ماكانت النية حب ياسعود

15

{في يوم جديد في ايطاليا}
دخلت وهي تسحب شنطتها وراها وتتأمل الاوتيل الي كان منضره جميل ويفتح النفس تنفست بعُمق الحُريه اخيراً راحت بمكان بعيد عن العالم ميعاد تحب الهدوء والمكان الهادئ تكون مُمتنه فيه كثير يعجبها اكثر من اي شيء كان الاوتيل مرتب وجميل مشت وفتحت البلكونه وهي تتاملها بابتسامه كانت تحتوي على منضر خيالي تطُل على بحر واشجار كان فيه كرسيين وطاوله وكتاب باللُغه الايطاليه على الطاوله دخلت غرفة النوم وهي تاخذ شنطتها وترتب اغراضها بنص ترتيبها لقت تيشيرت لسلطان مسكته وهي تضمه! استنشقت رائحته بعُمق:والله ماكنت ابي هالبُعد يصير اعترف اني ماقدر بس بصبر يكفي كل شي صارلي معك ابي ارتاح من الهموم لفتره مابطول والله بس ابيك تتغير ابيك تحس بقيمتي انت ماقدرتني تحمل الي جايك بس اوعدك اني احبك ليوم الدين.
'
'
في المملكه العربيه السعوديه تحديداً الرياض|
صحي من النوم ناضر المكان تنهد يوم شاف المكان خالي من اثرها تعود انه يقوم يشوفها صاحيه وهي نعسانه ويجي يخرب عليها اهخ ياميعاد والله ان مابعدك حياه ولا ليلي ليل ولا نهاري نهار كيف قدرتي تخليني وتروحين! انا غلطان انا غلطت ادري بس اهخ كيف قلبتي حالي وخليتيني تايه بعُمق افكاري انتِ كنتِ لي الحياه رحتي وماصار لي حياه! استاهل انا الي ماعرفت قيمتك استاهل لاني اذيتك بس والله ماركض وراك واجبرك على انك ترجعين لي! صحيح احبك لاكن والله مأهين نفسي عندك انا رجال وعندي قيمتي وقدري ان كانك تبيني حياك الله ماتبيني مع السلامه والله معك،قام من فراشه وهو يغسل وجهه ويفرش اسنانه طلع وهو ينشف وجهه فتح الدولاب طلع ثوبه وغترته تعطر وهو يحط دهن العود اخذ مفاتحيه وجواله حطهم بجيبه ونزل تحت للفطور،السلام عليكم باس راس امه وراس ابوه: وش مسوين فطور ؟
ام سلطان: كل خير ان شاءلله
محمد: عشتو يمه من اليوم اسألك تقولين مالك شغل لاجهزته تشوف
سلطان: لو سمحت انت تقارن نفسك فيني ؟
فجر: هالله هالله الي يسمعك يقول انك الامير
سلطان: ومن فوق خشمك بعد غصباً عنك امير
فجر: انقلع بس، الا ياخي متى يأذن المغرب جوعااانه
ام سلطان: حشى فجر ماتقدرين تنتضرين لين ماياذن اصبري مابقى شي
'
'

ف مكان جديد يعمه الضلام والهدوء بمكان لاول مرا نزوره بشخصية جديده مُثيره لأول مرا تضهر بشخصية"عانت بشخصية قد اهلكتها الايام،داخله الى البيت بعد الغياب عنه لمدة١٧ سنه! فتحت لمبات البيت المليئه بالغبره مشت وهي تُصادف صوره كانت مُغبره مسحتها وهي تحاول تتعرف على اعضاء الصوره! شافت ميعاد واختها"ام فهد" تنهّدت لانها ناسيه ملامح اختها وميعاد الي كانت صغيره! الصوره هذي تحمل ذكرايات قريبه الى القلب طاحت على ركبها وهي تصرخ باقوى ماعندها! تبي تطلع حرة السنين الي واجهتها السنين اهلكتها  تبرو منها اهلها معاداً ام فهد الوحيده الي واقفه مع اختها ابتهال
ابتهال اُتهمت بقضية قتل عن طريق الخطاء!
انسجنت وهي مضلومه! ماخلو محامي ماكلموه عشان يحل قضيتها ولاكن مانفع ١٧ سنه وهي مسجونه"ضلم" مازالت ترُن بداخلها كلمة والدها في المحكمه! "روحي سودتي وجيهنا متبري منك ليوم الدين لا انتي بنتي ولا انا اعرفك! "
بكت وهي تشاهق ماتعرف رقم ام فهد كيف بتوصل لها
'
'
'

في بيت ابو سلطان|جناح محمد
ماسك البلاستيشن وهو يلعب باندماج ويصارخ ازعج البيت بصياحه! دخلت ام سلطان عليه: يولد ورا ماتروح تصلي التراويح بالمسجد بدون هالالعاب الي مامنها فايده ؟
محمد: يمه دقيقه بروح بس اصبري اكمل العبه واخلصها
ام سلطان طفت البلاستيشن: الحين وش اهم الصلاه ولا اللعبه ؟ اللعبه لاحق عليها صدقني مابتطير خاف ربك قم صل يكفي انك ماتصلي الصلاوات على وقتها صل التراويح اكسب اجر بدال هالقعده الي مالها داعي
محمد حس بقيمة كلامه اهو مايصلي الصلاوات على وقتها مقصر بصلاته كثير باس راس امه وطلع يتوضى ويصلي بالمسجد.
'
'

في ايطاليا|
طلعت وهي تربط روبها القُطني وحامله بيدها كوب الموكا الحار فتحت البلكونه وهي تتامل المكان بابتسامة هادئه جلست عالكرسي وهي تفتح الكتاب بكُل روقان وتقراء المُقدمه رجعت ضهرها عالكرسي ورا وهي تتنفس بأريحيه لهدوء المكان للروقان الي هي فيه اول مرا تصير سعيده بهالشكل بمكان بعيد عن العالم بمكان يخليها تعيش بقمّة السعاده والروقان ارتشّفت كوب الموكا الحار بابتسامه هادئه.

'
'
في شركة سلطان&عايض|
دخل المكتب شاف عايض جالس يشرب قهوته ومروق: عشتو كأنك مروق اليوم الابتسامه شاقه وجهك وتشرب قهوتك شكلك تحب اعترف
ضحك عايض على استهبال سلطان: لا والله ولا فيه اي شي من الي قلته بس شبعت نوم ومروق والمكان هاديئ الا انت طمني عنك شلونك وشلونك مع زوجتك ؟
سلطان تنهد يوم جاب طاري ميعاد: وش اقول وش اخلي؟
عايض: اوب اوب وش صاير ؟
سلطان:سافرت وتركتني انت متخيل سافرت لحالها بدون شور احد! خذت قرارها بنفسها طلبت مني الفلوس وانا الغبي صدقت انها تبي تاخذ ملابس للود طلعت تبي تسافر! اهخ انا الغبي الي ماراقبتها جيت لقيتها مو موجوده فتحت دولابها كل شي فاضي! دقيت عليها وهي بالمطار تقولي اوعدك مارح اطول بجيك بس ابيك تعيش المر الي ذوقتني ياه ابي اخذ حقي منك! بس والله وانا حلفت اني مستحيل اركض وراها صحيح اني احبها لاكن مستحبل يصير ذا الشيء دامها بدت بحركاتها كذا انا بكون مثلها! اهخ بس كيف ماحسيت بذا الشي! كيف ماحسيت انها بتسافر كيفف!
'
'
بالرياض الساعه8:00 بالليل|
كانت تتمشى بحديقة بيتهم الخلفيه وهي ماسكه بيدها عصير الفيمتو وتشربه بهدوء فجاءه تسمع صوت يناديها ب:فجر!
التفت:عزيز!
فجر: عزيز وش تبي؟ وش جايبك هنا اصلاً ؟ شتسسوي بييتنا انت!
عزيز: فجر احنا لازم نتكلم
فجر: نتكلم بايش؟
عزيز: فجر انتي الي عليك انك تسمعيني انا بقول لك الكلام وبمشي ماني مطول هنا
فجر: طيب يلا وش عندك ؟
عزيز: فجر انتي تدرين ان كلنا نحب بعض وكلنا جالسين نكابر صح ولالا؟ لاكن يافجر ليه تعذبيني وتخليني اوصل للمرحلة ذي خليني اعيش مرتاح انا ابي اخطبك من اهلك على سُنة الله ورسوله لا هو غلط ولا هو عيب انتي رفضتي وانا ادري انك تحبيني ولا تنكرين هذا الشي لاكن خليني اخطبك وتصيرين حلالي على سُنة الله ورسوله لو ماتبين تعطيني الرد الان اعطيني ياه بعدين مو مشكله انا موافق
فجر: افكر بالموضوع واجيك الان ماقدر اعطيك خبر انا بدخل البيت فمان الله.