أسيرة الجندي

تكملة بارت14

💕💎تكملة_الحلقة_14💎💕
ماريا : سيرين....نروحو دك باش نريقلو امور الاقامة..ولا نخليو كي يخلاص الكور؟
سيرين : هيا نروحو دك ..اصلا مزال الحال
ماريا : هيا ..مالا
مشاو جيهة الادارة..ويحكيو فنفس الوقت
سيرين : في رايك..زعما باش يقبلولنا طلب؟
ماريا : منعرف...نتي ادعي ربي وخلاص
مشاو جيهة الإدارة...دخلت ماريا وسيرين للبيرو....قربت ماريا جيهة المكتب..شافتها هذاك لي كان قاعد فلبيرو ورجع يحكي
هي :  خير.وش تسحقو؟
ماريا : صراحة..انا عندي يومين مللي دفعت دوسي..تع طلب اقامة..وجيت نعرف اذا قبلوني ولا لا؟
هي : وش اسمك؟
ماريا : ماريا..بن عمر
لحظات تعدات..وهي تحوس..على اسمها..ملقاتوش
هي : مكانش اسمك..هنا
ماريا  : وش..قصدك؟
هي : يعني طلبك ترفض
ماريا : متؤكدة؟؟
هي : شافتيني نتمسخر انا؟
ماريا : لالا مش قصدي
سيرين : وشبيك كليتي طفلة...هي سقساتك شعلتي فيها كيما هك..امشي ماريا..امشي..خلينها منها ومن اقامة تعها
جبدتها من يدها..وراحو يمشيو
سيرين : شفتي هاذيك اللفعة..بن عمي..سم يقطر منها قطير..تقول هي..مديرة تع لافاك
ماريا : هيه..شفتيها سملله رحمان رحيم
سيرين : ودك حنا كيفاش نديرو
بقات ماريا تخمم مع روحها..ومبعد تفكرت اسلام..رجعت تحكي
ماريا : اسلااام
سيرين : قصدك هذاك لي سجلنا ؟
ماريا : ايه هذاك هو بضبط..بصح هو ميخدمش هنا هو طبيب
سيرين : اووو..منك بصح؟؟..وش جابو لافاك؟
ماريا : هو يجي هنا يقري سطاج
سيرين : قصدك حتى هو طبيب فلجيش؟
ماريا: اييه
سيرين : وين راح نلقاوه حنا دك
ماريا  : باش نسقسيو عليه؟
سيرين : وشكون نسقسيو؟؟
ماريا : اي واحد هنا من الادارة
سيرين : امشي ترا نسقسيو هذاك لي راه وقف لهيه..خير من هاذيك لفعة
ماريا : هيا امشي
مشاو عندو..وماريا..تدعي من قلبها انها تلقى..اسلام..هو املها الوحيد باش يقبلوها فالاقامة...مع وصلو عندو..حطت سيرين يدها على ظهرو ورجعت تحكي
سيرين : خويا معليش دقيقة
دار عندها...مع شافاتو بلعت ريقها..قعدو يغزرو فبعضاهم..ونطقو فرد مرة
سيرين : أنت؟؟؟؟
أيهم : نتي؟؟؟؟؟
زربت ماريا دخلت فوسطهم..علابالها راح تصرا عركة كبيرة بيناتهم كن. متدخلش
ماريا : مسيو..انا نحوس على مسيو اسلام..اذا تعرف وين راه خبرني يعيشك
أيهم : وش تسحقي من عند اسلام؟
غزرت فيه سيرين...ورجعت تحكي بصوت خفيف ميتسمعش
سيرين : باغية تزوج بيه..وتعرضك للعرس باش تجي

عقد حواجبو مستغرب...ورجع يغزر عندها
أيهم : سمعيني وشراكي تحكي؟؟
ماريا : لاااا...هي برك كانت تحكي معايا انا
أيهم : المرة هاذي ندير روحي مسمعتش بصح مرة جاية تشوفي وش ندير..وبالنسبة لمسيو اسلام..تلقايه فمكنب المدير
ماريا : عيشك مسيو
جبدت روحها..هي وصاحبتها..سيرين دورت راسها وبقات تتخنزر فأيهم...من بعيد..راحو للمكتب تع المدير..دقدقت الباب....مع سمعت صوتو قلبها دق..نفس صوت..ايه هو رواد..لحد الآن منساتش صوتو
رواد : ادخل
بلعت ريقها..رعشة كبيرة حكمتها فجسمها..تنهدت بالقاوي غمضت عينيها وعاودت حلتهم..ورحع دخلت للبيرو..دخلت تمشي بخطوات رزينة..خطوة للقدام وعشرة للور..هبطت راسها..تتجنب فيه..مع شافها اسلام ناض من بلاصتو يحكي
اسلام : مااريا؟؟
رواد استغرب من خوه..وكيفاش يعرفها...هو تاني...هاذ طفلة بضبط..مفهمش علاش فكل مرة تخرجلو....تعدل فقعدتو..ورحع يغزر فيها..ثواني تعدات وهو سارح فيها..وفتفاصيل وجهها..ومبعد فاق على روحو يحكي..بصوت فيخ بحة رحولية ساحرة😍
رواد : تفضلي..وشكاين
ماريا جمدت فبلاصتها..والحروف ضاعو منها..توترت بزااف..رجعت خصلات شعرها ورا وذنها..ورحعت تحكي بصوت خافت
ماريا : ص..صراحة..انا..كنت نحوس..على مسيو..اسلام.
اسلام ناض من الكرسي..ومشا جيهتها يحكي
اسلام : معليش ماريا..نحكيو برا
خرجو هوما في ثلاثة..وبقا رواد فبيروه حاط يدو على خدو..يخمم فيها..وبقا يردد فاسمها بين شواربو..
رواد : ماريا
أول مرة يشوف طفلة..وينجذب ليها بهاذ طريقة..باغي يعرف تفاصيل كثر وكثر...فتح البيسي تعو اكيد معلوماتها باش تكون هنا..رجع كتب اسمها..خرجولو شحال من وحدة اسمها ماريا...بقا يطلع ويهبط..لين عرفها من صوراها...فتح الملف تعها ورجع يقرا فمعلوماتها
رواد : ماريا بن عمر..18سنة
فاق مع روحو..سكر البيسي..وناض من بلاصتو..عدا يديه على رقبتو..ورجع يحكي وحدو
رواد : وش يهمني فيها انا
هو قاعد هكاك..ودخل عليه اسلام..مقدرش يتحكم فروحو..الفضول قتلو...
رواد : شكون هاذيك طفلة..ومنين تعرفها نتا؟
اسلام : معنديش بزاف مللي تعرفت عليها...اول مرة شفتها فتسحيلات...و محكيتش معاها بزاف..ياربي وحد زوج خطرات برك
رواد : امم..مم..وش استحقت من عندك؟
اسلام : والو..جيست باغية نريقلها امور تع اقامة
رواد : ونتا قلبك حنيييين..بزااااف...وريقلتلها امورها مش هك؟...