Wild Cat Being Cute

Episode -11

လေယျာဉ်ပေါ်က ဆင်းဆင်းချင်း ခံစားလိုက်ရတဲ့ လေထုကအစ seoulနှင့် ကွဲပြားစွာ လန်းဆန်းသွားစေတာမို့ တ၀ကြီး ရှုရှိုက်ပစ်လိုက်ကြသည်။ အိပ်ချင်မူးတူးဖြစ်နေသေးတဲ့ ရစ်ခ့်ကို အနားပေးချင်တာမို့ ရစ်ခ့် အထုတ်အပိုးတွေကိုပါ ဂယူဗင်းကပဲ သယ်ပေးလိုက်ရတော့သည်။

တည်းခိုမယ့် hotelကို ပစ္စည်းတွေ အရင်၀င်ထားရမှာမို့ busကား တစ်စီးငှားလိုက်ကြသည် ။ Busပေါ်မှာပါ ဆက်အိပ်နေတဲ့ ရစ်ခီ့အား ပွေ့ချီပြီးသယ်သွားချင်ပေမယ့် တခြားသူတွေရှေ့ ချစ်ပြနေရင် ရစ်ခ့်ပဲ စိတ်ကောက်မှာမို့ car parking ရောက်မှသာ နှိုးလိုက်ရလေသည်။ လေး‌ယောက်တစ်ခန်းအိပ်ရမည်ဖြစ်သော်လည်း အယောက်သုံးဆယ်အတိဖြစ်နေတာမို့ ဂယူဗင်းက ရစ်ခီနှင့် တစ်ခန်းနေမည်ဖြစ်ကြောင်း ဟန်ဘင်းအား တိုးတိုးလေးကပ်ပြောလိုက်သောကြောင့်

အိပ်ငိုက်နေသည့် ရစ်ခ့်မှာ ဘာမှတောင်၀င်မပြောလိုက်ရဘဲ ဂင်မ်ဂယူဗင်းနှင့် နှစ်ယောက်တစ်ခန်းဖြစ်သွားလေတော့သည်။

ပြုံးစိစိလုပ်ပြီး လှည့်ကြည့်လာတဲ့ ဂယူဗင်းကြောင့် ရစ်ခီ့အိပ်ချင်စိတ်တွေ လွင့်ပြယ်သွားပြီး ကြက်သီးပင် အနည်းငယ်ထလာလေသည်။

"သေချင်လို့လား ဂင်မ်ဂယူဗင်း"

"ဟင့်အင်း"

တင်ပါးကို တချက်ဖြတ်ရိုက်ပြီး အောက်‌ဆင်းပြေးသွားတဲ့ ဂယူဗင်းနောက်သို့ ရစ်ခီပြေးလိုက်ရပြန်သည်။ တစ်နေ့ငါးခေါက်လောက် အရိုက်ခံနေကျဆိုပေမယ့် ဒီတစ်ခါရိုက်တာက လူအများကြီးရှေ့မှာမို့ တချက်လောက် ပြန်ရိုက်ဖို့ ဆုံးဖြတ်လိုက်ခြင်းဖြစ်‌သည်။

"ရစ်ခီ ယား.... ဒီကိုကြည့်"

အောက်ရောက်ရောက်ချင်း hotelအပြင်ဘက်ပြေးထွက်သွားသည့် ဂယူဗင်းမှ လှမ်းခေါ်နေတာမို့ ‌ပြေးလိုက်သွားရပြန်သည်။

"ရစ်ခ့် ဒီကိုကြည့်"

"အွန်း"

"ရစ်ခ့် ဒီကိုကြည့်လို့"

Hotelအပြင်ရောက်ရောက်ချင်း မြင်လိုက်ရတာက သိပ်ကိုလှပလွန်းတဲ့ ပင်လယ်ပြာ....