كاتبة : Samira rd
🕯️..بين تنايا الدين قصة حب تروى في الخفاء..🕯️
داكشي لي كان دغيا نسات فرح وبدات ضور فدار وعلامة لاعجاب في ملامحها في فمها كلمة هي تبارك الله فينما تشوف شي حاجة عجبتها كتشكرها ليها وهدايا فرحانة
جالسين وسط صالون امام بعضياتهم وابتاسمة على شفايفهم بجوج
فرح [ عضت على شفايفها بإعجاب نطقت ] تبارك الله دار زوينة راجلك عندو دوق
هدايا [ تبسمت حتى هي ونطقت ] مزال ماشفت دار لاخرا باينة اتكون زوينة
فرح [ اومات بإيجاب بهدوء مبتاسمة] نيت اتكوني قريبة لمحل ديالكم
هدايا [ قوست حجبانها باستغراب] اه فكرتيني فين هو كمال كعما جا معاكم
فرح [ كتنش على راسها ] قال بلي شي رجال جابو ليهم سلعة قبل لوقت ومشا يجيبها
اومات هدايا راسها بإيجاب.. تسمع ادآن لعشاء وفنفس لوقت كان تيليفون فرح كيصوني خلاتها ومشات توضات صلاة لمغرب حيت ما صلاتوش عاد صلاة لعشاء .. دازو دقائق شهدت وسلمات قرات اية الكرسي من بعد ناضت عند فرح ..
بقاو دقائق تاليها ساعات وهوما غي كيهضرو هضرة تجبد هضرة.. صلاو صلاة تراويح .. تسمع دقان فالباب وقفت هدايا توجهت ناحية لباب حالاه تبسمت فاش لقات داوود هو لي واقف فيدو شي بلاستيكات بادلها لابتسامة .. دخل من لباب باس على راسها مبتاسم
داوود [ بنبرة رجولية هادئة بابتسامة] مساء الخير [ رجع باس راسها ونطق ] الله يرضي عليك شكرا على لفطور
هدايا [ تبسمت بخفوت وعيونها لامعين] بصحتك دخل
داوود [دخل من لباب التافت بانت ليه فرح جالسة نزل راسو ونطق بهدوء] مرحبا بيك اختي فرح
فرح [ بابتسامة ماكتشوفش فيه ] ترحب بيك جنة اخويا
طبطب على صدرو وتمشا ديريكت لبيت نعاس.. التافتت هدايا غامزة فرح بابتسامة وتبعات داوود حتى لبيت لقاتو كيحيد فالجلابة توجهت امامو واقفة بابتسامة خادت من عندو جلابة حاطاها فوق لفراش
داوود [ بابتسامة هادئة] جبدي ليا شي حاجة نلبسها
اومات بإيجاب توجهت لماريو كتقلب فحوايجو وتهضر ..
هدايا [ بابتسامة نطقت بهدوء] كيف دوزتي نهارك
داوود [ اوما بإيجاب مبتاسم] حمد لله بيخير واخا حسيت براسي غادي ينفاجر ولكن حمد لله
التافتت هدايا وفيدعا سروال وقميجة.. مقوسة حواجبها باستغراب متاجهة ناحيتو
هدايا [ مدت ليه لحوايج ونطقت بتساءل] مناش؟ [ حطت يدها جبهتو لقاتو بارد ] ما سخونش كتشرب شي دوا ؟
أنت تقرأ
عتبات المسجد (كاملة)
Historical Fiction#قـــــــصَــــة_رَمــــضـــــَانـــــيــــة..🌛 ..🕯️عَــــتــــبــــات_الــــمــَســجِــد🕯️.. بــقــَلــمـِي : Samira rd 🫀بين تنايا الدين .. قصة حب تروى في الخفاء ..🦋 قـال تـعـالـى :: "يَا أَيُّهَا الَّذِينَ ءآمَنُوا كُتِبَ عَل...
