الوتر الحساس

الحلقة 31 🍃

انا اسفة لكن قلبي لم يكن
ملكك ❄️

في كرهبة تسووق و حاطة غناااا تغني مع بنتها ...لين يقص عليهم التاليفون
_كارين : الو papa
_ابراهيم : الووو بنتي
_ ملاك : باباااااااا
_ابراهيم : روح قلبي انتي ...كارين ايجووو للبلاصة الي باش نبعثهاا
_كارين : اووووووك ..قولي اش عملت مع الراجل
_ابراهيم : كي تجي تو نحكيووو
_كارين : see you
ابراهيم : see you leater
قدام دارو بعد المواجهة الاولى ضدو و ضد قلبوو و بعدد صراع كبيرر ضدو و ضد حياتو الي تستنى فيه وراء  الباب ..
دوباا ما حل الباب جاه يجري يضحك و فرحان
_باباااااااا
_يااا روحووو
_ايمن ياخي وينك عطلت اليوم ...
_ايمن : باباا باش تهزني للبارك كيما وعدتني
_ايمن : أي ياروح بابا باش نهزك اما خلي نبدل حوايجي قبل
_وماما باش تجي معانا مش هاكاا
سرح بعيد وهو يخمم يخمم في حركاتها ملامحهاا طريقة معاملتهاا مع بنتهااا و طريقة معاملتهاا مع راجلهاا ظاهر الي هو موش تونسي 100% حسب ماحكيت معاه لهجتو التونسية مش باهية برشاا ...تبسم على معاملتووو لملاك للحظة كره روحوو كيفاش يسايس فيهاا و ولدوو مش عاطيه من وقتوو ولا حتى مرتووو اي نعم ايمن الي عرس بحيااة
                        فلاش باك
بعد بجمعة مالغياب و الحرقة لا عاد يشوف لا عائلة لا اصحاب ساعات يمشي بسيف عليه للمرضى يعمل طلة و يروح جهامة من غير روح العيشة في نهار يعيده في لكلينيك و في ليل في البار نهار كيما عادتوو في ليل حب يمشي يسكر ينسى هموو لبس و برفن و خرج وصل للبار سربى كاس ..سرح معاه يلعب بالكاس على طاولة و احزانو تشطح على اصواتوو في لحظة تلفت يلقى حياة بجنبو حيات صديقة الطفولة الي طول عمرها تحلم بشطر عين منو من ولد جميلة ..لا يوسف المرحوم لا شي كان ايمن الروح و العقل فيه هو اكهوو ..تبسم بغصة و بعد يحكي
_ايمن : اووووه حيوتة تي وينكك معاادش موجودة
_حياة : انا موجودة اما انت متراش
_ايمن : لا ...لا مش منراش ...انا منحبش نرااك هههه
جات مااشية بغش في لحضة منووو يشدههها من يدهاا و دوورهاا ليه لدرجة انو خلاهاا تتنفس من اكسجين متاعووو و في رمشة عين منهاااا قرب منهااا و باسهااا من شفايفهااا بوسة كانت كوكتيل بين مشاعر الحب و الحرمان نهايت الموقف وفااا مع غلطة تسجلت على دفتر ايمن الي كل يوم في حب كارين يزيد يغرق اكثرر كارين كانت اللعنة متاعووو و جرحوو الي ضمدوو بغلطة متتغرفرش و تو الجرح رجع ينزف مع رجوع كارين ..
رجعنا
قص على افكاارو سؤال يوسف ولدووو
_يوسف : بابا ماما باش تجي معاناا
_ايمن : اي بابا اي باش تجي
دخل يجري فرحان و حياة قعدت تغزرلو شبيه مش كي عادتووو في العادة ديما يعامل يووسف بالباهي
_حياة : ايمن شبيك
_ايمن : تهدييت حياة .
_حياة : اش فماا احكيلي
_ايمن : حياة كنت تعرف بالي كارين كانت في سويسراا
_حياة : صدقني منك نسمع اما مدام جميلة كانت ديما تقلي الي هي اتصلت بيها ...شكون قالك
_ايمن : ريتها اليوم
حياة وجها تقلب 360٪ ماكنتش تتصور رجووعهااا ...رجوع كارين يعني خسارتهاا خسارة الحلم متاعهااا هي تمنت ايمن طول حياتها صحيح تو معاهااا خاطر غلطة ايمن غلط مع حياة مرتين وهو شارب فتجبر يعرس بيها وقت عرفت حياة انها حبلة بيوسف
قص على حكايتهم يوسف الي هز كارطابتووو و خرج يجري يحب يمشيي
_يوسف : هاياا نمشيوو
_حياة ؛ هيا ولدي ..باباا هاياا معادش بكري
قام ايمن كان قاعد في كراسي الجنينة و مشا ركب في كرهبة و خرج يوسف عطااتو حياة كاسك يسمع لغنااا و هوما قعدو يحكيوو
_حياة : ريتهاا ؟
ايمن : نعم
_ حياة : ريتها ، ريت كارين
_ ايمن : ريتهاا اما محكيناش
وصلو ايمن دخلوو للبارك علموهم بانو فما حفلة صغيرة في بارك يشرفهم حضورهم كان يشاركوو و بأمر من يوسف شاركو معاهم
طاولة مزينة قاتوو و عصيرر و نفافخ و برشاا جوو ورا هذا كل ابراهيييم الي عامل مفاجئة مع ملاك بنتوو لكارين اليوم عيد ميلادهااا اول ما وصلت
_ملاك : هايا ماما هياااا
_كارين : ياخي شبيك تجري ملاك بشوية باش تطيح
_ملاك : متخاافش انا نعرف اش نعمل
دوب ما رات بوهااا غمزتو من بعيد و ين تخبى و خلا كارين توصل قبل
دخلت كارين لدار صغيرة
_ كارين : يااا محلاه الديكوور
ملاك : عجبك
تلفتت كارين باش تفهم منها اش فما اماا سبقهااا حس تصفيق الصغار و اوليائهم الي يصفقووو و منهم ايمن لين خرج ابراهيم بالمكرو يحكي
_ابراهيم : اليوم عيد ميلاد اغلى شي عندي بالدنياا عنجد هي مرأة خلاتني نعرف اش معناها حب ..علمتني كيفاش نخلق مالضعف قوة و هي الي خلاتني نكون اب لبنت كثير حلوة ملاكي الغالية
ملاك ضحكت و طبست تحيي فيهم و كارين تضحك و تبكي فرد وقت
_كارين : الله يسامحك ابراهيم ...بكيتني
_ابراهيم : لا متبكيش ايجا عندي كل عام و انتي بألف خير
_ ايمن يحكي : يعني انا ناقص عذاب باش نشوف رومنسيتهم و هو يشطحو على احزان قلبي اليوم عيد ميلاد كارين صحيح عيد ميلاد كارين الي ستة سنين لتالي كانت رافضة انها تحتفل بيه ... كنت عايش على كذبت انو كارين تعذبت على فراقي و انو وجودها مع الراجل هذاكا لنفس سبب وجودي مع حياة امل بعد الي ريتووو لا ..بعد الي ريتوو زدت نقمت على روحي و عفت روحي قداش تروخست وينو ايمن بن عياد الي لقاهاا قدامو بكرهبتوو ياريتني عفستهاا وقتهاا بكرهبتي ولا تعفس عليا هاكا ..اما الشعور هذا باش تخلصوو هياا اكيد باش تخلصوو ...
زدتت سمعت ملاك الي رغم صغرها تقولش عليهاا بلعاني تحب تقتل القطعة لاخرة الي مازالت حية فياا
_ملاك : بابا بوس ماما يالا
ابراهيم قرب منها باسهاا من جبينهاا بعد نفخت الشمعات و قصت القاتووو الي مصور عليه تصويرة العائلة "خياط"
مصدقت لربي وفااا هالعيد ميلاد هزيت يوسف و بقيت نلعب معااه و حياة قالت نركح مكيااجي
دخلت حياة على كارين و تحكي
_حياة : كاارين سفااا
_كارين : مدام حيااة اهلا بيك سفاا لباس عليك
_حياة : لباس اش تعمل هوني وعيد ميلادك زادة كل عام و انتي بخير
_كارين : يعيشك يا حبيبيتي
_حياة : اش عاملة مالا
_كارين : حتى شي كيف روحت من سويسراا مع راجلي و بنتي
_حياة : اهه هه عرست مبرروك مبرووك
_كارين : يعيشك يا حياة العقبة ليك
_حياة : هههه العقبة للي مازال انا عرست زادة و عندي وليد و حبلة
_كارين : اه مبرروك مبرروك ربي يوصلك بالسالم ...شكون راجلك نعرفو
_حياة : اي اي تعرفوو ايمن تقابلتو مش هاكا
_كارين : ايمن بن عياد !!
_حياة : اي
_كارين : يطلع منوو لوحيد ماقلييش
حياة الي دخلت لكارين باش تتنتقم منها خاطر في جىتهاا ايمن ميحبهااش و قاعد معاها
خاطر مجبوور اما كارين كانت تحكي و كل كلمة تقولها تزيد تستفز بيهاا حياة اكثر
_كارين : انا نخليك بسلامة
_حياة : ( بتبسيمة صفرا ) بااااي
دوب ما خرجت حيااة خذات نفس بغل و ارتكزت على الكنتوار و عينيها مرشوقة في مراية تقدح نااار مالغيرة و حقد و تحكي وحدها
_حيااة : كاارين ...كااارين

نهاركم زين و مليان بالخير ❤️
حلقة نار نار نار 🔥💥🤐

اش  باش يعملو ايمن و حياة لكارين بما انوو كل واحد حابب ينتقم بطريقتوو باش ينجمووو زعماا 😕🤔🔥

متحمسين للي جاي 😃😕💥

جام و كومنت اكتب فيه رأيك و توقعاتك للأحداث الي جاية 💜🧶

🖍️

نحبكمم برشاااا و كتيير و بزااف 😍💏