الوتر الحساس

الحلقة 45 و الأخيرة 🍃

المحبــة لاتؤخـذ مـن كتـاب
وإنما هــي نسخ مـن قلــب إلــى قلــب
لان للحــب أربعــة فصــول
الشعور ...الإعتراف ... الشوق ..البقاء
أجملهم الأول ... ولذتهم الثاني ...
وأصعبهم الثالث ... وأمـا عـن أصدقهـم ...
فهـو الرابـع🖍️..🖤

ابراهيم : كارين بربي اسمعني و بعد امشي
كارين غمضت عينيها تهدي في روحها و بعد تكلمت
_كارين : ابراهيم مش وقتو خليني نمشي
_ابراهيم : ياخي علاش متحبش تفهمني
_كارين ؛ انا منحبش نفهم ... ابراهيم متخلينيش نعيط قدام بنتي
خرجت هي و ملاك و ابراهيم مشا للكوجينة كب و كسر كل شي صب كاس و جا وقعد في بيت بنتو مهدود تعداو قريب شهر على خروج كارين من دار ما تتقابل مع ابراهيم كان في خدمة ...

في عشوية.. قاعدة في بيروها فيروزة تخدم لين دق الباب طلبت مالدخول اما مدخلش بقا يدق حطت الستيلو و قامت هي حلت الباب و تلقى قدامها شجرة نوار بوكي احمر استغربت ضحكت و هزت الورقة المكتوبة حلتها لقاتها مكتوب فيها
ليش الحلو زعلان
ضحكت و بعدت النورات لقات احمد لابس لونات نوار و حركة لا
_فيروزة ؛ شبيك حابس ادخل
_احمد : هو فما شجرة تمشي
_فيروزة : اي متمشيش اما تتكلم
_احمد : لحظة لحظة
_فيروزة ؛ اش فما
مدلها البوكي و دخل و بعد قعد على كرسي و طلع ساقيه على طاولة
_احمد : رومنسية الفيسبوك متاع 2014
_فيروزة ؛ ههه اي والله ماسطة شوي
-احمد : هه هيا ضيفني و احكيلي على اخباركم
فيروزة قامت باش تحضر لقهاوي الماكينة في بيرو دارتلو كيف سمعت كلامو
_فيروزة : اخبار...كم
_احمد : تي نحكي على ايمن انت نعرف اخبارك
_فيروزة : ههههه والله حق
في للأوتال كان الاستقبال رائع دخلو للشامبر متاعهم كارين و ملاك. تلفتت كارين لقاتها حاطة يديها على خديها و تخمم
_كارين : لوكي شبي بنتي ..متخممش
_ملاك : اما انا خايفة منكم منحبكمش تتعاركو
تنهدت كارين و هبطت دمعة منها مسحتها عملت شعرها لتالي و قعدت على تابي و عملت ملاك قدامها
_كارين : باهي شوف ملاك انتِ تو كبرت و تفهم ..انا و بوك باش نطلقو
_ملاك : يعني معادش باش نجم نشوف بابا
_ كارين : لا بنتي باش تمشي و باش تشوفو حتى نجم نمشي انا وياك زادة
_ ملاك ؛ اما انا نحبكم الزوز
_كارين : اما منجموش يا مامي
_ملاك ؛ ياخي المشكلة كبيرة متنجمش تتحل ..مش قلت مفما حتى مشكلة معندهاش حل
_كارين ؛ اي كبيرة ...و منعرفش المشكلة هذه فيها حل ولا لا اما الي نعرفو الي انا و انت باش نهبطو و نمشو ناكلو مقرونة و برشا حاجات بنينة
ضحكت ملاك هزت يديها فرحانة كارين مشات باش تبدل حوايجها لين تاليفونها صونا هزت عليه ملاك
_ملاك : الو
_الو
_ملاك : انا ملاك و انت
_ملاك عسلامة انا فيروزة ماما موجودة
_ملاك : اي هي هوني
فيروزة : اوك تعطيها تاليفون
خرجت كارين سالت بنتها و استغربت كيف قالتلها
_كارين : اهلا بيك فيروزة
_فيروزة : عسلامة كارين نجمو نحكيو امان
_كارين : اي اما فاش
_فيروزة : كي نتقابلو نحكيو
_كارين ؛ اوك تجيني خاطر معايا بنتي منجمش نتحرك
_فيروزة ؛ اي مفما حتى مشكل
كارين : تو نبعثلك لأدراس
جميلة كي عادتها تشرب في قهوة لعشية في جنينة لين تجيها حياة بعد ما جات بطلب منها
_حياة : عسلامة ماما جميلة لبـ...
مكملتش كلامها لين يجيها كف لا يقرا لا يكتب
_حياة : اش عمتلك ياخي ..اش تعمل
_جميلة : انتي تجي عبد امنتك على ولدي ...اخرتك وليت خرابت بيووت
تحسو الاحداث داخلا في حيط اه متخافوش انا تو باش نفهمكم
فلاش باك
احمد يلوج من بلاصة لبلاصة على دار ايمن الجديدة واخير لقاها دق الباب حلتلو وحدة "هند"
_هند : عسلامة
_احمد : اه عسلامة انا احمد صاحب العايلة حاجتي بايمن ولا مدام حياة
_هند : ايمن مش موجود اما حياة هوني ادخل
دخل احمد هو كان حاجتو بواحد فيهم باش يحكي معاهم بصيفتو طبيب نفسي بالطبيعة بقرار من جميلة و بنتها
دخل احمد خلتو هند و مشات للكوجينة وين لقات حياة غادي اما عطلو مشا احمد باش يطلب كاس ما يسمع فيهم يحكيو في خنار متاعهم كل و كيفاش لعبو اللعبة على كارين و ابراهيم و الي حكاية لحبالة كلها مفبركة و مفماش منها و هند تهدد في حياة باش تزيدها فلوس سمع احمد كل شي و رجع لبلاصتو شوي و جاتو حياة
_حياة : اهلا احمد
_احمد : اهلا انا جاتني خدمة ارجون لازم نمشي
_حياة : مازلت كيف جيت
_احمد : اي اما الله غالب المرة الجاية
و من غادي شدها في قلبو لحكاية اما يقول ولا لا خاطرو معندو حتى دخل لقا الحل الوحيد يقول لفيروزة و يرتاح وهي تتصرف
مشا خذا بوكي نواار كبير باش يرضيها في المدة الي غاب فيها و مشااا و قعدو يحكيو بعد الصدمات
_فيروزة : اسمعني ملخر هاو اش باش نعملو انت احكي مع ايمن و ابراهيم و أنا تو نحكي مع امي و كارين
_احمد : كيما تحب ايجا نعنقك خاطر نعرف ايمن باش يصفر بروحي
هي مشات فيروزة حكات مع امها و احمد حكا مع ابراهيم و ايمن بعد ما جمعهم مع بعضهم و بطريقتو طبيب نفسي عندو اللسان متاعو الي يخليهم calme ..
و تو رجعنااا
_حياة : اسمع ترد بالك اش تحكي
_جميلة : انا الي نرد بالي ولا انت متحشمش على روحك ..اش عملتلك كارين علاش تحب تخربلها دارها
_حياة : شنياا
_جميلة : كنت غالطة فيك امنتك على اسمي و عايلتي و على اغلى حاجة عندي ايمن ولدي وانت سودتلنا وجهنا ..اما كل حد باش يشد لبلاصة الي يستحقها
_حياة : اش تقصد مفهمتش
جميلة تدور و تهز اوراق كانو محطوطين على طاولة و طيشهم قدام حياة
_حياة : هه شنيا هذا
جميلة تعمللها براسها شوفهم و هي منرفزة منرفزة كيفاش نهار شكت في كارين كيفاش كرهتها و عطات الق لحياة و لوم عليها صحيح مكانتش راضية على كارين كنتها مالول اما كيما نقولو مانفيقو بالحاجة و قيمتها كان بعد منخسروها ..
_جميلة : اوراق طلاقك مصححين من عند ايمن
حياة تبقى تضحك و تموت بالضحك بعد تاقف و تشد الستيلو و تصحح فيهم كل
_حياة : تسخايلني باش نبكي و نقرق بيكم لا بربي بالك تسخايلني ميتة فانية عليكم ..انا اليوم معاكم على خاطر ولدي راهو و هاكم باش تنساو مناضرنا و حفيدكم مذابيكم تشبعو بيه
_جميلة : تعرف كل دقيقة معاك تخليني نزيد نكرهك و نراك على حقيقتك ...تو تنجم تمشي و يوسف باش يبقى في دارو
_حياة : ههه مفهمتش مدام جميلة
_جميلة : شوف حياة انت عشرة سنين معانا ..ميخرج عليك الشي هذا لازم تفهمها وهي طايرة راهو ... لوراق الي صححت فيهم هي طلاقك و موافقتك الي الحضانة عند بوه
حياة وجها لخلخ و صفار بالوقت قعدتت على كرسي وهي مش فاهمة شي وهزت لوراق و بدات تقرى في الورقة بلهفة و صدمة فرد وقت
فيروزة وصلت للاوتال و معاها احمد الي جاب معاه ابراهيم ... دخلت فيروزة للبارك لقات كارين قاعدة على طاولة تشرب في كاس chocolat chaud و تتفرج على بنتها تلعب في بارك الي في اوتال
لين جاتها فيروزة عندهم برشا متقابلوش من قبل ما تعرس كارين تلاقاو توحشو بعضهم قامو وحملووو بعضهم و بعد قعدوو شافتهم ملاك جات تجري
_ملاك : ماما
فيروزة : هذه بنتك
_كارين : اي
_فيروزة : عسلامة انا فيروزة
_ملاك : انا ملاك محلاه اسمك
_فيروزة ؛ عيشلي البنوتة انا. ..شوف اش جبتلك معايا باش تخدم بيهم انت و ماما
جابتلها فيروزة لعبة متاع عرايس
_كارين : ملاك قولها مرسي
_ملاك : شكرا كتيير كتير كتيرر مرسي
باستها و مشات تجري تلعب
_فيروز : مشا الله عليها
_كارين : يعيشك ..قولي عاد شنيا اومورك
_فيروزة : حمد الله هانا كيف عادة ...لحق كارين ..انا نحب نحكي معاك في موضوع
_كارين : اي تفضل
فيروزة حمحمت و ريقلت شعرها و قعدتتها و بدات تحكي صبت الصبة فرد مرة
_كارين : ابراهيم مخانكش مع حياة مرت خويا و هو معندو حتى دخل و حكاية لحبالة مش صحيحة و ابراهيم عمرو لا خانك كانت خطة من حياة باش تخربلك حياتك
_كارين : ههه اش تحكي ياخي
_فيروزة : كيما قتلك اوووف تو ارتحت
_كارين : اه..يعن...ءءءء..يعني هذا كل في جرة حياة دمار علاقتي براجلي حياة
_فيروزة : شوف ايمن عمرو لا نساك وقت سافرتي دخل في ديبريسيون و غلط مع حياة فتجبر يعرس بيها و كان عرسهم على ورق كهو و حياة كانت تحب ايمن و انت تعرف هذا فحبت تنتقم منك و حرضت امي باش تتواصل معاك ديما وقت انت في سويسرا و لبنان وهي الي اقترحت انكم تحلو فرع هوني باش تستقرو في تونس و تنتقم منك حياة هي سبب في كل شي
_كارين. : منيش منجمة نحكي برسمي صدمتني
بقاو يحكيوو و مدخلناش اش حكاو اكيد حكاو على ايمن و انا منحبش نحكي اش قالو تو ابراهيم يقرى ههه حتى دخل احمد و ابراهيم و كانو عاطيين بضهرهم لكارين احمد غمز لفيروزة باش تكلمت
_فيروزة : كارين تلفت وراك
تلفتت فيروزة لقات ابراهيم وراها قامت مالكرسي و وقفت شوي قابلتو و ابراهيم قدم ناحيتها كارين منجمتش تشد روحها و بقات تبكي و هبطت راسهاا محبتش تهز راسها جملا
_ابراهيم : لا لا كارين هز راسك اخزرلي
_كارين : منجمش منيش منجمة
_ابراهيم : انا الي نورمالمون نهبط راسي مش انت كارين هز راسك ...انا فرحان انك في حيااتي
على كلمة هاكي كارين تحل يديها و تعنقو و تكمل تبكي و ابراهيم يبكي معاها منها غايضتو الي تعرضتلو مرتو و فرحان هوما هكك و ملاك جات تجري و تعيطت
_ملاك : مامااااا بابااااا
تلفت ابراهيم و هبط حل يديه و حملها و بقاو يضحكوو
_ابراهيم : كارين سمحني و انتي زادة بنتي سمحني
احمد و فيروزة تلفتو لبعضهم و ضحكو حتى سمعو صوت وراهم
_يا العشاق لازمكم تشكرو لعرايس على لم شملكم
تلفتو الزوز لقاوه ايمن
فيروزة تلفتت لأيمن و تعملو يزي اسكت و احمد استغل الفرصة
_احمد : انا و فيروزة باش نعملو خطبة و ملاك غدوة نحبكم تجو
كارين : اكيد الف مبروك ياروحي
تلفتو كل سلمو على بعضهم و بقاو ايمن و ابراهيم بعد قرب ايمن و صافح ابراهيم و يحكي
_ايمن : سمحني خويا على الفات
_ابراهيم : انت سمحني
تسمع كان تصفيق و تصفير فازات احمد اكيد...

و هاكا توفااا حكايتنااا استناو الحلقة الاستثنائية الي باش تلقاو فيها تعليقات على كرونيك كل 🤔🥃..

.

رائكم في نهاية مع العلم انها نهاية شبه مفتوحة لإحتمال جزء اخر 🤝🏻🖤..

اصعب مافما هي النهاية 💔كل مانقول باش نعمل حاجة مزيانة نحس روحي ديما مقصرة🥵🤐 نحاول نرضي الجميع من طبيعة كل شخصية😌💥🔥

نحبكم واحد واحد😍😚و مرسي لناس الي تبعتني و شجعتني 🤝🏻و استنات حتى كيف قصيت عليها 🙏🏻🙏🏻❤️

جام للحلقة ❤️