الحلقة01
ماريا : مااماا..اجري اجرييي..ديبت الباااااااك..يماا مااامااااا....نجحت...نجحت..
جات بماها تجري..وتعيط..قريب راح..دوخ..ماريا مقدرتش تخبي فرحتها...تحس فروحها طايرة لساابع سما...من الفرحة..وأخيرا تحقق حلمها..واخيرا داات البااك...قربت منها أمها تبكي وتحكي فرد وقت
نعيمة : وه..ياا بنتي...متتخيليش شحال ني فرحاتة بيك...
ناضت من بلاصتها تزغرت ...الفرخة كانت مغطية الدار كلها... وماريا فرحتها متتوصفش...كلنا نعرفو الفرحة تع الباك..وكامل جربنا هاذ الاحساس...الخلعة للي تتحول لفرحة بعد ما نشوفو نتيجة.....قربت منها أختها أريج..حضنتها..ورجعت تحكي
اريج :يعني نتي ديتي باك..صايي...وراح تطلعي للجاميعة ومعادش نشوفوك؟
طرشقت ماريا...وأمها بضحك...غزرت فختها وضريتها على راسها ورجعت تحكي
ماريا : رايحة نقرى فلافاك..مانيش رايحة نسافر ياابغلة فهمتي؟
اريج : اووووف....مامااا شوفي لبنتك..كيفاش تضحك عليا..ونا قاعدة نخمم فبها
ماريا : شوفو شوف كيفااش دير
نعيمة : هيا يزي...نتي وياها..لا نجبد البشماثة تع نيلو ونعودلكم تربية في زوج
ناضت هي وختها..من بلاصتهم..يجريو ويعيطو
ماريا : لالا..وراس شعرات البويض للي راهم في راسك...متضربينيش..ههههه
اربج : اجري اجري...ا ماارياا...مك بدا يطلعلها الغاز
هزت نعيمة الفردة تع لبشماق نيلو ورجعت تحكي
نعيمة : شوفي نتي..وياها كن متحكموش لسانكم باش نربيكم
ماريا : صاي..ماما صاي.
قربت من عند أمها...وترمات فحضنها...ماماها كانت بالنسبة ليها الأم والأب بعد وفاة باباها...ماريا بعد ما خسرت باباها لي كان مريض بقلبو...وهي فعمرها عشر سنين...ملقات حتى سند ليها من غير أمها وأختها وخوها....ماريا جرحتها دنيا بزااف..على قد ماهي عاقلة..ونية..على قد ماهي ذكية زادة....وتعرف كيفاش تجيب حقها كامل مكمل...
ماريا: يعيشك ياا اغلى أم فدنيا..ربي يحفظك ليا
هوما قاعدين هكاك..سمعو الباب يطبطب...جبدت ماريا روحها من ماماها ورجعت تحكي
ماريا : انا نفتخ الباب
هزت روحها..وراحت تجري...بالبيجامة...حلت الباب لقاتها صحبتها سيرين.....سيرين هي مش صحبتها برك..سيرين هي كما أختها بضبط..وحتى هي تقرا باك...قربو من بعضاهم..وحضنو بعضااهم كي المهابل ينقزو ويعيطو
نسرين : ديييييتووووو...يااا ماري...دييتو اقسم يالله غيررر دييييتووو
ماريا : هههههه يغلة......ماام ناا ديتوو
نعيمة قاعدة فصالة..وتسمع فالحس...هزت روحها...وناضت تمشي..مع وصلت للباب شافتهم ينقزو ويعيطو كيما المهاابل..
نعيمة : ويكتا راح تكباري نتي وياها؟؟..كبارات وجايحات
نسرين : والله يا طااطاا نعيمة دكا ولينا كبارات..دينا الباك..وباش نطلعو لفاك<
ماريا والمالبورو فصاك..ههههه
نعيمة : احشمي نتي وياها لا نجيكم نقصلكم لسانكم في زوج<
نسرين : صاااي خاالتي نعييمة..احنا كبرنا..وباش نقراو فجامعة تع طب العسكري..ونخرجو طبيبااات<
نعيمة : والله نهار يشوفوكم العسكر..بحسبوكم ارهابيات مش طبيبات
أنت تقرأ
أسيرة الجندي
Romance😍 اسيرة جندي😍 بقلم: misani حكاية حب😍😍...مليانة غيرة...وحب وعشق..وتسوفيج😍😁✋.وضحك😂..بقلم misani😌.. أسيرة جندي😍.
