عاط حيدر شنو هذا الحجي حمزه اختك شجاي تحجي شنو اختي مو بنيه احجي لا تخبلني يعني اختي معيوبه لو انت كاسر عيونه احجي شلون صار هذا الشي
اني بس ابجي واردد حسبي الله ونعم الوكيل ربي انت اعلم بحالي
حمزه: تركني وراح يم حيدر
حجه ويا بكل ثقه خويه ماكو شي هذي سوالف لا تفكر بيها
وداعتك ماكو شي بس انت تعرف سوسن مو جديده عليك
عاطت امها شبيها سوسن لان تحجي الحق محد يريدها
حمزه : يمه يا حق تره اليوم صباحيتنا وانتي وبتج مرمرتي رياكنا
بدال ما تكعدينه بالهلاهل وريوك الزين
شبيج يمه بتج الله ماخذ عقلها انتي شبيج تخبلتي وياها
سوسن : اني مخبله لان كلت جبتها لهنا مو بنيه قابل مجذبه
صاح بيها ابوها انجبي ولج
رجعت حجت اي مو بنيه واحلف بالقران
اذا طلعت بنيه اخذوها للفحص وشوفو
حيدر تخبل
واجه تقرب اليلى يحاجيها
حمزه حاول يبعده مهيمن يفرك بايده مايعرف شنو يسوي
كالهم اطلعو احجي ويه اختي
سجى تبجي
تكلهم ولله من جان يجي يمنه كل البيت يمهم واني اعرف بيهم اذا محد موجود
وحتى حمزه زعل كم مره لان ماتقبل تكعد يمه لو تحجي بالمبايل ويا وانت شاهد حيدر شلون اصدك بكلام هذي المسمومه
صاحت امها بيها ولج سجيوه اختج كلامها صحيح شوفي هذي العايبه الي سوها مره براس ابني الله العالم شمسويه من مصايب بعد
حمزه خزر امه و حاول يهدي حيدر خايف على ليلى
بس حيدر كاله بس اطلع ماعليك هاي اختي مو عدوها اني بعدين احنه نعرف شنو تربيتنا الباقي على الي متعرف العيب والمستحه لو ما خاطر عمي وحمزه اعرف شرد عليج
طلعو كلهم واني بس ابجي خايفه بقو حيدر مهيمن رغم رنا حاولت اطلعه بس ماقبل
حظني حيدر وكال لا تبجين اني اعرف سوسن ماراح تسكت اله تكببها لدنيا لان خطبنا رنا المهيمن من عمي
باوعت المهيمن جان واكف بس مقهور حسيته
من بين دموعي ابتسمت وكتله ربي يسعدكم حبيبي
هز راسه موافقه بس ماجاوبني
حجه حيدر كالي بس اريد اعرف على شلون بنت هيج اعتقاد
خاصه هيه مو غبيه هذا ختصاصها
كتله اريد امي
واني اشهك وابجي
كالي جاين بالطريق بس احجيلي فدوه العينج اني امج وابوج وهيمو يمج لا عبالج اكدر اني او غيري ناذيج او شي وهو موجود
شوفي شلون يرجف صدكي عده استعداد يكتل الخاطرج اصلا اني خايف منه هسه لا يسحلني ابتسمت واني دموعي اصب
حسيت بالأمان بنص اخوتي الي عدها هيج اخوه ماتخاف ربي يحفظهم الي
حجيتله من اول مازفونه الحد ماكعدنا اصبح بس تحفضت على مواضيع خاصه
سحبني من ايدي وطلعنا يمهم
كاله حمزه انتم سبحتو مرتين البارحه
حجه حمزه وهو مدنك متفشل
نكمل باجر
