ဖေးချမ့် 177+178
အခန်း(၁၇၇) တခြားလူကို သွားလိမ်
ဇွန်လ ၂၅ ရက်နေ့ သောကြာနေ့ည...
ယွီအင်တာနက်ကဖေးဆိုင်တစ်ဆိုင်လုံးတွင် သီချင်းဆိုသံများ ပဲ့တင်သံထပ်နေသည်။ သို့သော်လည်း စင်အောက်က ထိုင်ခုံများကတော့ ဗလာကျင်း ဖြစ်နေပါသည်။ လူ ၂ ယောက် ၃ ယောက်သာ ထိုင်ပြီး အရက်သောက်နေကြသည်။
အဆိုတော်လည်း နုံးချည့်နေပြီဖြစ်ကာ အောက်မှာ သူ့သီချင်းဆိုတာကို နားထောင်နေသည့် လူတွေကလည်း အိပ်ပျော်ကုန်ပါပြီ။
မာယန်၏ မျက်နှာတွင် စိုးရိမ်ပူပန်မှုများဖြင့် ဖုံးအုပ်နေသည်။
သူ ဘာလုပ်ရမလဲ။
ယွီအင်တာနက်ကဖေးဆိုင်များ ပတ်ပတ်လည်က ပြိုင်ဆိုင်မှုများ ပိုမိုပြင်းထန်လာသောအခါ ယွီအင်တာနက်ကဖေး၏ ကတ်စတမ်မာများ ပိုပိုပြီး နည်းလာပါသည်။
သူတို့မှာ အဆိုတော်တစ်ယောက် ရှိသော်လည်း ဘေးပတ်လည်က တခြားဘားတွေမှာ ဒီ့ထက် ပိုကောင်းတာ ရှိသည်။ မီနူးပေါ်က သောက်စရာတွေကိုလည်း ဒစ်စ်ကောင့် ချပေးထားပါသည်။
ထိုဘားတွေက လူစည်ကားကာ အသက်ဝင်နေပါသည်၊။ ယွီအင်တာနက်ကဖေး၏ ဖောက်သည်ဟောင်းများစွာက ခြံခုန်နေကြပါသည်။
ဘာပဲဖြစ်ဖြစ် ဘားကို လာသည့် လူအများစုက ပျော်ပါးဖို့နဲ့ လူတွေနဲ့ တွေ့ဆုံဖို့ ဖြစ်သည်။ အေးစက်ပြီး တိတ်ဆိတ်သည့်နေရာမျိုးတွင် သောက်ချင်သူက နည်း၏။ ထို့အပြင် ဒီနေရာက စျေးလည်း မပေါပါ။
အဆိုတော်အသစ်က အဆိုကောင်းပါသည်။ သို့သော်လည်း ချန်းလျဲ့၏ စံနှုန်းကို မှီဖို့တော့ အများကြီး လိုသည်။ ထို့ကြောင့် ကတ်စတမ်မာ များများစားစားကို မဆွဲဆောင်နိုင်ခဲ့ပေ။
လူတွေ ပိုနည်းလာလေလေ သူလည်း အားလျော့လာလေလေဖြစ်သည်။ သူ အားလျော့လာလေလေ သီချင်းဆိုသည့်အခါ အသံက ပိုကြောင်လာလေလေ ဖြစ်သည်။ သံသရာလည်နေပါသည်။
"ညီအစ်ကိုချမ့်က ငါ့ကိုဘာမှမလုပ်ဖို့ ပြောထားပေမယ့် ငါလိပ်ပြာမလုံဖြစ်နေတယ်ကွာာ..."
YOU ARE READING
သူဌေးကြီးဖြစ်ဖို့ ပိုက်ဆံတွေ ဆုံးရှုံးဖို့လိုတယ်
Randomမိတ်ဆက် ငါ တကယ် ပိုက်ဆံဆုံးရှုံးချင်တယ် T_T အကောင်းဆုံး သူဌေး၊ စီးပွားရေးလောက၏ အရွယ်နှင့်မလိုက်အောင် ထူးချွန်ပြောင်မြောက်သူ၊ ပါရမီရှင် ဖန်တီးသူ၊ ရာစုနှစ်၏ အမြော်အမြင်ရှိသူ။ ဤသည်မှာ ထန့်တကော်ပိုရေးရှင်း၏ ဥက္ကဌ ဖေးချမ့်အတွက် အသုံးပြုထားသော ဖော်ပြချက်...
