ماكانت النية حب ياسعود

2

((في جناح سلطان&ميعاد))
دخل سلطان للجناح شافها جالسه عالسرير
سلطان: ميعاد اقعدي شوي بكلمك بموضوع
ميعاد: وش؟
سلطان:شوفي ميعاد انا ابي اكون صريح معك من البدايه اول شيء انتِ تعرفين سبب زواجنا وان انا ماكنت راضي عن هالزواج ابداً بس عشان ماكسر كلمة ابوي وثاني شيء انا احب بنت عمي وكانت الخُطه اني اتزوجها بس قدر الله وماشاء فعل وتزوجتك لاتزعلين بس هذا الصدق حاولي تتقبلين الامر الواقع انا صارحتك عشان تتأقلمين مع الوضع طبيعي
ميعاد بحرقه من الكلام الي تسمعه: اوكي تمام
سلطان:المهم الحين صار لازم اسألك واتعرف عليك بماً انك بتعيشين معي
سلطان انتِ من مين حامل؟
ميعاد بغصه وحرقه وبكاء وهو يسألها هالسؤال
سلطان قبل ماتكمل كلامها عرف: يعني الي فبالي!
ميعاد: وقسم بالله مالي دخل ان غصباً عني
سلطان بقرف: كيف؟ لازم تشرحيلي
ميعاد: بعد ماطلعت من الجامعه لما تخرجت وقفت وحطيت شهادتي على كرسي المُقابل للبحر وغفيت لان كان فيني نوم وهم جو وسوو فعلتهم بس والله انا اشرف وانقى من الي انت تتوقعه واذا تحسب اني راضيه لا والله ماني راضيه بس هذا قضاء الله وقدره وانا ماقدر احكم على القدر
سلطان حس بقرف من الي سمعه طلع برا الغرفه متوجه لشركته
'
'
في مكان اول مره نزوره.
دخل فهد البيت شاف البيت هدوء مافيه احد الا امه جالسه تبكي وهي ماسكه المُصحف الكريم
فهد جا يبوس راسها: طمنيني عنك يمه؟، ليه تبكين؟
ام فهد: ابي بنتي تخرجها امس طيب انا ابيها ليه تحرموني منها ليه ابوك راسه يابس هي طلعت تدرس بس والله ماغلطت هي عايشه ولا ميته متى اخر مرا تواصلت معها؟
فهد: قبل اسبوعين
ام فهد: طيب هي بخير؟
فهد: تطمني يمه هي بخير ان شاءلله
'
'
في شركة سلطان&عايض:
دخل رمى غترته وشماغه مارد السلام على عايض حتى راح ياخذ ملف من الملفات ويشوفهم ويحاول ينسى الي صار امس
عايض: شفيك؟ للحين زعلان؟
سلطان بغضب: ابوي زعل علي ياحيوان! والسبب انت وهالخسيس محمد انا اصلا كيييف طاوعتكم ومشيت معكم! دليتوني على طريق غلط! انا العاقل اسوي كذا! انا اشرب!
عايض: ترا كلنا غلطنا مو بس انت وبعدين توب وارجع الى الله وربي بيغفر لك ان شاءلله ليه مكبرها؟
سلطان ضحك بسُخريه: خلاص اسكت عني مابغى اتذكر شيء عطني القلم بوقع للملف هذا
'
'
((في جناح ميعاد))
كانت جالسه وعلى حالها من بعد ماكلمها سلطان وهي دموعها على خدها وهي بكل مرا تنحرق اكثر من الي قبل بس تتذكر كرامتها الي راحت بيوم وليله بسبب عيال الحرام بس هي لازم تاخذ حقها بيدها وبتطلع برائتها وان مالها دخل بالي صارلها وان كلشيء صارلها غصب عنها حطت يدها على بطنها وهي تتذكر ان الي ببطنها طفل! طفل بعد شهور رح تحمله بيدينها!
زادت دموعها وهي تتذكر ان مالها احد بهالدنيا الا الطفل الي ببطنها حتى زوجها مايبيها! مسحت دموعها بسرعه وراحت غسلت وجهها المنتفخ من كثر البُكاء لبست جلالها ونزلت تحت تغير جو وراحت عند فجر تسولف معها
ميعاد: اهلين فجر
فجر: وهي تنزل الكتاب ع الطاوله: اهلاً
ميعاد:احس بملل مو؟
فجر: بيتنا هذا طول الوقت بتطفشين بس تعالي امي مسويه حلا وقهوه نروح نتقهوى عندها
ميعاد: يالله نروح
'
'
في مجلس الرجال:
"ابو ماجد مثل ماذكرت لكم بالشخصيات يصير اخو ابو سلطان"
ابو ماجد: الف مبروك لسلطان بس ماشاءلله كيف صار بهالسهوله؟
ابو سلطان وهو يتدارك الوضع: تزوج بالسر وحنا كنا ندري ماحبينا نكلف عشان مايصير فيه تكاليف واشياء كثيره ف قلنا نختصر ونسويه عالسكيتي
ابو ماجد: ايه اجل الله يوفقهم
'
'
((في جناح ام سلطان&ابو سلطان))
دخل ابو سلطان شافها تقراء آيات من القران الكريم
ابو سلطان: الله يجزاك خير،اسمعي
ام سلطان: امرني؟
ابو سلطان: بكراً ان شاءلله بعزم اخواني وحريم اخواني عندكم تجهزو لبكراً
ام سلطان: ان شاءلله على خير
'
'
في يوم جديد:
((في بيت ابو سلطان)):
ام سلطان وهي تجهز للعزيمه
يالله نضفو البيت كويس وطلعو الطاولات البيضاء وحطوها عند الكنب
دخل محمد البيت وباستهبال: الله يمه مسويه حلا لعيوني؟
ام سلطان صفقته ع كتفه وخرر لاتخرب الحلا سويته عشان الضيوف
محمد: انتِ ماتسوين الحلا الزين لاعاد فيه ضيوف لما نكون بالبيت تسلكين لنا
ام سلطان: بدون هرج واجد برسلك الاشياء ابيك تجيبها من البقاله تمر وقشطه ودرزن علب مويه
محمد اشر لها على عيونه بمعنى من عيوني الثنتين: يالله بروح
ام سلطان: ميري يالله جيبي البخور وبخري الصلاه
'
'
((في جناح ميعاد))
اخذت شاور خفيف لطيف جفتت شعرها ولبست فستان احمر ناعم تحت الركبه بشوي حطت ميكب خفيف مع ليب قلوس ع درجات البينك استشورت شعرها الي طوله يُعتبر وسط وفيرت اطرافه الي لونها بُني لبست كعب ابيض طوله متوسط
فجر دخلت عليها: اوووف مييععادددوو تهبلييينننن!
ميعاد: حبيبتي انتِ الي تهبلين فستانك مرا يجنن
فجر: يالله امي قالت ننزل الحين نجهز صحون الحلا عالطاوله تعالي معي
ميعاد: يالله ننزل
'
'
في مجلس الرجاجيل:
دخل سلطان مجلس الرجال وهو يلقي السلام: السلام عليكم
الجميع: وعليكم السلام ورحمة الله وبركاته
ابو ماجد: هلا والله بمعرسنا
ابو سلطان ناضر بسلطان بمعنى رد
سلطان: الله يبقيك ياعم
'
'
في صالة الحريم:
ام سلطان: ياهلا والله زارتنا البركه اي والله
فجر وهي تعرف ميعاد على البنات:
فجر: هذي فطوم بنت خالي وهاذي عبير بنت عمي وهذي غدي بنت خالتي وهذي اسماء اخت فطوم
ميعاد بابتسامه: تشرفت بمعرفتكم
فاطمه: اوف فجر ميعاد تهبببل مرا بسم الله عليها
فجر: طبعاً مرت اخوي اكيد بتكون جميله
فاطمه: اي والله ياحلوها
فجر: فطوم امشي نروح عند البنات
محمد دق الباب فتحت له فجر
فجر: وهي تاخذ الاغراض قرصها محمد
فجر: وجع ياحيوان!
ام سلطان: فجر جاب الاغراض؟
فجر: ايه يمه جابهم
فجر: اوريك ياكلب ياحيوان وصكت الباب بقوه بوجهه
ام سلطان: فجر شفيك كسرتي الباب
فجر: من ولدك قرصني وجع
ام سلطان: هبلان من يومكم
'
في وقت العشاء الكل كان ياكل الا ميعاد سرحانه قربت منها فجر
:شفيك ماكلتي؟ ترا الكل ملاحظ عليك؟ كلي عالاقل بس عشان امي ماتحب تشوف احد جالس عالسفره وماقاعد ياكل
ميعاد: مالي نفس والله بس باكل لقمتين عشان خالتي