ماكانت النية حب ياسعود

12

صباح يوم جديد|
صحى من النوم وهو ياخذ المخده ويرميها على ميعاد بحيث انه يستفزها ويصحيها من عز نومها شاف ان رمية المخده مانفعت قام طفى المكيف قامت ميعاد بانزعاج
يالله سلطان خير خلني انام
انا اقول قومي بدل هالكسل ابرك
ميعاد قامت: لايشيخ؟ اقول شغل وخلني انام ترا مانمت زين
سلطان تذكر وش صار امس: قومي معي بوريك شي
ميعاد: بلا سخافه وشفيه؟
سلطان: لاجد قومي بوريك شي
ميعاد قامت بتأفف: وشفيه؟
سلطان سحبها بقوه وهو يحط يدينه حوالين خصرها: وشهالحركات الي امس؟ قام يناقز وهو يقلدها سلطان تكفى تعال تعال واخرشي اجي الاقيك نايمه
ضحكت ميعاد على تقليده العفوي: شسوي عاد جاني نوم ونمت قبل تجي
سلطان: وش كنتِ تبين؟
ميعاد: وصلتني رساله من اخوي
سلطان: اوهه اي قالي وصلها لميعاد وحطيتها لك بالغرفه
ميعاد: مداوم هو؟
سلطان: لا اليوم عنده اوف
ميعاد: اوكي
'
'
في احدى غرف  بيت ابو سلطان|
فجر وهي رايحه للمطبخ سمعت كلام امها وابوها وقفت وهي تسمع كلامهم
'
ام سلطان: اليوم بتجي ام عزيز وابو عزيز كمان وانا وصيت مطعم يجهزون العشا وبوصي محمد على باقي الاغراض وفجر بتساعدني بالمطبخ
ابو سلطان وهو يبتسم: حياهم الله بأي وقت
راحت فجر وهي تركض لغرفتها بحماس وهي تجرب الميكب وتقول بنفسها: والله اليوم لاصير جريئه واطلع قدامه واحرق قلبه فيني وبلبس اكشخ شي عندي وبكثر ميكب ونشوف ياعزيز.
دقت عليها الباب ميعاد: مين ؟
ميعاد: انا ميعاد
فجر: اهلين ميعاد تبين شيء؟
ميعاد: لا ابد ولا شيء بس سمعت ان فيه عزيمه مين جاي بعد؟
فجر: اوه خالتي ام عزيز ورجالها عاد تصدقين هم كذا قبل رمضان ب كم يوم  تجي عليهم صلة رحم ويزورونا
ميعاد: يوه صح ذكرتيني اليوم نتسحر لرمضان؟
فجر: ايوا
ميعاد: بيجي رمضان ويخلص وانا للحين ماولدت
فجر: اي والله شعنده الورع خمج ببطنك نبي نشوفه
'
'
في بيت ام عزيز|جناح عزيز
تنهد يوم امه قالتله ان بيزورون ام سلطان وهو يدخل يسكر على نفسه الباب ويصبح تايه بعُمق افكاره هي تدري اني احبها ليه تحرق قلبي كذا! ليه تعذبني كل هالعذاب وانا اموت فيها! تُداهمه هواجيس لانهائي وهو يقول: كيف نخفي حبنا والشوق فاضح
وفي ملامحنا من اللهفة ملامح
عاشقين ونبضنا طفلن حنون
لو تزاعلنا يسامح
والهوى شئ مقدر
إختلفنا مين يحب الثاني أكثر
اي والله اختلفنا مين يحب الثاني اكثر يافجر

'
'
في بيت ابو سلطان|صالة الحريم
نزلت فجر من الدرج بطقطقة كعبها ورائحة عطرها المُتناثره بكُل مكان وروجها الاحمر الجريئ وعبايتها السوداء الي شبه فستان مطرزه مع اكمام اليد حامله بيدها شنطتها الصغيره  وهي تدخل على خالتها وولدها عزيز ابتسمت وهي تتوجه لخالتها: اهلين خالتي كيفك ابتسمت وهي تمر من عند عريز بخُبث وتطلع: مامي انا بطلع بخلي السواق يوصلني تبين شيء؟
ام سلطان: سلامتك بس ع وين؟
فجر؛ بقابل صديقتي
ام سلطان: روحي الله معك
ابتسمت.
عزيز طلع: يمه بروح مجلس الرجاجيل
ام عزيز: تمام حبيبي روح
عزيز وهو يفتح الباب ويطلع: فجر
فجر لفت عليه وهي تلعب بشعرها وحاطه طرحتها ع كتفها: وشتبي؟
قرب عزيز وهو يقولها: وش هالحركات؟ مُصره الا وتحرقين قلبي وتعذبيني اكثر من هالعذاب الي انا قاعد اعيشه يافجر!
فجر: شقاعد تقول انت؟ عذاب؟ اي عذاب تتكلم عنه اكيد ماقصد شيء ولا وش ابي فيك ياحبيبي؟ بعدين انا قلتلك ان رح تجي تخطبني بيوم ثاني بعد مانا اوافق وبعدين وش سويت انا لك عشان تقولي اني قاعده احرق قلبك صاحي انت؟
عزيز: ودخلتك علينا؟ وابتسامتك الخبيثه مسك يدها بقوه وهو يعورها: والله يافجر لاخليك تذوقين نفس العذاب فكت نفسها من يده وهي تتألم: وخر عني! وذوقني هالعذاب الي تتكلم عنه ويلا باي الحين انا مو فاضيه لك
مشت مُتجهه للسواق وهي تقاوم الالم: حسبي الله عليك ياكلب كسرت يدي
'
'
في شركة سلطان&عايض|
دخل للمكتب وهو يشوف عايض منفس:اوب اب مين مزعل الحلو؟
عايض: مافي شيء لاتشيل هم معليك مني انت شلونك؟
سلطان: ابد والله كويس والامور تمام
عايض: شلونك مع مرتك صاير شيء جديد؟
سلطان تنهد: اهخ ياخي عجزت اعرف مشاعري لها انا احبها لاكن فجاءه افكر بان الولد الي ببطنها ولد حرام واشمئز منها وبنفس الوقت اغار عليها غيرة شديده عجزت احدد مشاعري
عايض: ياسلطان ياحبيبي ترا الغيره فطره وشي طبيعي دامها حلالك انك بتغار عليها كذا وبالنسبه للحمل هذا شي ربي كتبه لها وغصباً عنها مو هي الي تتحكم بهالشي يعني لو انها تتحكم بهالشي كان صار معها الي صار اكيد لا
سلطان وهو يغير الموضوع:خلاص اترك مني كيف اوضاع الشغل؟
'
في مجلس الرجاجيل|
عزيز وهو وجهه احمر لو قعد دقيقه بينفجر عليهم طلع من المجلس وهو معصب راح برا وهو يحرك سيارته ويروح للاستراحه كانت الاستراحه فاضيه وكافي على انه يقدر يطلع كل الي بداخله من الكتمان بالصراخ:صرخ صراخ قوي!وهذا كان اقل شي يطلع من عزيز صرخ وهو يقول لييه؟ ليه يافجر! ليه تعذبين شخص يحبك لييييييييه؟ وانا الي احبك وابيك تسوين فيني كذا آه ياقهر قلبي على تصرفاتك يافجرر! آه يالعذااببب الي عشت فيه بسببببك! الله ياخذ الحب ياشييييخ الحب الي خلاني اتعلق فيك الحب الي دمرني واتعبني واوجع قلبي اهخ بس تنهد وهو يفتح زُجاجة الخمر الي لها مُده بالاستراحه رغم انه بعد عنها وتاب الى الله لان الخمر شيء لايُرضي الله تعالى: فتحها وهو يشرب ويرمي الكاس وهو ينسدح يحارب تعبه دخل عليه سلطان وهو باسوء حال:  هه رجعت له؟
عزيز:  لولا الضروف الي حدتني عليه واجبرتني اني اشرب كان ماشربت
راح سلطان وهو يطلع بكت الدخان ويطلع سيجارة ويولعها: اهخ ياعزيز الضروف تحد على اشياء نتمنى اننا مانسويها لاكن شنقول؟
عزيز: وانت شفيك بعد؟
سلطان: انا انا ضايع بوسط همومي الغبراء ومشاعري الي عجزت القى لها حل ولا اني بقادر احددها  قام وهو يصب من زُجاجة الخمر الا انت ليه متعب نفسك كذا وش الي موصلك لهذي المرحله؟
عزيز: آخ ياسلطان ماهقيت اني بيوم بوصل لهالمرحله هاذي لاسوء مراحل عمري لاكثر شي يتعبني لاكثر شي ماتوقعته يصير
سلطان شرب كأس الخمر بغصب وهو يكلمه بسُخريه: الضاهر ان حالك اسوء من حالي ، حزن على حال عزيز السيئ وحاله الاسوء بعد شرب كاسه ثانيه وهو يحاول ينسى قصة حمل زوجته بالحرام لاكن المصيبه انه تقريبا نسى كل شيء الا هالشيء الوحيد الي علق بذاكرته ومستحيل يروح من ذهنه ناضر بعزيز وهو يشوفه بيفقد الوعي شفق على حاله المُتدنئ وهو يقوله :قم اوصلك بيتك واروح للبيت.
'
'
{في بيت ابو سلطان}
دخلت وهي تتألم من يدها الي اوجعتها بسبب عزيز شافتها امها: شفيها يدك؟
فجر: طحت عليها بالغلط
ام سلطان: اوه تمام، الا ماشفتي اخوك سلطان تأخر الوقت وهو للحين ماجاء
فجر: لا ماشفته اكيد انه بالاستراحه
ام سلطان: اجل بنزل السحور يمكنه بيتسحر مع اخوياه
ميعاد نزلت مع الدرج: الف سلامه عليك فجور
فجر: الله يسلمك
ميعاد: ماتبين سحور؟
فجر: لا اكلت برا
ام سلطان: ميعاد حبيبتي تعالي عاونيني ننزل الاكل وسويلنا السلطه مع اللبن الي تسوينها دايم
ميعاد: ابشري الحين تجي احلى سلطه يحبها قلبك
ام سلطان: الله يسعدك ياحبيبتي
ميعاد بابتسامة لُطف: امين وياك.
'
'
في سيارة سلطان|
عزيز فقد الوعي بنص الطريق نزل سلطان وهو يصفقه كف ويرش عليه مويه: ولد مارح اخليك تروح البيت وانت هذي حالتك امش صحصح واعطرك عشان ريحة الخمر الي لاصقه فيك ياولد قم صحصح!
رجع ركبه السياره وهو يسوق بداً مفعول الخمر يبدا على سلطان وبدت حالته تصير اسوء وهو يحاول يقاوم نفسه ويسوق عشان لاسمح الله مايصير لهم شيء بالطريق وهم حالتهم سيئه وصل عزيز للبيت وكمل طريقه.
'
'
في بيت ابو سلطان|الساعه4 الفجر
مانامت الليل طول الوقت وهي خايفه سلطان للحين مارجع للبيت اتصلت عليه جواله مُغلق بدت تمشي بتوتر فزت وهي تسمع صوت الباب جلست عالسرير تطمنت فتح باب الغرفه وهي تقوم: وينك فيه!
كان يمشي بشكل غريب بمشية غير مُتزنه وشعره رطب وجسمه كمان انسدح عالسرير وهو يتكلم بكلام غير مفهوم
ميعاد: بسم الله شفيك مسكته وهي تحاول ترفعه شمت ريحة الكحول وهي تستغفر ربها وبقرف: استغفرالله الناس الحين تتسحر وانت تسكر! شقت ملابسه وهي ترش عليه مويه عشان يصحصح مسك يدها وسحبها له وهو يتكلم بتعب وشكل غريب: ميعاد خليك جنبي لاتتركيني.