💎فصل..جديد💎
..أسيرة جندي💫 حلقة15💫بقلمي أنا misani🏑🏑
💎 عند ماريا💎
خلصت الكور تعي...طبقت حوايجي..وجيت خارجة أنا وسيرين..الجو مغيم..ودنيا بررد..المطر..كان ينزل بقوة...لفيت روحي بالفيستا تاعي..وسناني يترعدو فبعضهم..من البرد..هذا هو شتا..وهذي هي أجوائو...وعلاخاطر هاذ شي..انا بغيت ندير اقامة..على الأقل ...منلقاش مشكلة كي نجي نروح..خصوصا فهاذ الوقت...متلقاي حتى طاكسي توصلك...وحتى اسلام...ملقيتش باش نردلو خيرو...هو دار فيا مزية كبيرة أنا وصحبتي..قصت عليا سيرين كيفاش حكات
سيرين : ايمااا..وش هاذ البرد..نحس فرجليا ولاو قلاص
ماريا : هيا برك..ازربي..نروحو للاقامة
سيرين : والله ربي يفتحها فوجهو هذاك اسلام..كن محاش هو رانا نتمرمدو فشوارع..
ماريا : ايه ربي يفتحلو بواب الخير نشالله..هيا برك خفي رجليك
سيرين : انا نقلها رجليا تقلصو..وهي تقلي خفي رجليك🤦♀️
هذي هي سيرين..متتبدلش..ولسانها مش ليها...مشينا للاقامة..دخلنا..ورحنا للبيت..مزية اسلام حطنا فنفس البيت...مع دخلنا..نحيت فاست تعي لي تشمخت..علقتها...ونحيت قشي..ولبست بيحامتي..شيحت شعري ملييح..وتكمشت فسريري..وخليت سيرين تشيح فشعرها..حطيت راسي على لمخدة..بقيت نخمم في غدوا...كنت متشوقة ومتحمسة بزاااف...وعييت نسكر عينيا..من كثرة التخمام..غدوا باش نروح مع اسلام..ونشوف كيفاش يفوتو سطاج..باش نهز خبرة..وهكا باش نقدر نولي طبيبة شاطرة..ونظمن بلاصتي بيناتهم...قص عليا تفكيري صوت تيليفوني..هزيتو..لقيت ماما تعيطلي..تنهدت بالقاوي..نسيت حتى باش نعيطلها..اكيد تكون خافت..هزيت عليها وسمعتها تحكي
نعيمة : ويينك..يا بنيتي؟؟...علاش معيطتيليش؟
أنا : راني مليحة..ماما..راني..مليحة..أنا نسيت باش نعيطلك برك
نعيمة : هابنتي..متخبيش عليا احكي وش كاين..بنتي ونعرفك مليح
أنا : يووه ماماا..قتلك مكان والو..والله..هاني انا وسيرين...ومصرا والو
نعيمة : باش ندير روحي صدقتك وخلاص..روحي روحي..الباب راهو يطبطب
أنا : معليش ماما..باي..وسلميلي على أريج وبلال
نعيمة : يبلغ نشالله
فصلت الخط عليها...فالأخير تبقى أم..وأكيد باش تحس ببنتها..هاذي أول مرة ندير حاجة بلا مانشاور ماما..بصح عادي معليش..باش ننفع روحي..بهاذ الحاجة..شفت سيرين كيفاش قعدت على حافة سرير..تحكي
سيرين : ماريا..راكي متؤكدة من شي للي راح ديريه؟
ماريا : متؤكدة ايه .وعلاش هاذ سؤال؟
أنت تقرأ
أسيرة الجندي
عاطفية😍 اسيرة جندي😍 بقلم: misani حكاية حب😍😍...مليانة غيرة...وحب وعشق..وتسوفيج😍😁✋.وضحك😂..بقلم misani😌.. أسيرة جندي😍.
