💎فصل..جديد💎
..أسيرة جندي💫 حلقة12💫بقلمي أنا misani🏑🏑
💎ماريا_تحكي💎
سمانة تعدات...ونا لحد الآن عييت نتأقلم مع جو الجامبعة الجديد..ناس جدد....قراية جديدة..قوانين جدد..كلشي جديد..أما أنا أكيد باش نتأقلم مع الوقت..حتى سيرين نحسها مش قد بعضاها..من نهار صرا هذاك المشكب..زعما شكونو هو أيهم؟..واسلام منين يعرف رواد وأيهم؟..بزااف أسئلة جاو لبالي..بصح ملقبتلهمش إجابة..تنهدت بالفاوي..وقمت من الكرسي...من صباح ونا نقرا...ولازم نريح شوي..خرجت من المكتية تع لجاميعة..ورحت للكافيتيريا..على الأقل نشرب حاجة تهديلي أعصابي شوي....حتى سيرين مهبش معايا..خالتها كانت تاعبة عليها محضرتش للكور اليوم...نحس فروحي وحيدة عللخر...هزيت روحي..ورحت للابلراي تع القهوة..مع جيت راح نحط دراهم...حسيت بيد تحطت فوق يدي...دورت راسي نغزر فيه..شفتو اسلام...استغربت وجودو هنا..عندي اكثر من اسبوع مشفتوش..نحالي دراهم من يدي..ورجع يحكي
اسلام : القهوة..على حسابي
تبسمتلو ورجعت نحكي
أنا : عيشك مسيو اسلام
إسلام : عيطيلي اسلام برك..بلا رسميات
أنا : هه كيما تحب
اسلام : وينهي صاحبتك؟..منيش نشوف فيها؟
أنا : ااا..قصدك سيرين..هي ليوم تاعبة شوي عليها مجاتش
إسلام : علاش رانا واقفين هنا..ارواحي نقعدوونحكيو خير
هزيتلو براسي ايه..نظراتو ليا...مطمنتنبش...يغزر فيا بنظرة خبث....مرتحتلوش..أما تصرفاتو كانت تثبت عكس هاذ شي...مشيت وراه..جبدت الكرسي..قعدت وقعد مقابلني..يحكي
إسلام : معزدكش كور دكا؟
أنا : لالا..خلصت الكور تع ليوم..وتعديت للمكتبة ريفيزيت شوي
إسلام : ممم.مليح...اهيه عرفيني على روحك كثر
أنا : وش حاب تعرف بالضبط؟
اسلام : عازبة..ولا مرتبطة
عقدت حواجبي مستغربة من كلامو..ورجعت نحكي
أنا : لا..مش مرتبطة
اسلام : ممم..مليح
أنا : معليش نسقسيك؟؟
إسلام : أكيد تفضلي
أنا : نتا..تقري هنا؟..قصدي نتا بروف؟
ضحك ضحكة خفيفة..ورجع يحكي
إسلام : لالا...أنا طبيب
أنا : طبييييب؟؟؟؟؟
أنت تقرأ
أسيرة الجندي
Storie d'amore😍 اسيرة جندي😍 بقلم: misani حكاية حب😍😍...مليانة غيرة...وحب وعشق..وتسوفيج😍😁✋.وضحك😂..بقلم misani😌.. أسيرة جندي😍.
