160
Zack Z.U.May 04, 2023
Chapter 160အချိန်များက တရွေ့ရွေ့ကုန်ဆုံးသွားသည်။ တစ်လဆိုသောအချိန်က မျက်စိတစ်မှိတ်အတွင်း မြန်ဆန်စွာကုန်ဆုံးသွားပြန်၏။
ဒီဇင်ဘာနှောင်းပိုင်းတွင် ဆောင်းရာသီ၏အအေးဓာတ်မှာ ပို၍လွန်ကဲလာသည်။
တစ်ချိန်တည်းမှာပင် ဆွေ့ဆွေ့ပါဝင်သရုပ်ဆောင်ထားသော 'ပါးကိုက်နားကိုက်' ရုပ်ရှင်ကားကြီးက နွေဦးရာသီအစပိုင်းဖေဖော်ဝါရီလခန့်တွင် ရုံတင်ပြသရန်စီစဥ်ထားကြသည်။
ရုပ်ရှင်အပြီးသတ်မှုကိုကြော်ငြာလိုက်သည်နှင့် ပရိုမိုးရှင်းများအင်တာဗျူးများဖြင့် ရိုက်ကူးရေးအဖွဲ့တစ်ခုလုံး အလုပ်ရှုပ်ကုန်တော့သည်။
ဆွေ့ဆွေ့တစ်ယောက် မမဖုကိုပြန်တွေ့သောအခါ သူမ၏ပုံစံက ယခင်တစ်ခေါက်အိမ်လာတုန်းကထက် ပို၍အဆင်ပြေနေပုံရသည်။
"မမယင်းယွီ...မမရဲ့အဖေနေပြန်ကောင်းသွားပြီလား"
ကလေးငယ်၏မေးခွန်းကြောင့် ဖုယင်းယွီခေတ္တမျှကြောင်အသွားရသည်။ သူ်၏ ဖခင်ဖြစ်သူနေမကောင်းသည်ကို ကလေးငယ်ကဘယ်လိုသိတာပါလိမ့်။ ကုကျန်းနျန်ပြောပြထားတာဖြစ်နိုင်သည်။
သို့သော်များများစားစားတွေးမနေဘဲ အပြုံးလေးဖြင့်ပြန်ဖြေလိုက်၏။
"စိတ်ပူပေးတဲ့အတွက်ကျေးဇူးတင်ပါတယ် သူအခုအများကြီးပိုကောင်းလာပါပြီ"
သူမ၏ဖခင်က အနည်းငယ်ပြန်ကောင်းလာပြီး ဆေးရုံမှဆင်းရပြီဖြစ်သော်လည်း သေနတ်မှန်ထားသည့်ညာဘက်ခြေထောက်ကကျောက်ပတ်တီးမဖြည်ရသေးသလို ဖြည်ပြီးလျှင်လည်း လမ်းကောင်းကောင်းလျှောက်နိုင်ဦးမည်မဟုတ်ကြောင်း ဆရာဝန်ကပြောလာသည်။
ဖုယင်းယွီတစ်ယောက်ထိုအကြောင်းကိုကြားကြားချင်း စိတ်သက်သာရာရသွားသည်။ အနည်းဆုံးတော့ရှေ့လျှောက်တွင်အန္တရာယ်ကင်းကင်းနှင့်နေနိုင်မည် မဟုတ်လား။
နိုင်ငံ့အတွက် လုံလုံလောက်လောက်တာဝန်ထမ်းဆောင်ခဲ့ပြီးဖြစ်သည်။ ယခုအချိန်တွင် သူ့ကိုယ်ပိုင်ဘဝကိုအာရုံစိုက်ဖို့အချိန်ရောက်လာပြီ မဟုတ်လား။ အသက်အရွယ်လည်းကြီးနေပြီဖြစ်သောကြောင့် နားနားနေနေအေးအေးလူလူနေသင့်နေပြီဖြစ်သည်။
ESTÁS LEYENDO
ပြည်သူ့အချစ်တော်လေးက၃နှစ်ခွဲသမီးလေး
Romanceပြည်သူအချစ်တော်လေးက ၃နှစ်ခွဲသမီးလေး Title - The National Girl is Three and a Half Years Old