•••••••••••••••••••••
تلزمني الڪرامه ويعت بيه الشوڪ
واني بينهن سيف وعلى اهلي انسل
شوڪي يڪلي روح العشك مابي عيب
الڪرامه تڪلي عيب تروح لا تنذل
والڪابر بلنهار اضحڪ ضحڪتي اشراع
بس بليل حتى فراشي يتبلل
ماترهم تجي ساعه وتهود العين؟
وراها ارجع الزعلك واني هم ارجع
•••••••••••••••••••••
سيلان
نايمه بفراشي مر عليه شريط حياتي كله كدام عيوني ختطافي، تعذيبي، شغلي، سجني، اغتصابي، الغيبوبه،
اتنهدت ورفعت راسي باوعت لسكف الغرفه
وهيم ميستاهل يصير بي هيج السوا جبير بس لي صاير وياه جريمه بحق البشر
ليش بلذات احنه
ليش احنه اهلنه مو مثل باقي الاهل
شنو ذنبنه بلوكت لي جنه لازم نلعب ونضحك بي الهموم اثقلت ع اكتافنه
تذكرت البارحه لي صار بعد ماحجه وهيم ماضيه لنا
حضنت راسه حيل وبجيت ضليت دقايق ورفعت راسي مسحت عيونه وبستهن
سيلان:-لا تبجي يروح اختك
كال بغصه
وهيم:-اعرف لي سويته غلط بس ب..
سيلان:-وين اكو اخت تشيل بخاطرها من اخوها لي فات مات لا تضل تاكل بروحك
كلت بضحكه حته الطف الجو
احنه ولد اليوم وهسه يلا نتصاحب منو يسوه نزعل روحنه ع موده
ضحك ومسح عيونه خله اصبعه الصغير وياه اصبعي وعقدناهن بمعنى تصاحبنا رجع حضني حيل وهمس يم اذني
وهيم:-يعني هسه سامحتيني
رفعت اديه حضنته
سيلان:-يروح اختك مسامحتك
التفتنه اثنينه ع صوت فرح
فرح:-وانا بنت البطه السوده وماتحضنوني
ضحك وهيم وفتحلها ايده الثانيه وحضنه اثنينه
فركت راسي تنهدت وكمت صح ماكدر اتوازن ومرات اتكى ع حايط حته اكدر امشي جانت بس الحجيه كاعده وصوت فرح من المطبخ ينسمع تغني
باوعتلي الحجيه وابتسمت
الحجيه:-تعالي يمه
رحت امشي ع كيف كعدت يمها جرت راسي خلته ع رجلها وهيه تقره قرأن
ضليت نايمه بحضنها وهيه تمسح ع شعري
الحجيه:-شعرج هوه هيج كصير يمه
سيلان:-اي حجيه هوه ميطول بسرعه واني هم احب الشعر القصير
الحجيه:-وعويناتجن شو مايشبهن عيون اخوتج
سيلان:-خاله اني قطعه نادره حته اخواني مايشبهوني
ضحكت ورجعت تمسح ع شعري طلعت فرح من المطبخ متخوصره والجفجير بيدها
فرح:-لا حجيه مامقبوله منج صح احنه جلحان ملحان بس مو تحجيها هيج وتجرحين مشاعرنه
أنت تقرأ
الـثار "السواد القاتم"
Aksiyonرغم كـل هاي المعارف جاي احس بروحي محد انا ياهو؟ وانا وين؟ وهالسنين منين اجتني؟ وياهو حط ثكل السما كله ؏ متني.؟ بقلم:-بنين الـ مسلم
