كاتبة : Samira rd
🕯️..بين تنايا الدين قصة حب تروى في الخفاء..🕯️
بخطوات بطيئة تابعاه دازو من ورا دار .. من لبلاصة لي جا منها قبيلة تواني قليلة وكانو وسط جردة كبيرة مفرشين فالارض ديك لجليسة ضايرة عليها بزاف ديال شجر هابطين على ديك لجليسة شي لي خلاها تكون مغطية على شمس
ابتاسمت وهي كتشوف ديك لجليسة شحال عجبتها وخلاتها ترتاح .. حيد صباطو وتوجه ناحية ديك لجليسة جالس مربع رجليه موسد لمسند.. طبطب ليها جنبو وهو مبتاسم.. ابتاسمت حتى هي وتوجها ناحيتو جالسة جنبو
داوود [ كيتفحص بعينيه ديك جردة مبتاسم نطق بنبرة رجولية] هاد لبلاصة قاديتها انا وجدي.. [ كانت كتشوف في جردة وتسمع ليه ] حنا لي زرعنا هاد شجر هنا لارض لي جنبنا دخلناها كاملة مع دار .. كاملة شجر وكل شجرة ماشاء الله لغلة ديالها..
هدايا [ ابتاسمت بإعجاب] ماشاء الله [ التافتت جيهتو بتساءل نطقت] واش جدك بوحدو ساكن؟
داوود[ نفا براسو نطق بهدوء] ساكنة مي ودادا.. [ التافتت ناحيتها ] هاد دادا تقدري تقولي عاملة عندهم.. كانت خدامة هنا من صغر زوجت ولادها راجلها مات واقتارحت جدة تسكن معاهم ودبا راه موانسين [ ابتاسم ليها بهدوء] جداتي هي ديك لمرأة لي كانت جالسة جنبك وكتهضر معاك
هدايا [ اومات بإيجاب مبتاسمة ] ماشاء الله زوينة.. كيقولو الى مشا زين كيبقاو حروفو .. وحتى كلامها زوين
داوود [ متبت عينيه عليها مبتاسم ] غادة تعرفي عليها كتر ان شاء الله
هزت راسها شافت لجد جاي بخطوات بطيئة كيعكز على عكازو.. ناحيتهم وابتسامة على شفايفو حتى وقف امامهم
داوود [ تبت عينيه عليه نطق بتساءل] لقيتي شي واحد خارج؟
علي :[ نفا براسو مبتاسم] لا اولدي[ التافت ناحية هدايا كيضحك] بهيماتي هوما وليداتي [ أشار ليها ناحية داوود] ديما يخلي لباب محلول ويجي يقول ليا وليداتك خرجو بقينا غير حنا
هدايا [ ابتاسمت بخفوت والتافتت ناحية داوود لي كان كينفي براسو ] قبيلة فاش قلتو هكاك .. كنسحاب شي ولاد بنتك ولا ولدك
علي [ ضحك حتى تكمشو تجاعيد لي فعينيه ونطق ] عندي غير جوج حفايد فقط
قوست حجبانها باستغراب وتعجب .. كفاش كيقول بلي عندو غير بنت وحدة .. وديك بنت خالة داوود شكون ؟ بنت من ؟ مابقات فهمت والو بزاف دالاسئلة فراسها حشمت تسولو داكشي علاش كتمت اسئلتها داخلها حتى لوقت لمناسب..
داوود [ نطق بطنز] اوى الحاج مااتمشيش طيب لينا لفطور
علي [ بدا يضحك كيومي براسو] انا غادي جيت غير نطل عليكم
هدايا [ بتساءل] نوض نعاونك اجدي ؟
علي [ نفا براسو مبتاسم] لا غير رتاحي ابنتي
أنت تقرأ
عتبات المسجد (كاملة)
Historical Fiction#قـــــــصَــــة_رَمــــضـــــَانـــــيــــة..🌛 ..🕯️عَــــتــــبــــات_الــــمــَســجِــد🕯️.. بــقــَلــمـِي : Samira rd 🫀بين تنايا الدين .. قصة حب تروى في الخفاء ..🦋 قـال تـعـالـى :: "يَا أَيُّهَا الَّذِينَ ءآمَنُوا كُتِبَ عَل...
