الوتر الحساس

الحلقة 39🍃

في جنينة جاية و قاعدة يدخل احمد بالسرقة كيف العادة ..
_احمد: ااااااااي
تتلفت فيروزة مفجوعة ملفجعة احمد.  خايفة عليه شبيه يعيط
_فيروزة ؛ شبيك احمد اش صارك
_احمد ؛ قلبي يا فيروزة
~_فيروزة ؛ اااه لا لا متموتش هوني اش صارك احكيلي ...
_احمد ؛ قلبي تفرڨع تكسر الدقدق مشا لڨش
فيروزة كانت مغصورة قريب تبكي بعد شلقت الي تعدات عليها كيما العادة.. كانت شادة يدو خايفة لا يطيح عقدت حواجبها و دزتو طاح على كرسي و احمد بيتشل مالضحك
_فيروزة ؛ لا تربحك قلبي سكت والله لا تحشم
_ احمد ؛ اه متحكيش معايا انا مدبرم و داخل في حالة اكتئااب باش نموت والله
فيروزة قربت منو و حطت يدها على يدو و تكلمت بنبرة حزن
_فيروزة : قولي اش صار احكيلي
_احمد : انا في كونجي ..محبوش يدخلوني للخدمة
_فيروزة : مفهمتش
_احمد : تي عندي تو عام كامل نخدم ليل و نهار مرتحتش جملا قالولي عندك كونجي العام راني باش نتخنق
_فيروزة : هه ..هه..هههه ماكش نورمال والله سمحني منحبش نحطملك مشاعرك اما مش بيدي هههههه
_احمد : هاذا اش ناقصني حتى انا
_فيروزة : شوف تو انتي في كونجي برا تفرهد و عيش حياتك
_احمد : مشيت مالصباح على قهوة شربت 8 قهاوي و كليت 4 كعبات ملاوي و زوز لحية جدي و مشيت للبحورات كل و وكلت 36 قطوسة و رجعت للخدمة محبوش يدخلوني عملت عركة خرجوني بالسيكريتي و بعد تفكرتك قولت خلي نعرف اخبار جديدة نعدي بيها الوقت
_فيروزة : ماكش نورمال هاذو كل عملتهم ...
_احمد : اي
_فيروزة : اي فهمتك
قعدو يغزرو لبعضهم مبهمين و بعد طرشقو بالضحك
_احمد : ماكش بتضيفني
_فيروزة : قهوة
_احمد : انا نقولك شربت 8 قهاوي و انت تقولي قهوة هات حاجة تعدل المخ
_فيروزة : فهمتك ...اي قولي اش عامل مالا
_احمد : هاني لاهي في دار و صغار
_فيروزة : انت معرس
_احمد : اي معرس و عندي ثلاثة صغار
_فيروزة : لا لا باقي عديتها عليااااا
_احمد : ههه قولي شنية هالأوراق
_فيروزة : تي هاني يلزمني نعمل الحسابات هذه و مفهمتش و ايمن خلاني وحدي
_احمد : ايمن اش مفهمو في لحكايات هذه هو يفهم في كبدة في قلب في كلوة اما لحسابات خاطيتو
_فيروزة : حسستني مدير بانكة ماك طبيب نفسي
_احمد : اما متنساش الي عندي رستو قد الدنيا قال المصري
_فيروزة : اش دخلني هاية شوف هاذو
_احمد : السهرية طويلة ..على ذكر ايمن اش عامل
_فيروزة : ماهو عرس
_احمد : يزي عااد و متقوليش عندو ولد و سماه يوسف
_فيروزة : تي نسيت صار انت في بالك
_احمد : اي في بالي غيرو هات الجديد ...والا انا علاش منجيبوش يسهر معانا
_فيروزة : لا متنجمش
_احمد : علاش منجمش ..المدام مسيطرة
_فيروزة : لا اليوم مستدعي عند كارين
احمد عينه تحلو و فاق من القلق الي كان فيه و بدا يسال بلهفة
_احمد : كارين عباس
_فيروزة : توء..كارين خياط
_احمد : شكون هذه منعرفهاش
_فيروزة : هي كارين عباس عرست و جابت بنية
_احمد : متقول هالكلام
_فيروزة : قلتو

حلقتنا وفات ركزت على الكوبل جديد اليوم🤭😉 خاطر كارين و جماعتها  غاطسين في حكاية تكتشفوها في حلقات الجاية 🔥🔥😉

حسب رايكم اش مخبية الدنيا لفيروزة و احمد ..🤐

بااااي❤️😚