Unicode
********ကားသမား သတိရသည်နှင့် မြို့ကို မေးမြန်းကာ နီယွန်ကိုယ်တိုင် ကလေးမိခင်ကို လိုက်စုံစမ်း မေးမြန်းသည်။ ဘာသတင်းမှမရ။ တစ်မြို့လုံးနီးပါး ချူးနှင့်အတူ လိုက်ပတ်မေးမြန်းပြီး နောက်ဆုံးမှ သိသည့်လူတစ်ယောက်ကို တွေ့တော့သည်။
"ကျွန်မသူငယ်ချင်းပါရှင်။ ကလေးအဖေက ဆုံးတာကြာပြီ။ သူ့မိဘတွေလဲ မရှိတော့ဘူး။ ကျွန်မဆီ ကလေးမွေးတုန်းခဏလာနေမယ်ပြောပြီး လာတာ။ ပျောက်နေလို့ ကျွန်မလဲ ကားသမားတွေဆီ လိုက်စုံစမ်းနေတာ"
"ဟုတ် ကျွန်တော်တို့မြို့မှာ အက်စီးဒန့်ဖြစ်ပြီး ဆုံးသွားပြိခင်ဗျ။ ရုပ်အလောင်းကိုတော့ ချက်ခြင်းမီးသင်္ဂြိုလ်လိုက်ပါပြီ။ သမီးလေးကျန်ခဲ့တယ်။ကားဆရာလဲ လောလောဆည် လူသေမှုနဲ့ ချုပ်ထားတုန်းပါ။ အဲဒါ အမတို့ ဘယ်လိုဆက်လုပ်ချင်လဲ မသိဘူး"
"သူမွေးတုန်းခဏပဲ အဖော်လုပ်ပေးဖို့ ခေါ်တာရှင်။ ကလေးတစ်ယောက်လုံးတော့ မကျွေးနိုင်ဘူး။ ပြုစုစောင့်ရှောက်ဖို့ အချိန်လဲ မရှိဘူး။ လုပ်ကိုင်စားသောက်ရဦးမယ်။ မိဘမဲ့ဂေဟာဖြစ်ဖြစ် ပို့လိုက်ပေါ့ရှင်"နီယွန်သေချာမေးမြန်းပြီးမှ သူ့မြို့သူပြန်လာလိုက်သည်။ ကလေးက အခုချိန်မှာ မိဘမဲ့။ တစ်ခုထဲသော အဆက်သွယ်ကလဲ မခေါ်ထားနိုင်။ ပယင်းသဘောအတိုင်း မွေးစားရတော့မည့်ပုံ။ သူမမွေးချင်တာတော့မဟုတ်။ နီတာရဲပေါက်စလေးကို သူလဲချစ်သည်။ သို့သော် ဘယ်လိုပြုစုစောင့်ရှောက်ရမယ် သူမသိ။ ဤမျှနူးညံ့သေးကွေးသည့် ပေါက်စလေးတွေကို သူမပြုစုဖူးဘူး။သူနှင့်ပယင်း မလုပ်နိုင်မှာကြောက်သည်။
အိမ်ပြန်ရောက်တော့ ပယင်းက အလောတကြီး ။ ကလေးဆွေမျိုးတွေကို ရှာတွေ့ခဲ့လား သိချင်နေသည်။ နီယွန်အကြောင်းစုံရှင်းပြလိုက်တော့ ပယင်းသက်ပြင်းချကာ
"ကျွန်တော်မွေးမှာနော်လ၊ပြောပြီးပြီ"
"ဟူး ကိုယ်မှ မမွေးဖူးတာ ပျင်းရယ်။ ကလေးက အရမ်းသေးလွန်းတယ်။ ကိုယ်တို့တစ်ခုခုမှားယွင်းပြီး ကလေးထိခိုက်သွားမှာကြောက်တယ်"ထိုစဉ် အိငယ်က ကလေးပွေ့လာပြီး သေးပေါက်ချထားသည့် အနှီးကို ကျွမ်းကျင်စွာ လဲလှယ်သွားပြီး ကလေးကို ချော့မြူကာ
"သူဌေးလေးရယ် မပူနဲ့။ ညီမရဲ့ တူလေးမွေးပြီးတော့ ညီမပဲ ထိန်းလာတာ။ အားလုံးကျွမ်း။ ညီမတို့လဲ ကူထိန်းပေးပါ့မယ်။ အကိုပယင်းမွေးချင်တာကို ပေးမွေးလိုက်ပါ"
ဒွေးကြည်ကပါ ကလေးနို့ဘူးနှင့် မီးဖိုထဲကထွက်လာပြီး
"ဟုတ်ပါ နီယွန်ရယ်၊ ဒွေးတို့လဲ အိမ်ထောင်မရှိပေမယ့် တူလေးတူမလေးတွေကို ထိန်းဖူးပါတယ်၊ မပူနဲ့ မောင်ပျင်းမွေးစေချင်ရင် ခေါ်ထားလိုက်။ "
![](https://img.wattpad.com/cover/363498485-288-k434416.jpg)
YOU ARE READING
(Completed)လေငွေ့သွင်သွင် ဝှေ့ထင်ထင် ချစ်တေးသံစဉ် ပျံ့လွှင့်၏
Fantasyမျက်မမြင်တစ်ယောက်ရဲ့ အသံပြတင်းပေါက်ငယ်