أغارُ عليكِ و أقسم لا أغارٌ ...
ويدري الكون أجمع كم أغار ...!
فإن همست شفاهكِ بأسم غيري ...
شعرت بأن همسها إنفجار ... !
وإن قرتّ على عينيكِ عينٌ ...
وددت لو أرتمى فيها شرار ...!
وإن فر الحوار إلى صديقٍ ...
وددت ، دعوت... لو مات الحوارُ ...!
سواها مهيمن
وقنع الكل واليوم حنتهم باجر ياخذها كبل لاربيل
الكل فرحان
بس عمتي تريد تاكل بشر صارت غصب عليها حسب مافتهمت من رنا
مهيمن عزم عمتي ورنا ماخذها لشقه مالته عود اشوف شنو ناقص وحاجيلها كلشي باقيه تخرط بخدودها
وتصيح تاخذ ثار اختك لان حمزه صخم وجها قبل الزواج
وهو يتفرج عليه مايرد ولا كلمه
الحد مارنا باقيه تبجي عبالها صدك
حاضنها وكالها احلفج بالله اني حاولت لو صارت بدون تخطيط
اذكرت هيه الي عرضت نفسها عليه مو هو طلب
اما سوسن عبالك بالون بس تبزها تتفجر
لا قبلت تروح صالون ولا حتى رتبت نفسها معكتفه بغرفتها
الحنه متعودين بالبيت مو بقاعه وهوسه
كل اعراسنه هيج يعزمون الأقربون وكم شخص من الجيران
جاي احظر بكاسات المي
دخلو بيت خال حمزه بناتهم وجناينهم
خطيه بسرعه اجو وياي لان وحدي
وكل شويه يسألون شكو
شبيها عمتج
كتلهم ماادري
اذكرت البارحه اسوت عمتي بيه من عرفت مهيمن ناصب غرفه نوم بيت اهلي
وعلي اساس يقفل شقتهم ويعيشون يم اهلي
حركت البيت علينه وتكلي هاي سوالفج
اني اسمع تبسبسين ويه اخوج الجلب
وقنعتي مايطلعها وحدها بس بناتي مخلينهن خدم الكم سجى وهاي العوبه
هذنيج كلمن بيتها وهذني بنات العبده
رجعت الواقعي من بت خالتهم كالت حبي روحي حظري نفسج ماعدنا شي بعد واذا اجه احد احنه موجودين
قبل لا يجون من الصالون
دخلت سبحت وبدلت
جاي البس بتراجي
ودخل حمزه
يباوع عليه ويضحك
شو تعالي حبيبي
كعد ع الشازلون وخلاني بحظنه
يتفحصني بعيونه وايده تلعب بركبتي من ورا
حبيبي شبيج ضايجه
ماعليج بامي هيه من تعصب تنسه نفسها
باوعت عليه وعيوني دمعو
حجيت واني مخنوكه حمزه والله
مالي دخل بالموضوع مهيمن ورنا مقتنعين واهلي تعرفهم مايعارضون اذا احد يريد يعيش وحده
وهمه اصلا كملو شقتهم
بس شفت الوضع مهيمن نقلو الغير محافظه ويخاف عليها وحدها
شو تعالي هذا الفستان عوزه شي ويكعد وزن
جنت لابسه زي كردي يخبل جابه الي حمزه
فتح الكنتور طلع علبه
فتحه عبالي ذهب برازيلي ماهتميت عادي
لبسني الحزام والسلاح ع صفحه
وسوارات اربعه بكل معصم
ضحكت كتله حلو هسه كمل الطقم
جان لازمني من خصري ومقربني عليه
كالي خلي بالج عليهم اعرف عبالج برازيلي
عيوني مركزه بي وضحك
بهتت من كالي حبي هذولي ذهب
جبتهم من الشمال
طلع الوصل
من صدك خفت عليهم لا يضيعو
كملت وطلعنا مخلي ايده بيدي
نزلنه بت خالته شافتنا خلت أصابعها بحلكها كامت تصوفر
والبنات كلهم انتبهو بقو يصفكون
اني اضحك بس ضاعت ضحكتي
من انفتح الباب
