أسيرة الجندي

+8

تكملة الحلقة08
كبس على يديه..وراح للمقر تع اجتماعات..مع دخل..ناض الفريق كامل من بلاصتهم..ودارولو تحية عسكرية..جبد الكرسي..وقعد يحكي
رواد : ايهم..قدرتو توصلو لكاش واحد منهم؟؟..مقدرتوش تجبدو راس الخيط؟
أيهم : للاسف لالا..حضرات..بصح لقينا واحد فالمنطقة تاعهم..أكيد يكون عندو معلومات
هز روحو ووقف من الكرسي ...واشر بيدو لأيهم باش يتبعو..عطاهم بظهرو وخرج..مع ايهم...
رواد : اديني عندو..اليوم نوريلو مع شكون راه يلعب
مشا هو و رواد جيهة الزنزانة...فتحها...ودخل..الزنزانو كاانت مظلمة بزااف..وريحة تقتل..مش مليحة..كأنو دافنينهم تحت الأرض...مع دخل رواد..شافو متكسل وراقد راح ليه..وهز يدو ضربو ب بونية..لوجهي...لين طاح من بلاصتو..هبط للارض..حكمو من تريكو تاعو وطلعو..ليه...يضرب فيه بالكفوف..كف ورا خوه..وكل كف تكون أقوى من لي قبلها..فرغ غشو كاامل ....فيه يستحلى فصوت صرخاتو....الحقد للي داخلو..كان كافي باش يقضي على كل ذرة احساس...تخليه يشفق عليه...
أيهم : روااد..سيد باش يمووت راو
أنا : مزال مشااف والو..لوكان مينطقش..باش نسفرلو روحو لسابع سما يا أبهم ورحمة بابا
ايهم : صاي..يزي رواد..خبس..هكا مراح نوصلو لحتى نتيجة..خليه عليا أنا نعرف كيفاش نتصرف مع أمثالو
جبد روحو...وطيشو فالارض..نفض يديه..وخرج بلا ما يزيد..معاه حتى كلمة