلعت زوجته تلكت ليلى قدمت الها باقه الورد ودخلو وحنه وراهم
دخلنا مرتبين الصاله بالون وكيك و زينه تخبل فاتحين ديجي والجهال تكمز
سلمت ع الشباب كلهم وزوجته الصحابي قدمت ليلى للبنات
سالته الصحابي
اكلك اشو لا اهلك ولا اهلها
ضحك وهو يفرك باذنه
ههه ماعزمنه احد شنحصل منهم وهو ياشر على الهدايه الي جايبيها الشباب
كتله دومك مصلحجي تونسنه وياهم وجهال طفر كصو الكيكه وصورنا فيديوهات وصور
والفرح مالي كلوبنه
نسينه كلشي بدوامنه
من تعب وخطوره
نسرق من وكتنا ساعات ننسه همومنا
كملنا الاحتفال وقترحو نطلع طلعه جماعيه
صدك كل واحد بينه اخذ زوجته وجهاله
و طلعنه
رحنه على الألعاب اخذت ليلى
ماخليت لعبه بنفسنا
بيومها صدك تونسنا
وحجيت وياها هذي اخر طلعه لان راح تبدي امتحانات
اريدها اشد حيلها حتى نخلص من السادس
ونزوج
واتفقنا بعد الامتحانات بسبوع نزوج
بقت تحرمص وتعصر بعيونها حباب ماالحك والله خليهم شهر
كتلها شوفي لو يطلع جدج من الكبور يوم فوك الاسبوع ماكو
ولج طك صبري وحق الله اصخم وجهج وجهي
هيه صافنه عليه مثل الثوله
وحجت بهباله ليش نصخم قابل ماكو غاز ونطبخ ع النار
يابويه متت ضحك حضنتها ولج شنو غاز شنو نار
احجي ويه طفل اني يربي
كملنا سهرتنا ورجعنا للبيت بعد ماودعنا جماعتنا
