وصلو للكلينيك ايمن كان مع كارين الي نزيف محبش يحبس ...سليم كلم جماعتو يفركسو في بصمات و ادلة كارين في العمليات فيروزة دخلوها للبيت علقولها السيروم العائلة كل قدام البيت كارين خاطر هي اكثر وحدة متضررة لين خرج ايمن
قامو كل يسالو فيه
_يمان : قولي اش احوالها
_ايمن : هدو رواحكم مزالت العملية موفاتش ..الضربة جات قوية برشا احتمال كبير فما ضرر في كلوة ...اما تو لازم نتصرفو في دم ..
_احمد : اعملو الازم المهم تقوم لباس
_ايمن : الدكتور ديما قاعدة تعمل في الي تقدر عليه ... تو لازم نلقو متبرع نوع الدم b+
_جميلة : اه خلينا نخبرو عائلتها و اكيد تو نلقاو
_يمان : اي عيب ايمن تعرفشي شكون من اقاربها خلي نخبروهم
_ايمن : ( سكت شوي ) معندها حد
(تلفتو كل لبعضهم و ايمن كمل كلامو ) كارين يتيمة عندها صاحبتها هاي جاية في ثنية
_احمد : لازم نلقو متبرع
لين سمعو صوت لتالي
_انا نجم
تلفتو يلقاو فيروزة واقفة متمسكة بالحيط
_جميلة : لا بنتي انتي مازلتي مريضة
_ايمن : فيروزة ارتاحي يعيشك مزلتي كيف قومتي ..
_فيروزة : خويا بربي ...انا نجم نتبرع الطفلة قاعدة تموتت
و بينها و بين روحها قاعدة تقول ( الطفلة قاعدة تموت في جرتي )
مشالها ايمن يجري شدها من يدها و هو يحاول يهديها هزها للبيت و جاو خالطين عليها تلفتلهم
_يعيشكم ارتاحو هوني انا تو نتصرف
هزها و دخل بيها سكر الباب و قعد قدامها
_ايمن : اسمعني فيروزة ركز معايا
كان يحكي و فيروزة مش معاه جملا كانت سارحة و باهتة عينيها مليانين بالدموع
_ايمن : قولي اش صار عيش اختي
_فيروزة : كارين ...فيسع كترين قولهم يجو يهزووو دم ...كلو مني ..ايمن منسامحش روحي كان تصيرلها حاجة تفهم فيااااااا نموووووت
كانت تبكي و تصيح لين شدهاا ايمن بين يديه و هو يحكي
_ايمن : كارين باش تفيق متخافش ..اختي ...اهيا مريم جات باش تاخذ منك دم باش تحس بوجيعة صغيرة ...
مسحلها دموعهااا و خرج خاطر تاليفونو ينوقز
جبدو من جيبو لقاه سليم
_ايمن : اش فما سليم
_سليم : مفماش بصمات و كاميراوات كل مفسخة منجمنااش نطلعوه شكون
_ايمن : اعمل الازم سليم انا تو لازم نتلها بصحة لبنات و عائلة
_سليم : كارين شنيا احوالها
_ايمن : مازالت في مرحلة لخطر
_سليم : فيروزة حكات حاجة
_ايمن : لا مزالت مصدومة أما حبت تتبرع لكارين
_سليم : انشا الله لباس رد بالك على روحك
_ايمن : و انت
علق و مشا وين عايلتو امو تعمل في لقاء صحفي بوه يعمل في تاليفونات مع رجالو احمد قاعد بجنب فيروزة يحاول يقويها و هو مش عارف اش يعمل هو جا ماشي لبيروه باش يشوف الوضع و الباب تحل
_احمد : دكتورة
_ايمن : قولي ديما
_جميلة : طمنا
_كاااااررررين ...ايمن قولي عيش خويااا ويني اختي
_ديما : وسع بالك ديموازال ...كارين تعدات مرحلة لخطر ..
_حمد الله ..حمد الله
_بيان : وقتاش نجمو نشوفوها
_ايمن : وقت يمشي تاثير البنج تفيق و وقتها تنجمو شوفوها
_ديما : صحيح ...اما زادة
_جميلة : شنو متفجعنيش
_ديما : لازم نستنو باش نشوفو اذا فما اعراض جانبية ولا لا ...انشا الله لباااس
مشات ديماا و جبدت ايمن باش خلط عليها دخلت لبيرو
_ديما : اش فما ايمن ...اش صار
تلفتت لحالتو لقات سوريتو كلها بدم
_ديما : اش فما ياخي
،_ايمن : انا بيدي مش فاهم ديما في لحظة تبدل كل شيء..
_ديما : باهي ارتاح ايجا نشربو قهوة نحكيو
_ايمن : لا باش نشوف عندي مرضى و بعد باش نوصل العائلة لدار
_ديما : على كيفك
#يتبع
برشا تشويق جااي 💜
تصبح على خير
أنت تقرأ
الوتر الحساس
Romanceحياة البنت التي تنقلب فجأة رأسا على عقب ..لتقع في فخ الحب ...و يجبرها القدر على ان تختار بين العائلة او الحب 👀😎 الوتر الحساس © كرونيك بالهجة التونسية 🇹🇳 للكاتبة يسرى حسين ..💜🌟
