ماكانت النية حب ياسعود

18

في يوم جديد وصباح جديد في المملكه العربيه السعوديه تحديدًا الرياض:
صحى من النوم وهو يشوفها نايمه ضحك على طريقة نومتها كانت طريقة نومتها توضح عليها التعب والارهّاق قام وهو يتثاوب راح غسل وجهه ولبس تيشيرت ابيض مع بنطلون اسود وسيع طلع وهو يمشط شعره لف عليها وهي على نفس حالها نايمه سحب ريموت المكيف وهو يطفيه عشان تحس بالحر وتقوم سحب البطانيه شوي فتحت عيونها وهي تعرف حركات سلطان الي مايبطلها
ميعاد بتعب: بزر انت؟ ماتبطل حركاتك بنام طيب فوق الحر والصيام والتعب للان مناشبني خل انام!
سلطان: بس يابيبي اشتقتلك
ميعاد: فاضي انت خليني انام
سلطان راح من وراها وهو يسحب البطانيه كلها تأففت ميعاد من حركة سلطان المُستفزه
ياخي بطل حركات الورعان هذي قامت وهي تتأفف منه راحت وهي تغسل وجهها وبدت تدقق برقبتها سلطان ياحيييوواااان!!
ضحك سلطان فهم قصدها شفيك؟
ميعاد: وشو هذا؟
سلطان: اوه ناموس يمكن
ميعاد وهي واقفه متخصره: لا والله؟ ناموسه اجل
سلطان: ايوا
ميعاد وهي جايبه المويه تبي تكبه عليه: انا اوريك الناموسه الحين
شرد وهو يركض بالغرفه وهي تناقز وراه
ضحك على ركضها : اخ كانك الورعان وهم يراكضون

ميعاد بطنازه: هاهاها مايضحك سخيف فوق مانك مصحيني من عز نومي تطقطق علي انقلع بس
'
'
في الشاليه|تحديدًا جناح عزيز وفجر:
صحت فجر وهي تحاول تقوم من حضن عزيز بدون ماتزعجه قامت بهدوء وهو يسحبها :بسم الله خرشتني وجع قمت بشويش عشان ماتصحى وش صحاك انت؟
عزيز: صاحي من اول انتضرك تصحين
فجر: اوهه طيب يلا بقوم اغسل وجهي واصلي
عزيز: خليك جنبي لاتروحين
فجر: صدقني والله مابهاجر
عزيز بضحك: ادري يقلبي بس ابيك
فجر: يالله ممكن تبطل حركاتك الرومنسيه هذي لين ماروح اجهز نفسي واجيك؟
عزيز فكها: روحي بس لاتطولين علي
فجر: حاضر اوامر ثانيه استاذ عزيز؟
عزيز: ابد سلامتك ياحُب
قامت فجر وهي تغسل وجهها وخذت لها شاور خفيف ولبست روب قُطني لونه بينك فاتح وحطت المنشفه على شعرها وطلعت وهي تشوف عزيز لسى منسدح
فجر: عزيز لسى ماجهزت؟
عزيز: نو انتضرك ياحُب
فجر:على انتضارك هذا ليتك قمت خلصت اشغالك ابرك صدقني
عزيز قام وهو يروح لعندها وقبل خدها بهدوء: اجل اترك هالحلوه واروح اخلص اشغالي عيب عليك ياحلوه
فجر: اوه والله؟ يلا انا اقول تجهز ابرك
عزيز: من عيوني ياقلبي انتِ
'
'
في بيت ابو فهد:
قام من النوم وهو رايح للحمام"يُكرم القارئ" كانت دورة المياه حقت الرجال قريبه من المجلس وكان فيه ادراج عند المغسله فتح الدرج وهو يدور على السبحه حقته وشاف صوره مو واضحه وطلعها وهو يشوف صورة ميعاد تنهد بضيقة: ندمت اني قسيت عليك يابوك والله اني مشتاق لك بالحيييل وينك يابوك وينك؟ والله ودي افتر شوارع الرياض كلها ادور عليك ياحبيبة ابوك انتي قاطع كلامه فهد الي دخل وهو يشمر اكمام ثوبه شاف ابوه بهالحاله السيئه وتنهد وهو يحب راس ابوه لف عليه ابوه وهو عيونه متغرقه من الدموع
فهد: افا يابوي لييه يابوي ليه؟
ابو فهد: يابوك انا حلفت عليها ماترجع اخ والله اني قسيت بس انا ابوها مستحيل انساها هذي بنني يافهد بنتي تكفى دور عليها اسأل عن اخبارها تكفى يافهد مابي اكمل باقي حياتي بدونها يافهد بكاء وهو بحضن ولده
فهد وهو يمسح دموعه: يبه ميعاد بخير وهي تزوجت وحامل كمان
ابو فهد بصدمه وهو يحمد الله انها بخير: شلون؟ وكيف ووش دراك؟
فهد: انا توضفت بالشركه الي يشتغل فيها زوجها وهي عرفت وكلمته وانا الي فهمته انهم خلوها تتزوج سلطان عشان تصير تقدر تقعد بالبيت عندهم
ابو فهد: الف حمد وشكر لك ياربي، ابي اشوفها يافهد تكفى ابي اشوفها
فهد: يبه انا بكلمها وبعدين نشوف يابوي
ابو فهد: الله يجزاك خير ياوليدي حب يد ولده
فهد: استغفرالله يابوي اناا الي احب يدك موب انت الي تحب يدي
'
'
في بيت ابو نواف|
بالمطبخ بتعب وهي تطبخ الفطور جا نواف من شغله بدري وهو يحب راس امه:يعطيك العافيه يمه ايوا وش فطوركم اليوم؟
ام نواف: كل خير بس انت روح غير ملابسك وتروش وشوي كذا ويأذن المغرب
نواف: ان شاءلله يمه على عيني وراسي
نواف: الا ابوي وينه؟
ام نواف: وصيته يجيب قشطه وعصير السوبيا هو يحبه رغم اني ماواطنه
نواف وهو يحط مفاتيح سيارته عالطاوله بضحك: هذا هو ابوي من يوم كنت صغير وهو يشرب السوبيا عوايده الله يخليكم لي انتي وابوي وولا يحرمني منكم يارب
ام نواف:امين ياحبيبي انت ويخليكم لي.
'
'
في الشاليه تحديدًا غرفة عزيزوفجر|
دخلت وهي تقول نسيت العطربتعطر جا عزيز مسكها من ورا وهو يدفن وجهه برقبتها: اويلي على الزين انا!
فجر: يالله ممكن تبعد عشان نجهز الفطور استاذ عزيز؟
عزيز باس رقبتها ووخر عنها: بس بيبي انتضري
فجر: ها؟
عزيز حشرها عالجدار وهو يبوس رقبتها بعُنف وباس خدها وهو يضمها بقوه: هيا خلاص روحي
فجر تتحمد الله عليه: الحمدالله والشكر مريض
عزيز: بمشيها لك هالمره
فجر بضحك: والله؟ يلا انا رايحه
'
'
في بيت ابو سلطان|
ميعاد: قلت لاهلك اني رجعت؟
سلطان وهو يضرب جبهته بنسيان: اووه راحت عن بالي بدق عليهم الحين
فتح جواله ودق عليهم وهو يبشرهم بانها رجعت
ام سلطان: حياها الله يامرحببببببًا تعالو مرونا الشاليه افطرو معنا
سلطان: ابشري يمه
سلطان: تقول نمرها نفطر معهم مسوين فطور
ميعاد: طيب بتجهز وبعدين نروح لهم
'
'
في الشاليه باجواء رمضان البهّية|
مستعجلتهم بتحضير الفطور على السُفرة:ها يلا يلا استعجلو رتبو الطاوله وحطو عليها الاكل مابقى شي ويأذن
فجر طلعت للحديقه وهي تشوف الطاوله حقت الفطور:واو واضح فطوركم اليوم بطل
ام سلطان:يام الفطور البطل انا اقول روحي جيبي الاكل وحطيه عالطاوله ابرك
فجر بدلع:سمي مامي مشت خطوتين ورجعت الا صح بسألك هذا متى بيجون ميعاد وسلطان ولا بعد الفطور ؟
ام سلطان: قلتلهم يجون يفطورن معنا ساعة زمان ويكونون وصلو
فجر: ارسلتي لهم اللوكيشن؟
ام سلطان: فجر بلا غباء كيف بيجون يعني
فجر: اوكي مامي بروح اجهز عشان لاتفطرين علي
ام سلطان: يكون احسن
دق الجرس وراحت رسيل تقول لام سلطان: خالتي من جاينا الحين؟
ام سلطان: استعجلي افتحي ولدي وزوجته
رسيل: يلا يلا
فتحت الباب وهي تسلم ع ميعاد: اهلاً اهلاً الحمدالله عالسلامه حبيبتي تفضلو باقي دقيقتين عالاذان
دخلت ميعاد وهي تحب راس خالتها ام سلطان وخواتها شالت جلالها وهي تروح المطبخ عند فجر: اهلين فجووور مافي الحمدالله عالسلامه؟
فجر حضنتها : الحمدالله عالسلامه حبيبي ها مافي مبروك؟
ضحكت ميعاد: الف مبروك حبيبي
فجر: تكفين ساعديني نروح نودي الاكل لو ماجهزتها عالسفره امي بتفطر علي مع انه مدري ليه فيه عاملات
'
'
بخطوات مُتسارعه وهي تمشي بدلع ولابسه  عبايه لونها اسود مُطرزه  ومن الداخل بنطلون ابيض مع بلوزه بنفسجيه مُطرزه وفاتحه شعرها الطويل واطرافه ويڤي وتمشي في شوارع الرياض بابتسامه هادئه شكلها مُلفت يجذبُ الي حوالينها دخلت الاصنصير وراودتها مُكالمه من صديقة عُمرها الي فرقتهم المسافات بسبب الدراسه
مي:حي ذا الصوت وهالمكالمه اخ اجمل اتصال جاني اليوم
دانه:ميمي وحشتيني خلينا نتقابل جيتي الرياض صح؟
مي: ايوا حبيبي الحين انا بالمول ارسليلي لوكيشن المكان الي تبين نتقابل فيه
دانه: يلا الحين شوي وادق عليك نتقابل بالكوفي ونسولف وولهاااانه
'
'
اعتذر عالبارت القصير بعوضكم بالافضل البارتات الجايه💕