كاتبة : Samira rd
🕯️..بين تنايا الدين قصة حب تروى في الخفاء..🕯️
تبسمت هدايا بخجل وهي كتسمع لكلامها وعيونها مزال كيبريو بدموع تخرجت فرح وبقات هدايا فبلاصتها كتشوف فالخاتم وضحكة كتفلت ليها من شفايفها ..بقات دقائق على داك لحال جبدت لخاتم خشاتو فالبواطة ديالو سدات لباب طفات ضو وتخشات فبلاصتها ناعسة
دازت تلتيام على اخر مرة جاو عندهم فهاد تلتيام كانت كتخرج فاطمة وهي رقية وفرح لقيسارية تاخد شنو بغا .. رتاحت لفاطمة ولي حطت عليها يديها كتكون تشرات قبل ما تقولها.. فششاتها كيف بغات ولي حباتو ولا فسميتها غير تبقا هدايا فرحانة وجملة وحدة في فم فاطمة .. هادي مرات ولدي وتشري لي بغات خاطرها ..
جا عندها حتى داوود كيف تافقو ختارت لخاتم كيف بغاتو وهو ماعليه غير يخلص .. ساراها كيف بغات وشرا ليها لي بغات رجعها حتى لدارهم وهو غير مبتاسم ليها
جا وقت عقد لقران.. من بعد ما صلاو لعشاء خارجة من بيتها لابسة قفطان فالباج مفضفض بالخيمار طويل .. لخجل باين على ملامحها وابتسامة على تغرها جنبها فرح فرحانة شادة فيها اتجاه صالون لي تحت كان كبير بزاف ومقسوم مفرش بفراش مغربي
جالسين عائلة لعروسة من خالاتها وعماتها لي كانو كيسكنو غير قراب ليهم وجدات لعريس..اما رجال فكانو فصالون لفوق عمامو لي كانو غير قلال لي غير شافوها صلاو على نبي .. كان باها وخوتها وبابات لعريس ..بخطوات بطيئة توجهت جيهة طابلة لي كان جالس عريس وجنبو لعدول توجهت جيهت داوود جالسة جنبو
كان لعدول جالس امامهم.. فيدو كتاب وستيلو
لعدول [ هز راسو فداوود ونطق بهدوء ] سي داوود ولد ابراهيم عبد المالك قابل تكون زوج هدايا بنت مصطفى محمودي في ضراء وسراء
داوود [ اوما بإيجاب مبتاسم نطق بهدوء ] قابل
عدول [ التافتت ناحية هدايا ] هدايا بنت مصطفى محمودي قابلة بسي داوود ولد ابراهيم عبد المالك زوجا لك في سراء وضراء
هدايا [ سكتت لحضة مبتاسمة اومات راسها بإيجاب] قابلة
عدول [ متبت عينيه على هدايا] بنتي توصلتي بالصداق ديالك؟
اومات هدايا راسها بإيجاب مبتاسمة وهي كتشوف في داوود.. وكتفكر لبارح كان جاب ليها بواطة كبيرة مزخرفة بالورد منقوش فيها سميتو وسميتها بطريقة زوينة مع تاريخ لخطبة .. مستفين فيها لفلوس غير زرقة تنطح ختها .. قاطع تفكيرها لعدول لي طلب منهم كارط
كل واحد عطاه كارط ناسيونال عطاهم يسينيو سيناو حتى شهود وخرج لعدول بقاو غير لعائلة تفرقو رجال بوحدهم ونساء بوحدهم .. ضحكو وهضرو نشطو حتى وصلت 1 دليل كانو مشاو عائلة لعريس بقا غير داوود ..جا وقت توديع .. جالسة فبيت ماماها وامامها رقية
أنت تقرأ
عتبات المسجد (كاملة)
Historical Fiction#قـــــــصَــــة_رَمــــضـــــَانـــــيــــة..🌛 ..🕯️عَــــتــــبــــات_الــــمــَســجِــد🕯️.. بــقــَلــمـِي : Samira rd 🫀بين تنايا الدين .. قصة حب تروى في الخفاء ..🦋 قـال تـعـالـى :: "يَا أَيُّهَا الَّذِينَ ءآمَنُوا كُتِبَ عَل...
