عتبات المسجد (كاملة)

Part 10

كاتبة : Samira rd

🕯️..بين تنايا الدين قصة حب تروى في الخفاء..🕯️

بقات تشوف فيه بعدم تصديق واش على هادشي ماكتحملوش  .. قلبها بدا يحن فيها ويقول تقدر تكون ختها بقات فيها داكشي علاش كرهت داوود ولكن جاتها قضية فشكل وزاد فضولها كتر قررت غدا غير تفيق تمشي تسول عكوزتها

داوود [ وقف مبتاسم مد ليها يدو ونطق] اجي معايا

شافت فيدو وهزت راسها فيه بتاسمت وحطت يدها فوق يدو وقفت جارها معاه لبيت نعاس حلو ودخل توجه لبلاصة في كاينة ديك زربية فرش صلايات وحدة لقدام وحدة وراه عرفت بلي كيوجد باش يصليو بجوج .. داكشي علاش حتى هي هزت عبايتها فولارها وتقاشرها تقابلو مع لقبلة وبدا فإقامة صلاة

صلاو جوج ركعات قالو تحيات وسلمو جالسين فبلاصتهم هو لقدام وهي لور

داوود [ جامع يديه وحتى هي دايرة بحالو نطق بهدوء] اللهم من اعتز بك فلن يذل ومن اهتدى بك فلن يضل ومن استكثر بك فلن يقل ومن استقوى بك فلن يضعف ومن استغنى بك فلن يفتقر ومن استنصر بك فلن يخذل ومن استعان بك فلن يغلب ومن توكل عليك فلن يخيب ومن جعلك ملاذه فلن يضيع ومن اعتصم بك فقد هدي إلى صراط مستقيم اللهم فكن لنا وليا ونصيرا وكن لنا معينا ومجيرا إنك كنت بنا بصيرا.

التافت جيهتها مربع رجليه وعيونهم على بعضياتهم مبتاسمين.. عاطيها واحد لابتسامة مبين فيها سنيناتو لي مستفين.. ابتسامة كتحسي بيها خارجة من قلبو ديريكت لقلبها عيونو فاش كيكونو عليها كيكونو كيبريو

داوود [ وهو متبت عينيه عليها مبتاسم ] عارفة شنو هو لحب العفيف ؟

هدايا [ قوست حجبانها بتعجب من سؤالو نطقت مبتاسمة ] هو لي كيكون من ورا زواج؟

داوود [ تبسم بخفوت هبط عينو لتحت ونطق ] لحب نوعان .. لعفيف والغير عفيف .. الحب العفيف هو ما يكتمه الانسان [ حط يدو فقلبو] في قلبه وما كيبينوش داكشي علاش قالو .. الحب مامنع الكلام الالسونَ وألذ شكوى عاشق ما اعلنَ لي ما كيعلنوش [ هز عيونو فيها مبتاسم ] لحب الى كان فالقلب هدا هو لحب

كانت كتشوف فيه بإستغراب وفنفس لوقت مبتاسمة ليه .. شي حاجة غريبة فيه مزال ما عرفتها وسعت عيونها فاش حست براسو فوق فخاضها ناعس .. تبسمت بخفوت وخدودها توردو كان مغمض عينيه ومبتاسم ..

حطت يدها فوق شعرو لكتيف كتلعب فيه .. كتخشي اطراف صباعها وسط شعرو حتى كيتبورش فجأة طاح عليها سؤال لي من شحال وهي باغا تعرفو

هدايا [ بتساءل كتشوف امامها] داوود

داوود [ مغمض عينيه] اممم

هدايا [ سكتت تواني ونطقت بتساءل] جدك داك نهار قال ليا بلي واش نتي هي هدايا عاود ليا داوود عليك بزاف مافهمتش شنو بغا يعني ؟