في صحاري نجد|"لاول مرا بنزور هالمكان مع شخصيات جديده"
اتهموها ضُلم! اتهموها بالعار وهي شريفه!
'
في اجتماع اهل الدار
نوره: خافو الله فيني انا جايه استر عليكم تتبلوني ليه!
ريم بخُبث: محد تبلاك يانوره هذا صدق وشوف عينا بعدين وش تسترين علينا فيه؟ حنا بنات نخاف الله وندور الستر خافي ربك يانوره
نوره ببُكاء: انتِ الي خافي ربك ياريم مو نوره الي تسود وجه اخوها بين العرب
مزنه: سودتيه سود الله وجهك! يبي يموت رجالي من القهر بسبب فعايل اخته
(ملاحظة مزنة تصير زوجة اخو نوره)
نوره بصراخ وبكاء: لا يامزنه حرااام عليكم حرااام!
مريم(بنت عم نوره): نوره عفيفه لاتضلمونها!
ريم بكذب!: يشهد الله ياجماعة اننا شفناها مع رجال(ن) غريب بنص كلامهم دخل زوج نوره"عبدالله"
ريم: استحينا من منضرهم وعودنا
نوره: يويلك من الله
مريم تكلم عبدالله: اي ياخوي كانت معه وش سوالك اخوي عشان تخونينه!
نوره تبكي: حرام عليك والله ضلم ضلم!
اخو ريم ومزنه: افا يانوره تطلعين مع رجال(ن) غريب وتخونين رجلك!
عبدالله: انتِ طالق يالخسيسه! جاء يسحب ولدهم منها!
دخل راكان اخو نوره متوجه(منير) اخو ريم ومزنه: تلحق عرضي يامنير! ونزل فيه ضرب لين كسر ضهره ومنير يصرخ ويون ماقدر عليه!
راح راكان لعبدالله: اه يالخسيس! هذي سواتك تطلقها وتعاريها!
كلم نوره: ياخيتي الي مايعرف قدرك استرخصيه!
'
'
في يوم جديد على بطلتي|الساعه١٢:٠٠ على اذان الظهر
صحت من النوم وهي تتمغط بنُعاس وتسمع اذان الظهر لفت ع جهتها الثانيه استغربت لقت سلطان صاحي ومو بدوامه:ماعندك دوام اليوم؟
سلطان: لا
جت ميعاد تبي تستفزه رمت المخده على وجهه وهي كاتمه ضحكتها
سلطان الي اختنق:ميعادوو وصمخ
ميعاد بضحك: اوبسي كنت اتمغط ومدري كيف جات عليك
سلطان قام فتح دولابه يدور مسدس المويه الي عنده:دخل الحمام وهو يخبي المسدس عشان ميعاد ماتشوفه عباه مويه مشى بخطوات هاديه وهو حاط المسدس وراه
ميعاد: هذا هدوء ماقبل العاصفه؟
طلع المسدس ورش عليها وهي تصارخ وتناقز بالغرفه كلهاا سلطان يحيواننن وقففف غرقتني
اجل تتمغطين وماشفتيني ها جزاتك واقل بعد
ميعاد:وجع بروح اصلي ابرك وانت بعد قوم صل مو تغفل عن الصلاه
سلطان قام قرصها وطلع يصلي
ميعاد:وجع ماتتوب
'
'
في بيت ابو فهد| جناح فهد
منسدح على فراشه غارّق بتفكيره بعد اجتماعه مع اخته حس كانه ملك الدُنيا ومافيها وده يقول لامه بس ميعاد مُصره على انه مايقول غير لما يجي الوقت المُناسب دخلت عليه امه وهو على حاله
شفيك يامي انت؟
مافيني شي يمه افكر بالشغل لاتخافين
بالشغل؟ ليه فيه شيء صار قول
لا يمه الامور تمام ومافي ولا شيء
اي زين يالله انزل جهزت الغداء
'
'
في بيت ابو سلطان|غُرفة الطعام
نزل محمد وهو يشم ريحة الغداء شاف ميعاد هناك: شكل الاكل ريحته لذيذ عشان ام محمد تطبخ لنا
نزل وراه سلطان:نعم انت مين ضاحك عليك وقايل لك ان ولدي بيكون اسمه محمد؟
محمد: انا
ام سلطان بدون هرج ماله فايده واحد منكم يقول لابوه ان الغداء جاهز
محمد: وينهو ابوي؟
ام سلطان:بالمجلس روح شوفه
محمد: يلا جاي لاتاكلون بدوني
'
'
في صحاري نجد|
ام عبدالله:شفيك يمه؟ لايكون تفكر بهاذيك الخسيسه!
عبدالله وهو ينادي اخته مرام : تعالي
مرام بخوف: سم ياخوي؟
عبدالله: قوليلي وش شفتي نوره تسوي بالضبط وان عرفت انك تكذبين علي والله لاوريك علم ماهوب طيب
مرام: اكذب عليك بوش ياخوي؟ انا قلت الصدق شفناها وشهدنا انها كانت مع رجال غريب
ام عبدالله: تكذب اختك ياعبدالله! هذي خسيسه ومو متربيه وسواتك زينه انك طلقتها! وولدك رح يبقى معك مارح ترجعه لامه لو ايش مايصير ولدك يتربى معك مايتربى مع هذيك الخسيسه
راكان: شفيك يانوره ليه تبكين؟ ولدك رح يرجعلك لاتخافين وانا باخذ حقك
نوره وهي تبكي: والله ضلموني والله ماسويت شيء هذي سواتهم هم هم اتهموني كذب وهي تبكي بحرقه
راكان: مسحي دموعك افا ماهي اخت راكان الي تصيح دامني اخوك لاشوف دمعة عيونك نسيتي ان انتِ ربيتيني وكبرتيني
'
'
في بيت ابو سلطان|غرفة الطعام
محمد وهو يتكلم مع ميعاد: الا اقولك ميعادو
ميعاد: وش؟
محمد:شريت ملابس لورعك
ميعاد بضحك: الله وشهي بشوف
محمد: من عيوني الثنتين هذي قبل هذي كم ميعاد عندي؟
سلطان ناضره بحده وعصبيه وهو يحط العصير بقوه على الطاوله:استغفرالله العضيم واتوب اليه
محمد: شفيك ترا ماقلنا شيء؟
ابو سلطان وهو يحاول يهدي الوضع: الاكل جميل ياميعاد الله يعطيك العافيه
ميعاد: الله يعافيك
سلطان: تقولها من عيوني الثنتين؟ زوجتي ترا مب زوجتك واصلا من قلة الذوق انك تكلمها كذا
محمد: خف علينا قال قلة ذوق يعني الي كنت تسويه مو قلت ذوق؟
قام سلطان عليه
وميعاد خايفه من انفعالية وعصبية سلطان
سلطان مسكه من ثوبه قلتلك محارمي لاتقرب عليها! ماتفهم انت
محمد: نزل يدك والشرهه مب عليك الشرهه علي انا الي بسعدك وبوريك ملابس ورعك عشان تفرح واخر شيء تسوي كذا
سلطان كفخه كف
ابو سلطان: سلطاان! قم انقلع برا بسرعه تمد يدك على اخوك وانا موجود!
سلطان مسك ميعاد واخذها على جنب: لاشوفك تكلمين هالخسيس
ميعاد: لا بكلمه حرام عليك جاي يعلمك انه جايب ملابس لولدي اخر شي تسوي كذا
سلطان بسُخريه: قلتيها ولدي ولدك لحالك ماني ابو هالنجس
ميعاد:يامتخلف انت يامعتوهه! طفل هذا وش ذنبه تقول عنه ذا الكلام
سلطان: طفل اي بس لاتنسين انه طفل بالحرام
ميعاد: ماسمحلك تقول عن ولدي كذا ايه بالحرام بس مو ذنبه وولا ذنبي
شد سلطان على يدها بقوه: ميعاد اسكتي لاكوفنك هنا وانتِ حيه!
ميعاد: نزل يدك عني!
ناداه ابوه: سلطان قلتلك قوم انقلع من هنا وشوفلك اي دبره
'
'
في شركة سلطان&عايض|مكتب عايض
دخل سلطان: السلام عليكم
عايض باستغراب: وعليكم السلام،اليوم ماعندك دوام اجل وشجايبك؟
سلطان: ابوي طردني قلت اجي هنا
عايض وهو يصب له قهوه سوداء: شمهبب بعد؟
سلطان: تهاوشت مع محمد وطردني
عايض ضحك: حرام عليك قولي انك كنت بتذبحه ولا اذا هواش عادي ماضنتي يطردك
سلطان: اي ولو بيدي ذبحته
عايض: حرام عليك ولايكون صافقه قدام زوجتك بعد؟
سلطان: يس عالغداء
عايض: وين بتنام الليله؟
سلطان: مدري بشوفلي اي مكان او اني بالليل بروح استسمح من ابوي وادخل
'
'
في جناح ميعاد|
جلست عالسرير وهي تبكي بحرقه! تتذكر كلام سلطان وهو كانه زي السكين انغرس بداخلها مسكت بطنها طيب هو وشنذبه! هو طفل مايدري ان انخلق بالحرام ولا انخلق بالحلال! الله يلعنك ياسلطان من دخلت حياتي وانت مشقلبها فوق تحت
أنت تقرأ
ماكانت النية حب ياسعود
General Fictionميعاد درست بامريكا بعدم رضاء والدها عكس امها واخوها الي كانو موافقينها بالرئي تتخرج من الجامعه وتعود لبلادها! تتغير حياة ميعاد بشكل كبير بنعرف قصتهاا مع البارتات الجايه ابي دعمكم ورئيكم بالروايه
