နောက်တစ်နေ့ နေ့လယ်နားချိန်တွင် တက္ကသိုလ်ကျောင်း၀န်းတစ်ခွင် အသံလွှင့်စက်မှ ကြားနေကျအသံမဟုတ်သော အသံအေးအေးလေးထွက်ပေါ်လာသည်။
"အားလုံးပဲ မင်္ဂလာပါဗျာ့။ ကျွန်တော်ကတော့ second year က Kim Taeraeဖြစ်ပါတယ်။ ဒီတစ်နှစ်ပတ်လုံးရဲ့ အသံလွှင့်ဌာနကို senior တွေနဲ့အတူ တာ၀န်ယူပေးမယ့် အဖွဲ့၀င်အသစ်ဖြစ်ပါတယ်ခင်ဗျာ့။ ဒီနေ့အတွက်တော့ our season ဆိုတဲ့ သီချင်းလေးကိုဖွင့်ပေးမှာပဲ ဖြစ်ပါတယ်။ ကဲ နားဆင်ကြရအောင်နော်"
အသံအေးအေးလေးရပ်တန့်သွားပြီးနောက် လူငယ်ဆန်ဆန်vibeလေးရတဲ့ our season ဆိုတဲ့ သီချင်းလေး ကျောင်း၀န်းတခွင် ပျံ့နှံ့လာတော့သည်။
"Kim taeraeတဲ့လား"
"ဟမ်"
Gunwook စိတ်ထဲမေးခွန်းထုတ်မိသည်မှာ အပြင်ဘက်တွင်ပါ ထုတ်ပြောသွားမိပုံပေါ်သည်။ Yujinရဲ့ ဟမ် ဆိုသော အမေးကို သူပြန်တုံ့မပြန်တတ်ပါ။
"သီချင်းလေး ကောင်းတယ်နော်"
"အင်း ငါလဲပြောမလို့ပဲ"
Taeraeအမည်ရှိသော တစ်တန်းကြီးသည့် senior ကို ခဏမေ့ထားပြီး မနေ့က စိတ်ကောက်နေကြသည့်အတွဲကို လှည့်ကြည့်မိတော့ ထုံးစံအတိုင်း ကိုက်နေကြပြန်သည်။
"Kim Gyuvin!!!! မထိနဲ့ဆိုနေ!!!"
မနက်ခုနှစ်နာရီထပြီး ပုံသွင်းထားသည့် ရစ်ကီ့ ဆံပင်ကို ဖွရဲသည်မှာ ဂယူဘင်းတစ်ဦးတည်းသာရှိပေသည်။ မနေ့ညကအထိ တစ်ယောက်နှင့်တစ်ယောက် မစကြပဲ ငြိမ်နေကြသော်လည်း ဒီမနက်ရန်ဖြစ်နေကြပုံအရ ပုံမှန်ပြန်ဖြစ်သွားကြပြီဟု ယူဆရတော့ပေမည်။
"ကြောင်ရိုင်းလေးလား မင်းက ဟက်"
"Yrrrr မင်းကမှခွေးပေါက်နဲ့တူတာ၊ ငါ့လာလာမစပဲ မင်းရုပ်မင်း မှန်အရင်ကြည့်သင့်တယ်"
"ခွေးပေါက်လေးဆိုတော့ ချစ်စရာလေးပေါ့ ဟုတ်တယ်မှတ်လား"
"ဘယ်သူပြောလဲ"
"မင်း"
"ဘယ်တုန်းကပြောလို့လဲ"
"ခုနက"
"မပြောပါဘူး"
"ပြောတယ်"
"မပြောဘူး!!"
YOU ARE READING
Wild Cat Being Cute
FanficKim Gyuvin × Shen Ricky "ကြောင်ရိုင်းလေးတွေဟာလည်း အချစ်ခံရဖို့ ထိုက်တန်ပါတယ် ငါမင်းကိုချစ်တယ် ရစ်ခ်" "အချစ်ရဆုံးသူမို့ အဝေးကွာဆုံးနေချင်ခဲ့မိတာ အပြစ်မည်သလား Kim Gyu"
