اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كانت رحلة متعبة اما ممتعة في نفس الوقت و الي يفرح القلب اكثر هو حبكم و تفاعلكم على كل حكاية معانا .. حكاية الوتر الحساس حكاية جديدة من نوع جديد متكتبش قبل خارجيا و داخليا خلينا نبداو خارجيا الي حكاية الطفلة الي تتعرض لحادث مع البطل للقصة لكن الحادثة هذه متتحولش لقصة حب على عكس القصص و الكرونيكات الكلاسكية باش نلاحظو فشل العلاقة حتى لمجرد اصدقاء ... اما داخليا و الأهم شكون فينا متأثرش مع حكاية كارين و قصتها كارين الي عاشت في ظلم خسرت الجناح الأول الي هو بوها و عاودت خسرت الجناح الثاني امها حبيت نحكي في نقطة هذه على نساء ضحايا العنف ... شخصية كارين كل واحد يشوفها من زاوية معينة فما الي يشوفها خوافة و فما شكون يشوفها قوية و مناضلة و ضحية للظلم ...و هذا الي حبيت يكون مكشوف اكثر حبيت نظهر الي كارين هي مزيج مابين التفاصيل هذه كارين امراة مناضلة برغم من كل الي عاشتو نجمت توصل للحلمة متاعها انها تأسس بيئة خاصة بيها ... كمية الحب و الطاقة الاجابية الي ديما موجودة عند كارين لبنتها على عكس المعاملة مع حياة لولدها الي قصدا محكيتش برشا و مكتبتش على اقوال بين حياة و ولدها يوسف اما لاحظنا وقت مرض يوسف كيفاش مهياش فايقة ولاهيا هي بأعمالها و ملذاتها وهذا زادة الجانب الي حبيت نكشف عليه هو مدى تأثير البيئة المحيطة بطفل قداش تعاونو على انو يكون طفل واعي و متربي و ميكونش عندو هاك الخوف و التردد بلعكس يكون عفوي و عندو ثيقة في روحو كيما ملاك الي برغم من كل المشاكل بين كارين و راجلها محسسوش جملا لملاك و كذالك الطريقة الي صارحت بيها ملاك على حكاية طلاقها ... هذه شخصية كارين عباس خياط ايمنبنعياد فيكم شكون كرهو و شكون حبو شخصية ايمن هي شخصية متلونة و حاملة تفاصيل دقيقة و متنوعة ايمن يمثل الطبقة البرجوازية يعني الطبقة الغنية ايمن في اول لكرونيك كان يحب يملك كل شي بفلوسو اما بعد تعرفو على كارين و عدم قدرتو على انو يشريها بالفلوس خلاتو تبدل وجهة نظرو ... ايمن هو شخصية تقمصت دور الي اغلبيتنا نعيشوه كان مش بالطريقة هذه بطريقة اخرى وهي الغش و تسرع في اعمال ايمن وقت تنرفز ولا توتر و حزن بدا يعمل في حاجات و قلبو معمي لين لعمى متاعو خلاه يغلط غلطة نتيجتها عرس بالغصب من شيرة اخرى نراو ايمن ضحية زواج تقليدي صحيح هي غلطتو اما زادة مننسوش الي حياة كانت تحب ايمن و الي عملو كان في صالحها ... يزينا ما شكرنا ايمن تو خلينا نذمو شوية ايمن نراووه هو من المساهمين في عنف المرأة شفناه كيفاش يضرب في مرتو و مهملها كيف كيف سوء معاملتو مع ولدو الي مش موفرلو حتى اقل وقت ...و هذا شوفناه كيف عيط عليه في دار كارين و كيف يروح كل يوم مخر يلقاه راقد .. ايمن التسرع متاعو هو الي فسد كل شي ..هو الي فسد المطعم متاع لكرونيك وقد الاحداث و الجو يصفى يرجع هو يعكر كل شي .... نجو لشخصية الي رافعة العلم الابيض الي متأكدة انكم حبيتوه بكل تفاصيلو هو ابراهيم شخصية هزت كل مواصفات هو الراجل المثالي يحب مرتو و صغارو و خدمتو ناس كل يحترمهم يحامي على حرمتو و يدافع ياقف معاهم و يساندهم يمكن و انتو تقراو ولا كيف كنتو تقراو علاش ابراهيم لبناني تونسي حبيت من هنا نعمل لمحة صغيرة باش نوريلكم الي الحب و الوقفة مش بالضرورة افعال حتى اقوال زادة اغلبية التوانسة الاغلبية قلت ههه انهم يترددو باش يقولو كلمة نحبك و محلاك و كل الكلام لحلو و مش كان للزوجة ولا العشيقة حتى للأم على عكس الشرق بصفة عامة نلاحظو خاصة اللبنانيين ديما على لسانهم الكلمة لحلوة و الطيبة ...حتى لكلام يشجع و يطلعك الفووق .... بالنسبة لشخصيات جميلة و يمان هوما شخصيات منعكسة لحياتنا و واجبات الام و البو و الجد و الجدة ... و شخصيات فيروزة و احمد الي تسلط عليهم الضوء في اخر الكرونيك هوما شخصيات حبيتهم باش يخلقو الفكاهة و المرح في وسط زحمة الحزن متاع بقية الشخصيات و زادة حبيت نبين علاقة الاخت الصنديدة و الصاحب الحقاني الي ياقف في وقت الغصرة
حكايتناااوفااتانشا الله تكونوحبيتوها انا هاكا نكون كملتحكاتي ❤️😍 انشا الله عديتومعاهاوقيتمزيان و كانكقاعدتقرى فيها بعد مدة من الكتابة حلوانشا الله عديتمعاها وقت حلو كيفكم 😚😚🔥🔥
مازلنامواصلين في امنية تحت ظل الخيانة تابعوها 🇹🇳🖍️🔥🔥
انشا الله ربي يوفقكم و يستركم و ينجحكم و ينجحني 🤲🏻
إنشا الله ربي يفرج على اخواتنا في فلسطين و يرحم شهدائها و يشفيجرحاها 💔🤒🤲🏻
احناملتقانا في الجديد الجديد على قريب انشا الله خلوليتعليقاتكم و نقدكمنستاكم ❤️😌
