ﺳٓﺄُﺧﺒَﺮكي ﻛُﻞ ﻳﻮﻡٓ ﻭﻛُﻞ ﻣﺴٓﺎﺀ ﺑﺄﻧﻨِﻲٓ #ﺃُﺣﺒكي ﻭﺇﻧﻨِﻲٓ #ﺃﻛﺘﻔﻴﺖُ ﺑكي ﺣُﺒﺎً #ﻭﻋﺸَﻘﺎً
ﺳَـ ﺃُﻋَﻄِﺮُ ﺃَﻧْﻔَﺎﺳُكي ﺑِـ ﻋِﺸْﻘِﻲِّ ﻛُﻞَ ﻟَﻴِّﻠَﻪْ ﻭَ ﻛُﻞَ ﻟَﺤْﻈَﻪْ
ﻓَـ ﺟُﻨْﻮْﻧِﻲِّ ﺑِكي ﻟَﺎْ ﻣُﻨْﺘَﻬَﻰْ ﻟَﻪْ . هذا رسالتي اوصليها إلى تلك العيون الناعسه
بقمه فرحنا نازلين اني وحمزه
بنات خالته شكد فرحو بينه سولنا زفه
ناس اصفك ناس تركص كلها فرحانه
جفلت من سوسن فتحت باب غرفتها يمكن لو النظرات تكتل جان كتلتنا بالمكان
صاحت شكو كاوليه شبيكم فضحتونا
حمزه نزل عليها جرها من تشيرتها
شبيج ولج اشو فايره شنو هذا الأسلوب
شنو كاوليه غير عدنا عرس
ردت وهيه تهز بيدها عرس من عاب هيج عرس حتى الناهبه احسن من عرس اختك
هو عرس سكيتي لا زفه ولا شي على شنو خابصين نفسكم
بعدين اني اجي مصدعه اريد انام
دفعها وحجه وهو داير وجه يباوع الخالته وأمه والله
من صرتي تاخذين خفاره بالمستشفى غسلت ايدي منج بس شسوي لابوج الي شاد ضهرج علينا
دخلت الغرفتها وقفلتها
بت خالتها حجت على شنو شايفه نفسها هيه كلها سستر
كتلها اسكتي لا تطلع تتخبل ولا واحد يكول سستر
تكول اني معون طبيب
ردت بت خالته ليش تستنكف هيه الممرضه سستر بعد معاون طبيب وين لكتها
عفتهن يسولفن ورحت الحمزه جان واكف بالحديقه
حجيت ويا شويه ارتاح
وراها اجو من الصالون رنا وسجى
البنات ماقصروا كلبو البيت
هلاهل
وديجي مفتوح
ماجبنه مله
لان مو هواي معازيم بينه اقارب
وكم وحده من الجيران
بيومها ذبينه لحم
اجت الزفه وخذو رنا
وثاني يوم سافرو
حياتي روتين عادي ماتخله من تدخلات سوسن وعمتي
واكثر شي شدت وياي عمتي من
مهيمن ورنا علنو هيه حامل بعد شهر من زواجهم
طبعا هيه بشهر الثالث وعمتي تعرف
بس ذبته حركتها بيه
لان صار سنه مزوجه وماكو حمل
بيوم جنت راجعه من الجامعه
وتعبانه اني صار فتره مكسله ماعرف شبيه
دخلت اسحل بروحي
دخلت لكيت حمزه كاعد يم عمتي وعيونه دم
وعمتي مستمره تحجي
عبالي شو صاير
بس كلت سلام عليكم
ماعرف التكفخ منين يجيني
اريد افهم شمسويه
ماينطيني مجال
بس اسمع سوسن تكله الله اعلم منو معلمها ماتريد طفل منك
بوكتها تمنيت الموت على كميته الضرب الي ضربنيا
تعب من كد مايدفر ويضربه بيه
حسيته هدئ ركضت اريد اصعد النص الدرج ونسحلت وعلى وجهي
اشوف واسمع بس ماعندي طاقه اتحرك
حمزه يلطم يمي
وعمتي اصيح صخم الله وجهج سوسن
مااعرف اني متت يمكن واشوفهم
لو شنو ماادري
بعدها فقدت
كدت اني بالمستشفى
وحيدر وسجى يمي
حمزه كاعد ومخلي راسه بين ايدي
اسمع حيدر يحجي وياي
حبيبتي كعدتي
ليش هيج يابويه لابسه عالي غير تنتبهن
سجى تحاجي حمزه ياخويه فدوه الكم
يصير بعدكم زغار
شنو تحجي شنو الفدوه شنو بعدنا صغار
خليت ايدي على بطني
اذكر اليوم بالجامعه تخربطت
ومن طلعت مرينا بالمختبر حلليت عندي حمل ردت اخابر ماقبلو البنات
كالو سوي مفاجئه الحمزه
صديقاتي فرحو اكثر مني
حتى خطيه نزلو يم محل جابو حذاء مال طفل
تالي هو سوالي مفاجئه
