كاتبة : Samira rd
🕯️..بين تنايا الدين قصة حب تروى في الخفاء..🕯️
اول يوم فرمضان ادان لعصر ودراري كيلعبو لكورة ..لمسلمين صايمين شي مقطوع وباغي غير معامن بضارب وشي فرحان ومرتاح بقدوم شهر لمبارك لجو مشمس ولحال سخون ..
رائحة طياب خارجة من باب گاع ديور .. فوحدة من دوك ديور فطبقة تانية وبضبط فالكوزينة لكوكوط كتصفر .. واقفة امام لبوطاجي لابسة طابلية.. بيجامة طويلة صيفية مقادة شعرها كوب شوفال باش تبان رقبتها سمراء لي مزينة بعقد من دهب على شكل نجيمات.. ابتسامة على شفايفها..
عيونها صغار فلون اخضر بارد .. امامها فلفلة مگرضة على شكل دائرات فطبسيل .. جنب كانت لاطة فيها عجينة ديال بيتزا مزينة بلاصوص
هدايا :[ بصوت أنثوي نطقت رافعة حاجبها بتساءل وهي كتقاد في بيتزا ] ماما امين طلع؟
رقية: [ جالسة فوق طبلة نفات براسها وفيدها طبسيل كتنقي زنجلان] اتلقايه كيلعب لكورة مع دراري
امامها جالسة بنت تكون فايتة العشرينات.. لابسة بيجامة طويلة وزيف على شعرها.. خدودها موردين بصهد موسدة يدها
فرح: [ هزت عينيها في هدايا مصغرة عينيها بتساءل ] ليوم انمشيو نصليو تراويح ؟
هزت هدايا لاطة حلت لفران خشاتها فيه وسداتو التافتت ناحيتهم مسندة بوطاجي حاطة يديها على كرشها
هدايا: [ متبتة عينيها على فرح بابتسامة اومات براسها] ضروري وليوم ايكون اول نهار ايتحل لمسجد جديد ضروري نمشيو نصليو فيه
رقية كانت إمرأة ماكبيراش بزاف فالعمر .. لابسة حتى هي بيجامة طويلة صيفية جامعة راسها بزيف حياتي دفعت طبسيل ناحية هدايا
رقية :[ تبتت عينيها على هدايا ونطقت ] هزي هاد زنجلان خشيه فشي قرعة حتى لغدا [ التافتت ناحية فرح بابتسامة] نوضي ابنتي ترتاحي راكي واحلة فروحك
فرح: [ نفات براسها بابتسامة] خالتي راني مرتاحة هنا .. واخا راكم مابغيتو تخليوني ندير والو معاكم
رقية: [ بابتسامة حنونة نطقت بنبرة هادئة] الله يهديك يا هاد لبنت نتي متقلة وصيام ونزيدوك بتمارة
هدايا [ التافتت ناحية فرح كضحك نطقت غامزاها ] وهانا ياختي شكون بحالك
رقية [ وقفت كتقاد فزيفها ونطقت بهدوء] ضوري معاك ديك لحريرة وشوفي داك لگرص واش طابو الله يرضي عليك انا نزل نقرا شوية لقرآن
اومات هدايا راسها بإيجاب.. قلبت لگرص واش طابو. وطلت على لحريرة وزادتها دقيق .. سدت لكوكوط وتوجهت ناحية فرح جالسة امامها
هدايا :[ حطت خدها على يدها ونطقت بتساءل ] مال زين كاعي ؟
فرح [ تنهدت ونطقت متبتة عينيها عليها ] خوك اختي ..
أنت تقرأ
عتبات المسجد (كاملة)
Historical Fiction#قـــــــصَــــة_رَمــــضـــــَانـــــيــــة..🌛 ..🕯️عَــــتــــبــــات_الــــمــَســجِــد🕯️.. بــقــَلــمـِي : Samira rd 🫀بين تنايا الدين .. قصة حب تروى في الخفاء ..🦋 قـال تـعـالـى :: "يَا أَيُّهَا الَّذِينَ ءآمَنُوا كُتِبَ عَل...
