بعد مرور 6 سنوات
"الرجاء من كافة المسافرين ربط حزام الامان سوف تقلع الطائرة خلال 45 ثانية "
كارين : يا روحي حاضرة
_ملاك : وي ماما
_ابراهيم : كارين سيبلي بنتي ولات كبيرة و مستانسين بالطيارات مش هاكاا ملاك
_ملاك : اي بباتي
كارين سافرت لسويسرا غادي وين تعرفت على ابراهيم يخدم مصمم ازياء رجالي تعرف على كارين في مسابقة في سويسرا عرسو في ضرف عام و جابو بنتهم ملاك ...
تو ملاك عمرها 5 سنين بعد ماكبرت ملاك قررو يرجعو لتونس باش ملاك تتعرف على جدودها و عموماتها كانو يعرفو نارين روحت لتونس وقت عرست كتبو صداق تونسي بالساكتة و رجعو لسويسرا و عائلة ابراهيم ياسر فرحانة بكارين ...
سوايع الطيارة وصلت هبطت كارين و راجلهااا
ساووب شكون ابراهيم
ابراهيم : 30 سنة لبناني تونسي .. كيما قلنا يخدم مصمم ازياء راجل طويل شعر كيرلي اشقر شوية جدي مع الناس اكثر ملي تتصور و مع ناس الي في حياتو صاحب جو و فدلاك و رومنسي ...** Flash bak**
في صالة كبيرة تابي روج برشا موديلات لنساء و رجال مصممين من العالم كل خرجت من وسطهم مرا تقدم في مسابقة و تحكي و كانت المسابقة سبيسيال عرب و المقدمة كانت لبنانية
_ اهلا وسهلا فيكن ..شرفتونا بحضروكن من خلال هيدي الحفلة لنعلن فيها على الفائزين معنا بأفضل تصميم رجالي و نسائي لسنة 2023 و حسب تصويتكم و ارائكن و اختياركن رح نعلن على الفائز او الفائزة بجائزة افضل مصمم نسائي ..." كارين عباس " من تونس الف مبروك كارين فيكي تتفضلي لعندنا ..و الجائزة الثانية كمان افضل تصميم رجالي رح يكون من نصيب المصمم او المصممة "ابراهيم خياط" من لبنان الف الف مبروك
ابراهيم : مبروك كارين بتستاهلي
_كارين : يعيشك مسيو براهيم
خذاو صورة جماعية و خرجو من الصالة الي يباركلهم و بعد ابراهيم اقترح على كارين باش يعملو قهوة ومن غادي بدات حكايتهم و متواصلة ....**Rja3na**
ف
ي باب المطاار بثلاثة كل واحد يكركر في فاليجتو
_ملاك : وين ماشين بابا
_ابراهيم : على بيت يا ملاكي
_ملاك : ليش عنا بيت هون
_ابراهيم : اي يا ملاك عنا بيت كبير بس فيني اطلب منك طلب صغير
_ملاك : طلب ! شو هو
_ابراهيم : احنا هلا منا في لبنان احنا في تونس معليش تتكلمي تونسي لانو ماما رح تزعل_كارين : هههه الله يسامحك يا ابراهيم من وقتاش ضحكت عليكم انا ولا تغششت منك خاطر تحكي بلبناني
هز راسو ابراهيم كان مطبس باش يحكي مع بنتووو
_ابراهيم : خلاص شو بدك فيها ...ماما تعبانة من السفر ههه
_ملاك : هههه خلاص خلاص فهمت
_ابراهيم : اش فهمت قولي
_ملاك : الي في تونس ممنوع نحكي لبناني و في لبنان ممنوع نحكي تونسي و في سويسراا باش نحكي سويسري
_كارين : في سويسرا احكي بالي تحب .
ابراهيم مشا وراا كارين و بدا يعمل في قريماس لكارين باش يضحك ملاك
_ملاك : ههه شوفي
ابراهيم كان يضحك كارين تلفتت و هو عمل يديه وراه و دور راسو وعينيه بشي مفما شي
_كارين : هيا هيا نروحوو لدار و بعد كملو لعب
_ابراهيم : بالظبط
_كارين : ناخذو تاكسي
_ابراهيم : لا كلمتهم يجيبولنا الكرهبة
_كارين : super هيا مامي خلي فاليجتك و برا اطلع
حطت ملاك فاليجتها و طلعت و كارين قعدت واقفة
_ابراهيم : انتي زادة برا اطلع الدنيا باردة ..
_كارين : اوك هايا
طلعت كارين و طلع ابراهيم خطف الكرهبة و مشا يجري
وصلو لدار دار كارين الي كانت تسكن فيها ... وين لقات كل شي تبدل دخلت ملاك الي رقدت حملها ابراهيم و طلعها لبيتها كارين دخلت للبيت علقت حوايجها و ابراهيم دخل تكاا على الباب
_ابراهيم : كارين
_كارين : وي
_ابراهيم : شبيك مش قد بعضك
_كارين : لا انا لباس
_ابراهيم : متأكدة
تبسمت كارين و سيبت الي في يدها و قعدت
قدامها الفاليجة اخرى
_كارين : فاهمتك ابراهيم ..انا لاباس و منيش متقلقة من حكايات الماضي متاعي juste تفكرت امي
_ابراهيم : الله يرحمهاا غدوة نمشو نزوروها
_كارين : انشا الله
_ابراهيم : غيرو
_كارين : شي صدقني شي ههه
_ابراهيم : ايه حلوو ديما اضحك هكة قولي اش تاكل باش نوصي
_كارين : جيبلي حاجة على ذوقك
_ابراهيم : اوك
_كارين : وين ملاك
_ابراهيم : راقدة في حلمة السابعة
_كارين : يا روحي تعبت
_ابراهيم : هههه مشا الله عليها
كملوو يحكيوو و بعد كارين كملت نظمت حوايج راجلها و حوايج بنتها ...حلقة وفااات ❤️
رايكم و متنسوش لايك للحلقة 🍃🔥
أنت تقرأ
الوتر الحساس
Romanceحياة البنت التي تنقلب فجأة رأسا على عقب ..لتقع في فخ الحب ...و يجبرها القدر على ان تختار بين العائلة او الحب 👀😎 الوتر الحساس © كرونيك بالهجة التونسية 🇹🇳 للكاتبة يسرى حسين ..💜🌟