عتبات المسجد (كاملة)

Part 16 نهاية

كاتبة : Samira rd

🕯️..بين تنايا الدين قصة حب تروى في الخفاء..🕯️

فاطمة [ سكتت كتشوف فيه خايفة من ردة فعلو ] هدايا تحرقت من يدها ..

داوود [ وسع عينيه بصدمة وخوف ] كفااااش؟ فين هي؟

فاطمة [ بخوف ] راه فبيتي..

قبل ما تكمل كلامها كان وقف بسرعة خارج من صالون توجه لبيت نعاس ديال مو .. حل لباب ودخل كانت هدايا ناعسة وماجايبة لدنيا خبار .. نزل عينو ليدها لي كان محروقة وفوقها بوماضة

خسر ملامحو بألم وتوجه ناحيتها جالس على ركابيه كيدوز يدو على شعرها ببطء

داوود [ بخوف نطق بخفوت ] هدايا حبيبتي حلي عينيك

حلت عينيها فيه لي كانو حمرين ومعسلين .. كانت دايخة وماعاقلاش فين هي ..

هدايا [ بلسان متعب كتشوف فيه] داوود

داوود [ كيتفحصها بعينيه نطق] احبيبي نوضي نديك عند طبيبة

هدايا [ نفات براسها بهدوء] بلاش خالتي عطاتني دوا همد عليا لحريق

داوود [ كيدوز ابهامو على خدها نطق باستغراب ] كفاش وقع لك تحرقتي؟

هدايا [ تنهدت سكتت لحضة كتفكر ونطقت ] بنت خالتك

داوود [ بعدم الفهم عاقد حواجبو] مافهمتش ؟ كفاش

هدايا [ بتعب] هبة هي لي خوات عليا لما طايب

بقا يشوف فيها تواني مصدوم .. عمرو تخيل هبة توصل حتى لهاد لحقد وسم .. واحد لعرق بدا يضرب فجبهتو بالاعصاب .. وقف التافت ناحية لباب خارج من لبيت واقف وسط دار

داوود [ نطق بصوته لغاضب لي تردد فارجاء دار ] هـــــبـــة

خرجت فاطمة هي لولة من صالون خايفة ومصدومة من نبرة صوتو المرتفعة .. خرجت هبة من لبيت كتشوف بالاستغراب من لغوتة لي غوت

هبة [ رفعت حاجبها بتساءل] شنو بغيتي علاش معيط هاد تعييطة

داوود [ عض داخل فمو بغضب وتوجه ناحيتها شادة من شعرها غوتت بالالم حاسة بشعرها ايتقلع] شنو قلت لك نهار بغيت نتزوج ؟.. ماتقربيش لمراتي ما تحاديهاش ماتهضريش معاها وماتهزيش فيها لعين [ داها وجابها بغضب وهي كتبكي] ولكن نتي مافهمتيش قلتي شلا هضرة عليها وزايدة من لفوق حارقاها .. واش كتسحابيني دمدومة داكشي لي كيطرا ما كيوصلنيش

هبة [ نطقت بصوت مرتفع بغضب كتبكي طلق منها وقفت بعيدة عليه] طلق مني ماشي من حقك تقرب ليا

داوود [ نضراتو ناحيتها كيف جمرة تعابيرو ماكانوش كيبشرو بالخير] من حقي نديك ترباي حدا ختك حتى تعلمو ماتقربوش لبنات ناس

هبة [ نطقت بحقد وغل ] عمرك اتعيش مرتاح وانا معاكم .. ختي ما دنبها والو من غير بغاتك وحاربت على قبلك ودبا مدوزة لحبس على قبلك ..[ كتشوف ناحية لبيت] انا ما كرهتش نحرقها كاملة [ هزت راسها فيها بحقد كضحك بخبث] كتسحاب راسك راجل وانت مخلي مراتك كتلاقا مع لعزارة