كاتبة : Samira rd
🕯️..بين تنايا الدين قصة حب تروى في الخفاء..🕯️
هدايا [تبسمت بخجل كتشوف فيها ] صافي غير سيري اخالتي تفطري
اومات فاطمة راسها بإيجاب وخرجت من لكوزينة.. مخليا هدايا كتشوف امامها بشرود
هدايا [ تنهدت وخدودها مزال حمرين ] اووف تشوهت دبا كفاش انقدر نشوف فعمي ابراهيم
كتاكل بهدوء مرة مرة تمسد رجليها وتحت كرشها بالوجع .. حست بالفشلة ودنيا دارت بيها ..دفعت لكرسي وناضت خارجة من لكوزينة اتجاه دارها حلتها حيدت لعباية والفولار ..
جلست فارضية صالون كتوجع .. ماقادراش تنوض ورجليها تگرضو عليها بالوجع .. كتحس بالماص .. دازو دقائق من وراها ساعات ادن لعشاء صلاو صلاة تراويح
كانت جالسة فوق سداري جنب لحيط مغطية بمانطة سخونة .. فيدها تيليكوموند كتفرج وتنخصص بالوجع.. عيونها طابو ونيفها ولا حمر وكيسيل..
سمعت لباب تحل نسات ما سداتو.. دخل داوود كيعيط بسميتها حتى دخل لصالون .. عقد حواجبو وتوجه ناحيتها بسرعة جالس جنبها
داوود [ نطق بخوف كيتفحصها بعينيه ] هدايا مالك.. [ كيشوف عيونها كيف مورمين] علاش كتبكي
هدايا [ قلبت شفايفها بحزن وعيونها دبلتهم] فيا لوجع
داوود [ قوس حواجبو كيشوف فيها تواني عاد فهم ] شربتي شي حاجة ؟
هدايا [ نفات براسها كتشهق وتمسح فعيونها] لا مالقيت والو فدار
داوود [ تنهد ومسح على شعرها بحنان ] ما تبكيش الله يرضي عليك .. صبري شوية ونجي عندك
اومات بإيجاب.. ورجعت حطت راسها على لمخدة موسداها ودموعها على خدها
*لتحت
كان داوود فالكوزينة كيقلب على شي حاجة.. ساعة ما لقا والو.. التافت فاش سمع صوت فاطمة داخلة لكوزينة
فاطمة [ باستغراب ] ولدي شنو كدير هنا؟ بغيتي شي حاجة ؟
داوود [ اوما بإيجاب كيقلب بعينيه] اه الواليدة هدايا فيها لوجع.. وبغيت شي حاجة تحيد ليها لوجع
فاطمة [ تبسمت بخفوت ونطقت ] ايه اوليدي.. [ أشارت ليه ناحية لبلاكار] اتحل تماك اتلقا قراعي ديال زاج فيهم ورقة سيدنا موسى.. ليازير .. والقرفة خلطهم فكاس دير لما يطيب.. وكبو عليهم حتى يطلقو وصفيهم وعطيها تشربهم (بنات هاد لعشوب راه واعرين ولله دقة بطلة لوجع)
اوما بإيجاب خرجت هي وهو مشا قاد شنو قالت ليه .. دقائق وكان موجد كولشي .. هز لكاس طفا ضو لكوزينة وطلع لدار .. حل لباب ودخل سدو وراه دخل لصالون لقاها نعسات .. توجه عندها ومزال اتار دموع فعينيه.. تأسف على حالتها وبدا يزعزع فيها غير بشوية
أنت تقرأ
عتبات المسجد (كاملة)
Historical Fiction#قـــــــصَــــة_رَمــــضـــــَانـــــيــــة..🌛 ..🕯️عَــــتــــبــــات_الــــمــَســجِــد🕯️.. بــقــَلــمـِي : Samira rd 🫀بين تنايا الدين .. قصة حب تروى في الخفاء ..🦋 قـال تـعـالـى :: "يَا أَيُّهَا الَّذِينَ ءآمَنُوا كُتِبَ عَل...
