ماكانت النية حب ياسعود

7

دخل البيت الساعه4:00 الفجر شاف البيت عتمه جميع الانوار مطفيه الا مكتب ابوه كان نوره يضوي من تحت الباب دخل يبي يستسمح من ابوه لف ابوه على الجدار مايبي يشوف وجهه: قلتلك اطلع مابغى اشوف وجهك لاتوريني ياه!
دخل سلطان وهو يركض عند ابوه ويبوس يده: السموحه منك يابوي توبه اعيدها بس والله غصب عني شفت كيف يتكلم مع زوجتي طبيعي بسوي كذا بس والله اسف يبوي
ابو سلطان:خلاص روح يابوك لاتنام مابقى شيء على اذان الفجر صل ونام
سلطان سلم على ابوه وراح فوق لجناحه فتح الباب شاف النور طافي وشغاله ابجوره وحده مالقاها عالسرير التفت لقيها كانت تصلي والان ترتل سورة البقره ﴿ وَإِذْ قَالَ إِبْرَاهِيمُ رَبِّ اجْعَلْ هَذَا بَلَدًا آمِنًا وَارْزُقْ أَهْلَهُ مِنَ الثَّمَرَاتِ مَنْ آمَنَ مِنْهُمْ بِاللَّهِ وَالْيَوْمِ الْآخِرِ قَالَ وَمَنْ كَفَرَ فَأُمَتِّعُهُ قَلِيلًا ثُمَّ أَضْطَرُّهُ إِلَى عَذَابِ النَّارِ وَبِئْسَ الْمَصِيرُ ﴾ [البقرة: 126]
التفتت عليه طنشته
سلطان: الفجر باقي ماذن
ميعاد: اصلي الوتر،شالت سجادتها وقفلت مصحفها وحطته فوق الطاوله واتجهت لسريرها وهي تشرب علبة مويه
جاء سلطان لعندها وهو يثبتها عالسرير وبقُرب همس باذنها: للحين زعلانه من كلامي؟ ينقطع لساني ان شاءلله لو عدته وقسم بالله ان ماكنت ابي اقول كذا وطلع الكلام مني بالغصب بس وربي ماعيدها السموحه منك يانور عيني
ميعاد بدون نفس: طيب مافي مشكله بس حس عينك باقي تتكلم عن ولدي بتشوف شي ماشفته
سلطان وهو يده تتلاعب بخُصل شعرها سمي يابعد روحي
ميعاد بضحك من كلامه وهي تبتسم: طيب يلا ممكن تتركني وتوخر
امممممم انا احب قربك مارح ابعد عنك ابيك انتِ خوفي الوحيد هو اني اخسرك ف خليك قريبه مني
ميعاد: شهالرومنسيه الي جتك فجاءه؟
سلطان وهو يقلبها عالسرير وينتثر شعرها بكُل مكان
ميعاد وهي تضحك: يالله سلطان وخر
سلطان: اممم لا خليني اكحل عيوني بشوفتك باسها وهو حاط عيونه بعيونها:اكمل؟
ميعاد غمضّت عينها: كمل
باسها مرا ثانيه"احبك"
ميعاد: وانا اهواك يانضر عيني
'
'
في احدى غرف المنزل|جناح فجر
جلست مُستلقيه على الكنب وهي حاطه رجل على رجل وتقلب بقنوات التلفزيون وترتشف قهوتها السوداء وبطفش تلعب بشعرها وصلها رسالة من عزيز فزت وهي تشوف الرساله رمت الريموت عجهتها الثانيه
عزيز:اليوم جايين انا وابوي!
فجر بصدّمة من رسالته وبتوتر: ليه؟
عزيز: امممم مو تبين اخطبك؟
فجر: لاعاد! ماقلتلك الحين وانت تدري اني لسى صغيره خل الزواج بوقته المُناسب
عزيز: فجر انا ماعد عندي اي صبر للتحمُل خلي هالزواج يتم
فجر: قلتلك خليه بوقته المُناسب لو جيتني الحين مارح اقبل مع السلامه وبلكته مع انها تحبه كثير وودها تاخذه.
"ملاحظه"
(عزيز يصير ولد خالة فجر)
'
'
في شركة سلطان&عايض|الساعه6:00 المغرب
سلطان دخل بكل روقان وهو حامل بيده كوب الامريكانو:مساء الخير ياحلو وهو يمشي باستهبال
عايض ضحك على روقان سلطان المُفاجئ: شعنده الاخ مروق؟
سلطان جلس: ابد مروق نمت نومه جميله خلتني اصحى مروق مع الرُغم اني شوي ماحب الدوام الليلي افضل الصباحي اكثر
عايض: عساه دوم،خلصت الملفات؟
سلطان حط يده ع جبينه بمعنى نسيت: يووه رااح عن بالي توي كنت مروق طيب مامداني الشغل ورانا ورانا.