ماكانت النية حب ياسعود

14

في يوم جديد واحداث جديده.
كان نايم صحي وهو يتثاوب ويشوف ميعاد رايحه جايه بالغرفه وكانها متوتره وتخطط على شيء طنشها وقام للحمام طلع يسألها،ميعاد شفيك تحوسين من اول ماصحيت وانا اشوفك كذا؟ شفيك
ميعاد: امممم سلطان ابي فلوس
سلطان: بس؟ تبين فلوس امري بس ليه كل هالتوتر بس كم تبين؟
ميعاد: اممممم ابي68الف بس
سلطان شهق وهو يسمع المبلغ شتبين ب ذول كلهم؟
ميعاد: اول شيء بشتري ملابس للبيبي وعربيه وسرير واحطهم هنا ذول تقريبا يكلفون الف يمكن وبطلع له بطاقه وجواز وبيكونون على اسمك بما ان انت بتكون الاب وطبعا انا من حقي اضمن مستقبل ولدي واجهز له كل ذي والباقي عادي انا بتصرف فيهم واحتاجهم
سلطان: ياحبيبي هذي كلها ماتكلف10 الاف وش تبين ب68 الف؟
ميعاد: الحين انت شتبي؟ اعطيني ياهم وبس
سلطان باستغراب من طلبات ميعاد: وليه؟
ميعاد:قلتلك انا ابيهم للضروضه

سلطان: ساعه بالكثير وتلقين كل شيء تحول على حسابك
ميعاد باسته وحضنته حُضن طويل حضن توديع وكانه اخر حضن يجمعهم.
طلع سلطان من الغرفه وهو مستغرب من حضنها معقوله بتسوي شي؟
ميعاد وهي متوتره من الي بتسويه دقت على فهد: فهود بخلص اموري واقضي وبعدين ابيك توصلني للمطار،
فهد: ميعاد انا ابدًا مب موافقه قرارك هذا لاكن ماقدر امنعك
ميعاد: اشوفه قرار حلو ابيه يشوف كيف حياته بدوني ووش بيصير ببُعدي،قفلت قبل تنزل دموعها هي ماتقدر على بُعده لاكن بتكابر طنشت الموضوع بعد اهتمام وراحت تكوي نقابها عشان تطلع،نزلت تحت عند ام سلطان وابو سلطان وهي تكلمهم:
انا طلبت من سلطان الفلوس الي ابيهم وغير كذا انا ماعلمته السبب واتمنى اني اقولكم السبب بدون ماتعلمونه كل الي قلته له اني ابي اشتري اغرض ل لبيببي اما عن السبب الاخر مابي احد يعرف فيه غير انتم واهلي الي هم امي واخوي،انا قررت اني اسافر واعيش ولدي عيشة كويسه بيكون بعيد عن ابوه لاكن رح يقابله ان شاءلله والهدف من السفره ذي كمان هي ان ابي اعيشه المُر الي عيشني فيه معه وبعد ابي اشوف حياته بعد مابعد عنه هذي فُرصه عشان اخليه يتغير واتمنى محد يعارض قراري راحت باست روسهم وهي تطلع فوق لغرفتها
ام سلطان: ابو سلطان انت ماتعارض قرارها؟
ابو سلطان: خلي البنت براحتها كفايه زوجها وش مسوي.
'
'
طلع سلطان ل دوامه وهو يتذكر طلبات ميعاد الي يجهل تصرفاتها هاليومين مستغرب منها كثير فتح جواله وهو يحول كل شيء على حسابها اتصل فيها:
وصلتك؟
ميعاد: ايوا شُكراً يعطيك العافيه
سلطان:العفو تبين شيء؟
ميعاد: لا مابي شيء خلاص شكراً
'
'
في بيت ابو فهد|
طلع من البيت مستعجل وهو يتذكر اخته وانه لازم يروح لها الحين،اتصل عليها: اجهزي انا جاي الحين
ميعاد
اوكي الحين بلبس وانتضرك
فهد:
جهزي كل اغراضك وشنطة السفر وحنا بنقضي واشتري شنطه لولدك عشان اذا شريتي الملابس ونقص التذاكر حقت سفرة ايطاليا
ميعاد: اوكي مع السلامه،تنفست بعُمق وقت الحُريه غمضت عيونها قبل دموعها تنزل والله انت الي جبرتني اسوي كذا ياسلطان ولا انا ماقوى على البُعد لاكن انت خسرتني وتحمل خسايرك مسحت دموعها وهي تشوف بطنها البارز بالمرايه راحت تجهز شنطتها وهي تشيل كل شيء وماتبقي ولا اثر لها تنهدت بحزن خايفه من الفقد، لبست عبايتها ونقابها وهي تسحب شنطتها وراها وتطلع من البيت
'
'
(في مطار الملك خالد) صالة المغادرون الدوليه.
قامت من كرسي الكوفي وهي تشيل شنطتها كان مُقابلها فهد تنهد بحُزن وهو يسألها: متاكده من الي بتسوينه ياميعاد؟
ابتسمت بحزن:
وش بقالي بهالدنيا؟ مابقى جرح ماجربته الي جاني بالرياض كفاني انا ابي اعيش حُريتي انا وولدي ابي اعيش مُطمئنه حضنت اخوها بحنان وهي تمسح كتفه: راجعه ياحبيب اختك راجعه مابطول اوعدك
فهد ابتسم لها بلُطف
لفت عيونها وهي تشوف الشاشه تعلن ان البوابه حقت رحلتها انفتحت لبست شنطتها وهي تتوجه للبوابه عشان تسمع النداء:
'
'
في بيت ابو سلطان|
دخل البيت وهو يطلع فوق شاف الغرفه فاضيه ومرتبته استغرب وين بتكون فيه؟ فتح الدولاب بيطلع تيشيرت له يلبسه فتح دولاب ميعاد وانصدم انه شافه فاضي خالي من اي اثر لها! وين راحت؟ وش سوت!
طلع جواله من جيبه وهو يكلمها:ليه؟
ميعاد وهي تحاول تمسك دموعها:لان الي جاني كفاني لان الجروح الي جرحتني ياها خلتني اعوفك،مابطول صدقني هي فتره بسيطه وارجع سلطان انت الي سويته مو قليل وانا موضعيفه عشان اسكت جا الوقت الي اقدر اخذ حقي منك
سلطان بتنهيده:اهخ ياميعاد مدري وش اقولك صح احبك بس هذا قرارك،روحي الله يحفظك"استودعتك الله الذي لاتضيع ودائعه"
ميعاد: فمان الله،وتذكر ان قلبي يحبك لين يوم الدين،مع السلامه.
مشت ميعاد بسرعه قبل تنزل دموعها وهي تمد لهم التذاكر وكملت طريقها للطياره.
'
'
في نفس البيت|
•
جلست بطفش في الصاله وهي ترتشف من الايس موكا بعد الفطور سحبت الريموت وهي تقلب بالقنوات شافت مسلسلات كلها تابعتها من مُسلسلات رمضان رمته جنبها بطفش وهي تلعب بشعرها دخل محمد البيت: عشتو شمقعدك هنا؟
فجر نقزت مثل الاطفال عند محمد: محمد ياخي طفش شرايك لو ودك يعني اننا نطلع نفحط تكفى لاتردني
محمد: ايوا علي صوت بعد هبله انتي تقولين بفحط بصوت عالي اسكتي لاتفضحينا
فجر: طيب بنطلع؟
محمد: ترا الجو حر ورطوبه مراا حر تطلعين ليه؟
فجر: اوف ياخي طيب طفش وشذا
محمد: الا امي وين؟
فجر: امي عند خالتي ام رسيل
محمد:وابوي؟
فجر: مدري بس اتوقع انه قال بيزور عبدالله المستشفى
محمد: طيب ليه ماتقعدين مع ميعاد فوق دام سلطان برا الحين؟
فجر: اوه مادريت؟ ميعاد سافرت
محمد بصدمه: ايش! لحالها؟
فجر: شفيك مصدوم اي لحالها؟
محمد: ومتى بترجع يعني؟
فجر: مدري  بس انه مابتطول،الحين انت وجع سحبت ع كلامي نطلع ولالا؟
محمد: الحين انتي مو عندك مذاكره؟ اذلفي ذاكري
فجر رمته بالمخده: الشره مب عليك الشرهه علي انا انقلع