أقسى من حمل الأسئلة، أن تحمل في صدرك جواباً فات أوانه..🖍️...🖤
في دار بن عياد وين تلقى البريتيج و الوهرة و الهيبة نحكي من برة نحكي على الصورة الي تخرج لناس على غير الي موجود وسط القصر وكيما يقولو كل دار و اسرارها هي ليلتنا طويلة و مازلنا ساهرين مع يمان و جميلة الي قاعدين في فرش يتقاسمو في حمل الدار و هم الدنيا
_جميلة : اسمعني ..ايمن ولدك مش لباس
_يمان : اي نعرف
_جميلة : اي كي انت تعرف علاه متصرفتش
_يمان : اي اش عندي نعملوو انا..ماني حكيت معاه
_جميلة : بفف حكيت حكيت اش حكيت دقان حنك
_يمان : بلاهي أول حاجة ولد و تعرفو و ثاني حاجة حتى كان باش يتبدل مهواش باش يتبدل بين ليلة و نهار ..سمعت الي رجع لخدمتو و لاهي بيها معادش كيما قبل ولا يسري يهزو النهار و يجيبو الليل ..ولاهي بولدو زادة
_جميلة : اما ناسي نقطة مهمة ...مرتو ماهوش لاهي بيها هذيكة بنت ناس و ميلزمش يظلمها ياسر قاعد يهملها فيها ...شوف يا تحكي مع ولدك يا نحكي معاه بالطريقة الي يستحقهاا و الي تعرفني نحكي بيها من قبل
يمان كان بيرقد اما النوم طار من عينيه مالي سمع كلام جميلة رجع قعد و شعل الفايوز و نفخ بغل و بعد نطق بنبرة غش
_يمان : شوف لللا جميلة راهو انا .. معنديش حتى دخل في ولدك اش يعمل و اش ميعملش و حكاية مرتو انا معنديش فيها يد قدك
_جميلة : شنياااا اش تقصد
_يمان : انت تو خليتني ننطق و انا معيني في كلام ولدك يالا دخل في حيط من وقت الطفلة كارين دخلت لحياتو اما انتي هي سبب وقت كارين قررت تخرج من حياتنا انتي هي الي بقيت تتواصل معاها وقت ايمن يجي يسألك عليها تعمل روحك مفيبالكش
_جميلة : انت منين تعرف انءءء...
_يمان : اي نعرف ...نعرف يا جميلة اما ايمن ميعرفش و كان يوصل يعرف صدقني لما يهد الدنيا فوق روسنا نااااس كل فخليه يعيش كيما يحب
_جميلة : اي عندك الحق ..اما انا هذا كل في مصلحتو على مصلحة ولدي
_يمان : نعرف اما حبيت ولا كرهت انتي هزيت ولدك و حطيتو في فم المدفع و انتي بيدك و الوحيدة الي تخلي ايمن فرحان ولا حزين
_جميلة : اش تحبني نعمل انا
_يمان : حاجتين يا تخليه يعيش كيما يحب يا تمشي تحكي معاه و يطلق و يبقى عايش على اطلال و يلزمك تعرف الي كي طاح ملقى حد كان الطفلة هاكي حتى انتي ملقاكش
_جميلة : عندك حق
__يمان مالا فك عليا من الموضوع و خليني بالع السكينة بدمها...شوف جميلة انا خسرت يوسف مش مستعد نخسر ايمن تفهم فيا ...
تسمع كان التقهقيه و الضحك من عند احمد و فيروزة
بديت نشم في رائحة حب جديدة
😍🤒
هايا حلقتين خفافي اليوم 🤭
جاممم ❤️🦋
أنت تقرأ
الوتر الحساس
Romanceحياة البنت التي تنقلب فجأة رأسا على عقب ..لتقع في فخ الحب ...و يجبرها القدر على ان تختار بين العائلة او الحب 👀😎 الوتر الحساس © كرونيك بالهجة التونسية 🇹🇳 للكاتبة يسرى حسين ..💜🌟
