هلووووو حبايبي شلونكم
اعرف تأخرت والله والله اعرف بس لازم تعذروني السادس شكنا بنص بس صديقتكم سباعيه امتحنتهم كلهم مااجلت ولا واحد على شنو ااجل قابل اريد طبيه يادوب اطلع ستين حتلو واحد وخمسين هم نعمه اروح اهليه 🤭🤭
شنو انطباعكم للقصه تتوقعون بطلتنا يسحبها حمزه لو تبقه مثل ماهيه صامده
للعلم القصه احداثها اجنن وارجع واكول الي مايعجبه قصصي لا يقراهم
اشكركم واشكر سؤالكم الدائم عني
ليلى : بعد مارجعنه من بيت صاحبه حجيت السجى على اتفاقه وياي سجى بالنسبه الي اختي مو زوجة اخوي
كالت ماعليج انتي اهتمي بدراستج
واني راح اكمل كلشي الي نطلبه من النت والي اطلع اجيبه الج
لا تشيلين هم والله مااخلي نقص بس يبقه اشيائج الخاصه من تخلصين اروح ناخذهم
حمزه رجع لدوام واني بلشت اراجع
وسجى هيه ورنا ومهيمن سكنو السوك مخلو شي ماجابو طبعنا كلشي بختياري يفتحون وياي بث واختار
حمزه نزل مرتين بس ابد ماتقرب الي مبتعد يجي يتعلل يمنه ويرجع
اتصال ماكو بينه شبه منعدم
فد يوم جاي اراجع كيمياء وحسيت انضغطت كلش
بقيت ابجي وطشرت كل كتبي
وصوتي عالي
انفتح الباب ودخل حمزه وحيدر ومهيمن وابوي وامي وراهم وسجى
جنت متمدده بالكاع منهاره
اجه ابوي حظني
كتله مااكدر بعد عقلي فارغ
شكو شي احفظه يطير
حمزه محتار شنو يسوي
بدون وعي كتله وانت هم لا تحاجيني ولا تحبني كلهم ضحكو
كله حيدر عمي هذا سبب العصبيه
شلون نخلي يمج وننزل
حسيت على نفسي
ضميت وجعي بصدر ابوي
وبقيت اكول الروحي الغسل
ماتستحين شكد حقيره وصلفه شلون هيج احجي
طلعو كلهم وابوي كالي بدلي اطلعج اغيرلج جو اتركي الدراسه اليوم
امي حجت خلي نطلع لزياره احسن
اتفقو نطلع كلنا
جاي ابدل واذكر من اتصلت بي ورد عليه
حسيته متغير كلش حتى من احجي ويا يكلي ماكو شي بس والله بس اريدج تقرين
بس كلبي حاس هو ماشي بغير طريق
والمشكله مااكدر اشكي الأحد لو احجي شكي اخاف من الملامه زين شنو اكول شحجي اكلهم مايحجي وياي لو مايدللني
طلعنا بيومها تونست صدك وابوي شيط حمزه اخر شي كاله عمي تره هذيج مرتك شنو مجلب بيها
ضحك ابوي ودفعني اله روحي يمه راح يبجي
كلهم ضحكو على ابوي وحمزه
رجعت كلي طاقه وحيويه
عبالك هستوني بديت اقره ولا عبالك صار شهر ونص اقره
بدت الامتحانات والحمد لله مصيطره قررت مااجل ولا درس
بيوم جاي اقره وفاتحه يوتيوب مدرس يشرح الماده واني متابعه ويا
اجتي رساله من حمزه كاتب مشتاق
حمزه بدوام مانزل بعده هاي اول مره يسويها يراسلني بهيج وقت هو يعرف لو نايمه لو اقره فترة مراجعتي كلها حمزه يراسلني اصبح لان يعرف اكعد ب٧
فتحت الرساله فرحت بيها شويه اجاني فيديو
وبعد الفيديو رساله ملتقانا بعد يومين اريد دلال فول
اني حفظت الفيديو بسرعه بدون مااشوفه كلت اشوفه على راحتي عبالي فيديو غنيه شي
بعدني جاي اكتب ارد عليه انحذف كلشي الرسائل والفيديو
بقيت حايره ليش حذفهم
رحت ع الفيديو فتحته
ولد كاعد على تخم والتخم هذا مالت بيت صاحب حمزه اني متأكده لان كعدت عليه بيوم الي اخذني بعيد ميلاد ابنه الولد كاعد ع التخم وبنيه بحضنه ماطالع بس رجليهم وهو يحظن بيها وهيه تتنعوص
صافنه اريد استوعب ليش دزلي هيج يريدني هيج اسويله لو شنو بعدين انتبهت البنطلون مال حمزه متأكده والصاله مالت بيت صديقه
عيوني ع الفيديو وصب دمع بس ماابجي احس اختنكت
انفتح الباب
دخلت زوجه اخوي تركض شبيج ليلى
احجي حمزه اتصل بيه كالي شوفيها
شكو كولي
جان مبايلها بيدها
دك مبايلها جاوبته حمزه شكو ليلى تبجي
شبيكم
اخذت المبايل منها كتله تمام حمزه وصلت رسالتك تعال العمك وفض كلشي
اني مااخذ زبايل وفضاله غيري
حمزه : حيوانه شجاي تحجين منو فضاله غبيه ولج هذا صاحبي عباله صديقنا لان مسميج اسم ولد ودز هيج اله لان يعرفون اني ماعندي هيج سوالف
دزها من مبايلي اله
كافي حمزه مااريد اسمع كلمه والفيديو دزيته الابوي خلي يشوف قذارت ابن اخو هذا مو بيت صاحبك وهذا بنطرونك
حمزه:ولج تخبلتي قابل الي صنع بطروني انتحر ماصنعو غيره شلون ادزينه العمي
غبيه شيكول عليج متعلمه ادزلج هيج
ليلى : انطيت المبايل الأخته وردت انزل احاجي ابوي
ماعرف شكله سجى لكفت مبايلي ولطشته بالحايط صار طشار
بقيت اصيح اجه اخوي شكو كتله مرتك كسرت مبايلي
بعدني اريد اكمل كالتله
غدا نلتقي
