أسيرة الجندي

+9

💫تكملة الحلقة 09💫
💕أسيرة_جندي💕بقلمي أنا...🏑🏑.misani
مشات ماريا للصالون..قعدت فوق الفوتاي...ومشات زينة لبيت سيرين..حلت الباب..لقاتها راقدة..هزت المخدة وضربتها بيها...سيرين ناضت مفجووعة..تهزت وتحطت..
زينة : نوووضي..يااشكارة الرقاااد نوووضي...نتاجااتك راهم بولادهم...ونتي رااقدة...شوفي صاحبتك ماريا..برك وتعلمي منها
سيرين : ايي..بدينا بدروس الاخلاق على صبحية ربي..يعني متقدريش تنوضيني كيما العبااد..علاش حتى تفجعيني
زينة : نووضي..نووض..وجدي روحك طفلة قاعدة تستنا فيك
هزت سيرين المخدة وطيشتها..
سيرين : هاني ناايضة..ريحتي دك
خرجت زينة من البيت....تبعتها سيرين..راحت للدوش غسلت وجهها..ورجعت للبيت تاعها..جبدت اللبسة المخيرة عندها...من لبارح وعقاها مهوش معاها..قاعدة غير تخمم فهاذاك للي شافاتو البارح...لبست فيزو مزير فنواغ...ودخلت فيه شوميزي بيضة مخططة بلزرق..طلقت شعرها..ودارت مكياج....ستيكاات روحها كيما يلزم...قعدت فلكرسي..غمضت عينيها..ورجعت تحكي فنفسها..(ااااه..ياربي..شحال زين...كور وشخصية..وبقلاوة..يا ربي برك ونتلاقاه اليوم )..خرجت من بيتها ميتة بالفرحة..وفي بالها باش تتلاقا بيه مرة أخرى..مهيش فاهمة روحها علاش حتى تخمم فيه..مي لي كانت متؤكدة منو..أنو هي تعجبت بيه....مشات للصالون شافت ماريا حاطة يدها فوف خدها..مشات عندها..مع شافتها ماريا ناضت من بلاصتها تحكي
ماريا : واخيييرا..شرفتي يالالة
سيرين : هيا نمشيو؟..والاه ماني قادرة نزيد نسمع درس فالأخلاق منك نتي تاني...زينة وحدها تكفي وتوفي
ماريا : شح فييك...تستاهلي
سيرين : هيا امشي امشي برك..خلينا نروحو
مشات ماريا هي وصحبتها نسرين..وفي بالها هدف واحد..أنها من اليوم باش تثبت روحها..لازم هذا اليوم يكون يوم جديد فحياتها..ملازمش تبين ضعفها لحتى واحد..لازم تتحرر من قيود الماضي..وتنحي تفكيرها السلبي..باش تعيش معززة مكرمة..وواحد مايقدر يدنى ليها..هزو طاكسي وصلتهم عند باب جاميعة..ركبت ماريا هي وسيرين..دورت وجهها للكارو..تغزر فطريق وسارحة بأفكارها لبعيد... حتى حست بطاكسي حبست..سلكاتو ورجعت هبطت هي وسيرين..ومشاو دخلو للجاميعة..لقاو غير هذاك وين بدات تسجيلات..