ဝဠာဒီနေ့ထိဒယ်ဒီနှင့်စကားမပြောဖြစ်သေးပေ။မာမီကလည်းပြောပေးနေပေမဲ့ဝဠာဒီထက်ပိုပြီးစောင့်မေနချင်တော့တာကြောင့်စိတ်ကိုဆုံးဖြတ်လိုက်ပြီးဒယ်ဒီရှိတဲ့စာဖတ်ခန်းထဲသို့ဝင်သွားလိုက်သည်။
"ဒယ်ဒီ...ကျွန်တော်တို့စကားခဏပြောရအောင်"
"ငါ့မှာပြောစရာမရှိဘူး"
"ဒယ်ဒီ့!!.."
ဝဠာစိတ်တိုစွာအော်လိုက်မိပြီးမှပြန်ထိန်းကာအေးအေးဆေးဆေးပြောလိုက်သည်။ဒီလိုဒေါသကိုရှေ့တန်းတင်ပြီးပြောနေရင်လည်းကောင်းတာမရှိဘူးမလား?...
"ဘယ်လိုလုပ်ပေးမှကျွန်တော်နဲ့ပျိုးကိုသဘောတူပေးမှာလဲ..ကျွန်တော်ဒယ်ဒီစိတ်တိုင်းကျလုပ်ပေးမယ်"
ထိုသို့ပြောလိုက်တော့ဦးရဲထွဋ်တစ်ယောက်စဉ်းစားဟန်ခဏပြုပြီးမှ....
"အဲ့ဒါဆိုဟိုတစ်ခါပြောခဲ့တဲ့အတိုင်းနိုင်ငံခြားကိုပညာတော်သင်သွားပြီးကုမ္ပဏီမှာအလုပ်ဝင်။ငါလည်းအသက်ကြီးပြီဆိုတော့နောက်ကျရင်လုပ်ငန်းအားလုံးလွှဲယူရမယ်။မင်းအဲ့လိုလုပ်နိုင်မယ်ဆိုရင်တော့ငါစဉ်းစားကြည့်မယ်"
"ဒါကတော့မဖြစ်နိုင်ဘူးဆိုတာဒယ်ဒီသိပြီးသားမလား!..."
ဒီကိစ္စတွေဟာအရင်ကထဲကဒယ်ဒီပြောနေကျစကားတွေဖြစ်သည်။ဝဠာကကုမ္ပဏီကိစ္စတွေကိုစိတ်မဝင်စားတာကြောင့်ဒယ်ဒီပြောလာတဲ့အခါတိုင်းအကြိမ်ကြိမ်ငြင်းခဲ့တာဖြစ်သည်။အခုတော့ဒယ်ဒီဟာဝဠာ့အားနည်းချက်ကိုချုပ်ကာအကျပ်ကိုင်နေခြင်းပေ။
"ငါပြောစရာကုန်ပြီ..မင်းစဉ်းစားပေါ့"
ကျစ်!!
ဝဠာစုတ်တချက်သပ်ကာအခန်းပြင်သို့ထွက်လာခဲ့သည်။ဒယ်ဒီလုပ်နေတဲ့အရာတွေကသူကောင်းဖို့အတွက်ဆိုတာနားလည်သည်။သို့ပေမဲ့စီးပွားရေးကိုစိတ်မဝင်စားတဲ့သူကိုဒီလိုနည်းနဲ့အကျပ်ကိုင်တာတော့မဖြစ်သင့်ဘူးမလား?..ဝဠာစိတ်တိုစွာဆိုင်ကယ်သော့ကိုဆွဲပြီးချစ်ရသူလေးအိမ်သို့သာမောင်းထွက်လာခဲ့တော့သည်။
-------------------------------------------------------------------------------------------------
YOU ARE READING
မောင့်ရဲ့ပျိုး [Complete ]
Romanceဝဠာထွဋ်ခေါင် × လင်္ကာပျိုး Title - မောင့်ရဲ့ပျိုး Type - BL , Romance , M-Preg Writer - Mable Start Date>>>> 18.9.2023 End Date>>>> 4.7.2024
![မောင့်ရဲ့ပျိုး [Complete ]](https://img.wattpad.com/cover/352411975-64-k902613.jpg)