(Completed)လေငွေ့သွင်သွင် ဝှေ့ထင်ထင် ချစ်တေးသံစဉ် ပျံ့လွှင့်၏

လေငွေ့သွင်သွင်(၁၁)

Unicode
********
"အခြေနေ ဘယ်လိုရှိလဲ"
"မထူးဘူး အကိုလေး"

ချစ်ထူး လက်ထဲက ကော်ဖီခွက်ကို အကိုလေးလက်ထဲ ထည့်ပေးလိုက်ပြီး ပြန်ဖြေလိုက်သည်။
"ကျွန်တော် ညနေကြ ပြန်တော့မလို့၊ အကိုလေး လိုက်ခဲ့ပါလားဗျ"

နီယွန် ခေါင်းခါပြလိုက်မိသည်။ သူမသွားချင်။ သူမြန်မာကို ပြန်လာပြီး ပျင်းအမေရှိနိုင်မည့် ဆေးရုံတိုင်း ဆေးခန်းတိုင်းကို လိုက်ရှာပြီးပြီ။ ပျင်းရော သူ့အမေပါ မတွေ့ခဲ့။ သူလက်မလျော့နိုင်သေး။ ရန်ကုန်မှာ အိမ်ငှား‌ကာ ချစ်ထူးကို အဖော်ခေါ်ထားပြီး ရှာဖွေခဲ့သည်မှာ ၃ လ တင်းတင်းရှိပြီ။ အခုဆို မိုးဦးတောင် ကျရောပေါ့။

"ပြန်နှင့်လေ ချူး၊ ငါ..ငါ နောက်အပတ်မှ လိုက်ခဲ့မယ်၊ထပ်ရှာချင်သေးတယ်"
"‌သဘော၊ ‌ဒွေးကြည်အတွက် ငါးပိငါးခြောက်လေး သွားဝယ်မလို့ လိုက်ဦးမလား"

"အင်း "

နီယွန်နှင့် ချစ်ထူး ကားထုတ်ပြီး ‌ဈေး သို့ ထွက်ခဲ့သည်။ ချစ်ထူး ကားမောင်းရင်းတန်းလန်း လမ်းလည်ခေါင်မှာ ကားထိုးရပ်သွားကာ နောက်ကားဆီမှ ကားဖင်ဝင်ဆောင့်သံ ဟွန်းသံတွေက ပွက်ပွက်ဆူသွားလျက်။
"အကိုလေး အဆင်ပြေလားဗျ၊ ထိသွားသေးလား"
"I'm fine"

နောက်ကားတွေကို ဆင်းတောင်းပန်ပြီး လူထုအကူညီနဲ့ ကားရွေ့လိုက်ကာ ကံကောင်းစွာနှင့် ဘယ်သူမှ မထိခိုက်။ လမ်းအနည်းငယ် ရှင်းနေတာကြောင့်လဲ ပါမည်ထင်သည်။
"ကျွန်တော် ဝပ်ရှော့ဖုန်းဆက်ထားပြီးပြီ၊ တက္ကစီပဲ ငှားစီးသွားရအောင် "
"အင်း"

ပျင်းကို သတိရစိတ် ပြေလို့ပြေညား အပြင်ထွက်ခဲ့ပေမယ့် အခုလိုဖြစ်သွားတော့ နီယွန်စိတ်သိပ်မကြည်တော့ ။ ချစ်ထူးတားပေးတဲ့ တက္ကစီနောက်ခန်းထဲ ဝင်ထိုင်ပြီး မျက်ဝန်းတွေသာ စုံမိတ်ပြီး စိတ်လျော့လိုက်တော့သည်။

ကားရွေ့သွားသည်ကို ခံစားရပြီး နားထဲဝင်လာပါသော အသံလေး...။ တင်းမာနေသည့် စိတ်တွေ ပြေလျော့သွားပြီး စိတ်ထဲအေးချမ်းသွားစေကာ နှလုံးအိမ်ကို နွေးထွေးသွားရပါသော အသံလေး....။ Amber....

နီယွန်မျက်ဝန်းတွေ အမြန်ပွင့်လာပြီး အသံလားရာဆီသို့ အကြည့်ရောက်သွားမိသည်။ ကားထဲက ထွက်နေခြင်းပင်။ တိတိကျကျဆိုရသော် ကားဆရာဖွင့်ထားတဲ့ သီချင်းသံ။
"ချူး ချူး...ပျင်း ပျင်း အသံ ဒီmusic အသံက .."