بعد ماصحيت وعرفت الطفل راح
حجيت الحيدر كلشي من اول مادخلت البيت الحد ماصحيت بالمستشفى
بس ماجنت اعرف ليش ضربني وعلى شنو لان اول مادخلت من الباب انهد بيه
جنت متوقعه علمود شغل البيت عمتي وازته او اني ناسيه شي مامسويته
رغم اني كل شغل البيت أكمله حتى الطبخ اطبخ من الفجر وخلي المدور ع الطباخ من ارجع احمي الاكل وصبلهم
رغم بتهم موجوده بس ماتشيل العود من الكاع تجي من المستشفى تسبح وتاكل وتترك الماعين الي اكلت بيهم اني اغسلهن
تفوت تنام تكعد بالوحده باليل بالثنتين
تبقه تراسل ويه صاحباتها لو تفتح فلم تتفرج عليه ثاني وهيج حياتها حتى ملابسها اني اغسلهم
رغم اني دوم وعندي رجال بس بعد حكم عمتي
وحمزه يسمعلها ساعه يحدد ويضرب
وساعه يحرمص والخاطري تحمليهن
عمي مابيده شي لا يحل ولا يربط
الحجي كله بيد عمتي وسوسن صايره الشيخ بالعائله
بتنا بالمستشفى
وطلعت ثاني يوم رحت يم اهلي شكد حاول حمزه ياخذني بس حيدر ماقبل كاله تبقه يمنه لمن اصير زينه لان وضعي كلش صعب وأحتاج مراعاة خاصه وبيت عمي مابي احد بيتنا امي ونسوان اخوتي موجودات سجى ورنا ماقصرنا البنات حتى سبح يسبحني بديهن
وشنو اشتهي يسونا الي
حيدر حاول يعرف على شنو ظربني حمزه شكد دور وسال محد يكول على شنو كلامهم واحد وكعت من الدرج
وهم بوجود سوسن وعلاقاتها ماكو دليل اني مظروبه
التقرير يكول كل الكدمات الي بجسمي بسبب الوكعه من الدرج
بقيت يم اهلي وخذولي اجازه من الدوام
امتحاناتي تأجلت
صديقاتي اجو زاروني بيتنه
بس محد يعرف اني مظروبه بس حيدر
حتى اخوتي البقيه وامي وابوي يعرفون وكعت من الدرج لان حيدر ماقبل احجي الاحد
فد يوم نايمه وكعدت على عياط سجى
وامي اصيح دخيلك خلي نفهم من حمزه
مهيمن يصيح والله اكسره مثل ماكسرها
حيدر لازم سلاحه ويقسم بالله يخلص على سوسن سجى تلزم بي
ورنا تخربطت حتار بيها مهيمن
كوه كعدو من ابوي صاح بيهم يريد يفهم شكو
حجه حيدر شنو مسوي بعد ما حاول من سجى يعرف شكو وهيه حالفه اله ماتعرف شي كل الي تعرفه وحاجينه الها وكعت من الدرج
بس حيدر مامصدك بيها
فمنزل برنامج تسجيل بمبايل سجى
وسامع كل المحادثه بينها وبين سوسن
وسجى متخبله تغلط على اختها وتدعي عليها
الكلام بالتسجيل سجى متصله بسوسن
تسالها على فد علاج الي الدكتوره مااشره عليه
وهذيج تكلها شمالج صايره ميري الها
الغسل الج والأختج العوبه ساحلات اروحجن علمودها قحط شايفه نفسها
والله بردت كلبي بيها
لو شايفتها شلون صارت جيس مال ملاكمه بيد حمزه
سجى تكلها ولج شتحجين حمزه ضاربها مو تكولون وكعت من الدرج
ردت عليها لا يحلوه لو تعرفين شرتبت الها من سيناريو اخذ عليه جائزه أوسكار
حجت سجى شمسويه يمعزايه
ردت بضحكه مايعه ماسويت شي
بس جبت حب مانع ذبيت كم وحده بسطله الزباله ونطيته بيد حمزه وكتله شوف مرتك ليش تاخذ حب مانع حتى مايصير عندك طفل
حمزه تخبل شنو ماتريد طفل مني
وزودتها امي كالتله والله يمه احنه نخاف من الله مرتك دوم تكول اني مابقه ويه ابنج السايكو مدري شنو
وعينج ماشوف اله النور حمزه اول ماطبت استلمها جلاليق وبوكسيات
واني اختج عود اخلصها منه هو اني ملختها ويا
سجى تبجي تكلها ليش ولج ماخفتي ربج يتيمه شلون هيج اسوين
ردت عليها والله حبيبتي الي تحط راسها براسي هذا جزاتها
ردت سجى عليها ليش شنو الي سوته الج
حجت والله حبيبتي اكلها اكوي ملابسي تكلي شبيهن اديج مكسرات
كسرتها بافكاري شلوني
سجى: وحمزه من عرف حامل وسقطت شكالج
يبووووو سويت نفسي ابجي ولطم وكتله سوده بجهي لو ادري ماحاجيه بس يالله هو الطفل اصلا مشوه بسبب الحبوب
لان فهمته اني حللت الجنين وطلع مشوه
هذا الحجي تسجيل صوت سمعه حيدر الاهله
وابو قرر يجمع كل اقاربه ومنهم بيت اهل حمزه يسمعهم التسجيل
وبعدها يقررون مصير ليلى وحمزه
بنات القصه عليها تبليغ كل مره تنحظر اسبوع اسبوعين
مره الجايه تنحظر نهائي فاني اتفقت ويه
كاتبه راح تنشرها بصفحتها مشكوره
الكاتبه اسمها لجين الجبوري انزل لكم صفحتها اخاف اضيع عليكم القصه
