نايمه وحسيت احد يندس بيه يكعدني من صحيت ايد سدت حلكي
ارعبت عبالي حرامي
بالحظه ضحكت على نفسي حرامي يجي البيت متروس عالم عدهم عرس هذا اله بايع روحه
حاولت اقاوم حجت سجى ولج لا ترافسين خرب غيرتج اخ بطني بت الاوادم وسحلتني لبره وصعدنا لغرفتي واني ادردم شبيج مخبله ماعولت انام
جاوبت اتحملي خبالاته لعد اني مالي دخل ربي يعينج على مابلاج
دخلتني للغرفه وقفلتها من بره
يا ولج سجى ليش قفلتي الباب
ودك على الباب على كيفي
سمعت صوت حمزه من داخل الغرفه
حمزه :تعالي هنا وتركي الباب
يعني نايمه ومرتاحه واني ابوي مشتعل اتصل وحظرتج ولا يمج الموضوع
هيه وحده من الاثنين لو انتي ثوله
لو مامهتمه الي وماحاسبتلي حساب اذا الثانيه تعرفيني ماعندي رحمه وشفقه ابد ايدي والبرجلي واذا الأولى
جان يحجي ويتقدم بتجاهي والله عبالك مجرم مو حمزه
حجيت بسرعه من وصل يمي وحسيته يريد يضربني كتله والله ثوله
ضحك وخذني بحظنه وكال يمه فدوه الثوله مالتي ولج اموت عليج تعرفين لو لا
ربي هذا يريد يخبلني مو قبل شويه جنه المارد الأزرق بس تخيلته يرفعني بصعين ويخليني بحلكه
اشو صار سنفور حبوب هسه بس يحضن ويشمشم
كتله حمزه فدوه شسوي هنا لا سويلنا مصيبه
حجه وهو مخلي راسه برقبتي حبيبتي اريد اشبع من ريحتج راح اتخبل باجر صار عليه شهر
اخذني بحضنه ونام بفراشي
اني مستسلمه بس خايفه لا يجي احد ويشوفه راح تفكرون شلون مأمنه مايسوى شي
حمزه دوم يكولها الي واني اثق بي
مستحيل اخليج محتاره لان اني بنص الموت انتي مرتي بس محد يرحمج اذا اخذت عذريتج وصار عليه قدر
نمنه للفجر سمعت الاذان وصارت حركه بالبيت طفرت مرعوبه كعدو اهلي شلون يطلع بس من صحصحت لكيت نفسي وحدي بفراشي
ضحكت على سوالفه طافر قبل لا يكعد احد
صار اصبح كعدت غسلت لكيت ابوي جايب ريوك وصمون للخطار الي عدنا
شافني بالمطبخ عيونه انملت دمع رحت اخذت الأغراض منه ورجعت حظنته
سمعت صوت زوجت ابوي تحجي بالباب كالت ها يمه كاعده
ابوي بعدني وطلع اني اعرف هو يبجي لان راح اتركهم رغم بيت عمي مو بيعيد
عن بيتنا بس هذا ابوي بعد
كعدت سجى وكملنا ريوك العالم زوجات اخوي بدن يحضرن الغده
واني وسجى طلعنا لصالون
كلمتني شغلها يجنن خابرت سجى على حمزه اخذني لتصوير حمزه متخبل عبالك ممصدك صرت اله
كملنا تصوير ورجعني للبيت
للعصر اجت الزفه هنا احس روحي بدت تنسحب مني دخل عمي وابوي وحمزه ويا اخوتي يهوسله حمزه ماعنده اخوه
اخوتي صارو اله عزوه بيوم عرسه
بحيث حيدر اخوي هو ذبح الدجاجه جوه رجلي
عرسنا يخبل صار لان كلنا اقارب
مراسم العرس كملت من عشه وزفه
وصلنا الساعه الجد
الي صار وياي جنت اسمع عنه بس ماتوقعته بهذي البشاعه.
من البارت الجاي دخلنا بجديه القصه
