أسيرة الجندي

بارت7

الحلقة 07😍😍
وصلت ماريا للدار..جسم بلا روح..كلامو بقا يتعاود فوذنبها..يمكن كن جات أي طفلة فبلاصتها..مكانتش راح تتأثر بهاذ طريقة..أما ماريا طفلة بزااف رقيقة وحساسة..وخصوصا موت باباها للي أثر فيها بشكل كبير..ومزال مؤثر فيها لحد الآن..كل واحد يسبها ولا يغلط معاها فلهدرة..تحسابو بللي قال هاذ شي..بسك شافها وحدة يتيمة.. ومعندها حتى سند فهاذ دنيا...ماريا كانت مؤثرة عليها هاذ نقطة بزااف ...لدرجة أنها تخاف تهدر مع لعباد وتتعامل معاهم..متحبش نظرات شفقة للي تشوفهم فعينين الناس..وللي يحسسوها بأنها وحدة عاجزة..رمات صاكها فوق سريرها.ورجعت تكمشت فسريرها تبكي بشهقة....دخلت عليها سيرين..شافتها فهاذبك الحالة قلبها عصر عليها..فالأخير هي صحبتها ...قربت منها..وشافت فيها..رجعت قعدت على حافة سرير..وعدات يدها على شعر ماربا..تحكي
سيرين : ماريااا...يا روحي نتي..من نيتك تبكي علاجال واحد حاسب روحو أمير ولا منعرف وشيه...
سمعتها ماريا بصح مبغاتش دور عندها..بقات ساكتة..
سيرين : مااريااا..هياا...عيشك..نوضي..هاو انا بهدلني معاك ومقلت والو..بصح ورحمة بابا..وتشوفي وش ندير فيه كي ندخلو نقراو
ماريا مسحت دموعها..للي كانو نازلين على خدودها..ودورت راسها عند سيرين..تحكي
ماريا : صايي سيرين قصي علينا الحكاية..باغية نقعد وحدي شوي
سيرين : باهي..ماريا هاني مرزحة..للدار..وغدوا نرجعو نسجلو انتي متحطيش كلامو فراسك..
ماريا : عيشك..يا احلى اخت فدنيا
خرجت سيرين من لاشومبغ وسكرت الباب..سيرين مهيش صاحبتها برك .....سيرين هي اختها ملجأها الوحيد..كاتمة أسرارها...يقولو أنو أحلى شي هو الصداقة...وخصوصا الصداقة للي تبدا من صغر