💎فصل..جديد💎
..أسيرة جندي💫 حلقة14💫بقلمي أنا misani🏑🏑
💎 عند ماريا💎
قاعدة فلكوزينة..حاطة رجل على رجل تشرب فقهوتها...وفنفس الوقت هازة الكراس...فيدها..تراجع...بسك ليكونترول قربو..ولازم تقرى وتنجح...هي قاعدة هكاك..شافت ماماها كيفاش قعدت فوق الكرسي..مقابلتها..تحكي
نعيمة : كي صبحتي بنيتي؟
ماريا : لباس...ونتي ماما؟
نعيمة : والله..مني لباس..من نهار حكيتيلي على الحكاية تع الإقامة..وأنا منيش لباس
ماريا : اوووف ماما....شحال من مرة حكينا فهاذ سيجي...لويكتا راح تبقاي خايفة عليا هك؟؟...صاي أنا كبرت ماما..واليوم ولا غدوا..أكيد باش نرجع نخدم مع الجيش..ونعيش معاهم..يعني كل ماتقبلتي عاذ شي اسرع كلما كان احسن...واصلا انا دفعت دوصي تع الإقامة..منيش راح نبقا رايحة جاية..كل يوم..ونضيع دراهمي..حتى سيرين باش تدفع دوصي ليوم..يعني..مش راح نكون وحدي
نعيمة تنهدت بلقاوي...هذا هو احساس كل أم..مهما كبرت طفلة باش تبقا..صغيرة فنظر أمها
نعيمة : وش راح نقلك يا بنتي..ربي يفتحها فوجهك
غزرت فيها ماريا..ورجعت باستها من راسها تحكي
ماريا : عيشك..يا احلى نعيمة فدنياا..انا رايحة دكا..لعشية نشالله
نعيمة : اتهلاي فروحك
قفلت كراسها..ورجعت حطاتو فصاكها....وخرجت من الدار..كي االعادة...راحت لصاحبتها سيرين....مع وصلت للبلوك تعها..لقاتها تستنا فيها...ضحكت ضحكة خفيفة..شافتها سيرين عوجت فمها تحكي
سيرين : خير نشالله..وش يضحك فيك على صباح ربي؟
ماريا : ههههههه...اقرصيني واقيلة ني نحلم
هزت صباعها..وقرصتها من يدها..ماريا توجعت بزااف..رجعت حطت يدها على جيهة القرصة تحكي
ماريا : اااي...وجعتيني
سيرين : والله نتي لي بغيتي مش انا
ماريا : لالة سييرين..ناضت بكري..هههه
سيرين : هيا برك....امشي
مشات هي وصاحبتها...شافتها تبدلت بعد اخر مرة بزاف..مولاتش تهدر بزاف كيما قبل...بصح لسانها مزالو طويل كيما راهو..تقصف فلبلاصة....مشاو هزو..طاكسي..ركبت ماريا وسيرين...ماريا طريق كااملة وهي تخمم...ومتحمسة بزااف للفكرة تع سطاج..يعني باش تكون مع لجيش..وباش تعاونهم زادة..باش يجي نعار وتتخرج..وتولي كيما اسلام..وتنقذ آلاف الآرواح....تنقذ حماة الوطن...للي يضحيو برواحهم..غير باه حنا نعيشو فأمان..قص عليها حبل أفكارها....الطاكسي لي حبست..عرفت روحها وصلت للافاك..هبطت هي وسيرين....ودخلو..ماشيين لونفي..
أنت تقرأ
أسيرة الجندي
عاطفية😍 اسيرة جندي😍 بقلم: misani حكاية حب😍😍...مليانة غيرة...وحب وعشق..وتسوفيج😍😁✋.وضحك😂..بقلم misani😌.. أسيرة جندي😍.
