طلعنا لصاله كلهم كاعدين
بيها هاي الصاله تابعه لطابق الثاني الي جانت بي غرفتي
جنو يحجون ومن شافونا سكتو
حمزه كاعده على اعصابه
وعمي يهدئ بي
حيدر : حمزه البارحه سبحتو مرتين صح
جاوب حيدر وهو مدنك اي ليش
كمل حيدر سمعت عمي بتك على هذا الشي حكمت اختي مو عذراء
طفرت من يمها سوسن اي فعلا وين اكو وحده فاقده بكارتها تسبح مرتين
جنت واكفه وره حيدر
وسمعت رنت الكف على وجه سوسن من حمزه
وهيه بقت تصيح وتحجي
وحمزه يكلها كلبه خبصتينا على هاي القضيه
شوفو اول مازفونا سبحت جنت تعبان من هوسه العرس
وليلى هم سبحت
يعني شنو بربر شاطر اني لو ديج هيج بسرعه
اباوع العمي وجه مايتفسر ضايج مدري خجلان من كلام ولده
وسوسن ماسكتت تخبلت بالزايد
بصايحهم وكلامهم دخلو ابوي وامي
حاولو عمي وحمزه يسدون السالف
بس سوسن شنو يسكتها
تالي حتى ينهون النزاع عمتي من يمها قررت ياخذوني لدكتوره تفحصني
ابوي وافق
وحمزه رفض
هنا ذبت المي ع الزيت سوسن
وحجت بدس خلص خويه كول شابع بيها قبل الزواج علمين سويت هذي المسرحيه
مهيمن فقد سحلها سحل كو خلصوها منه
وصار إجبار لا زم اروح دكتوره
طلعنا العصر وراحو اخوتي وابوي وعمتي وامي وحمزه عيونه تجدح
بس سمعته كال العمي ارجع ماالكاها بالبيت لان وحق النبي الشريف
ادفنها بيدي اليوم
دخلنا لدكتوره امي رادت تحجي
عمتي سبقتها يمه البنيه عروس اليوم صباحيتها
دارت الدكتوره الي وهيه مبتسمه حبيبتي تحسين بألم لو مجروحه
جاوبتها عمتي لا دكتوره ماشفنا نيشانها
اشوف الدكتوره كامت ايدها ترجف مبينه انقهرت من كلامها
بس لزمت اعصابها
طلبت حمزه يدخل تحجي ويا
طلعت زوجة عمي وبقينه اني وامي حجت ويايا الدكتور كالت بنيتي اذا اكو شي احجي
لا تعرضين اهلج لهيج شي واني كدام امج اساعدج بالي اكدر عليه
بجيت كتلها هو يحجيلج
دخل حمزه سلم وكعد الدكتوره طلبت من امي تطلع هم بس اني ماقبلت كتلها لا تبقه
حجالها كلشي
وكالها اني متأكد زوجتي بنيه
بس كبروها وصار لازم اثبت زوجتي مابيها شي
ميلت راسها وابتسمت وانت تريد إثبات النفسك لو الهم
هو قسم الها ماعنده هيج شي متأكد ميه بالميه بس همه متوقعين اني ماخذها قبل الزفه
حجت بجديه صار معلوم
طلبت اصعد ع الفحص
ضحكت بعد ماكملت كالت يالله هذا اول فحص بعدين تتعلمين خاصه اذا صار عندج بيبي اصيرين محل اختبار بيوم الولاده
حجت ويه حمزه وسالته مجموعه اساله
من ضمنهن شنو لون السائل الى طلع
جاوبها لونه مثل مي الحم
خلص هو هذا طبيعي لان غشائها رقيق
بالمره الثانيه راح يبين دم نقطه نقطتين
وهسه هذا تقرير
كتلها احجي هذا الشي الابوي وامي
ضحكت كالت زوجج كدها لا تخافين
الي عدها هيج زلمه ماتخاف
طلعنه والتقرير ويانا
انطا حمزه الحيدر قرأ بصوت عالي سمعهم كلهم بالبيت
ابوي كالهم خلص بتي ترجع وياي
عمي حجه ويا
وحمزه هم وصار الاتفاق ماانزل جوه الحد ما تزوج سوسن يفصلون الطابق الفوك وصير طبتي وطلعتي ع الحديقه
يعني
نكون عازلين فوك مالي دخل بالطابق الجوه
والايام الباقيه ماخلصت
من تدخل عمتي وسوسن الي رجعها عمي جانت طول المده يم بيت جدها
حمزه يعاملني بحب ومدللني
بس مثل ماكالت امي هو متسرع وسماع كلام
بحيث من رجع الدوام
وصرت اداوم بالجامعه
صار فرض عليه انزل جوه اساعدهم
لان سوسن دوام بالمستشفى
ورنا بالجامعه
وعمتي وحدها
جنت شنو اسوي مايعجب عمتي
ودوم تزن براس حمزه
بعد اربع أشهر زواج صار يمد ايده عليه
واذا عترضت يزود وبعدها يتندم ويراضيني ويبقه يحلف ماحاس على نفسه
كالي من اشوفيني عصبي روحي للغرفه الثانيه وقفليها عليج
وصدك صار من يعصب من عمتي تحركه عليه يكلي اطلعي لا تبقين كبالي
اروح للغرفه الثانيه
يبقه يحجي ويصيح من اسمعه يهدئ
اجيبله مي عصير
يخذه مني ويحظني
عمتي ماكفت اذاها مني
خاصه لمن مهيمن راد ياخذ رنا
وعمتي وكفت عضم ريس
متزوج اله لمن تتخرج
ابتليت على عمري كتلها مو اني ادرس و مزوجه
تمنيت ماحاجيه
فتحت عليه بيبان جهنم
التقيكم بارت جديد واحداث جديده
